Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Swivuriso 25:1-28

25  Leswi i swivuriso swa Solomoni+ leswi vanhu va Hezekiya hosi ya Yuda+ va swi kopululeke:  Ku vangama ka Xikwembu i ku hlayisa mhaka yi ri xihundla,+ naswona ku vangama ka hosi i ku lavisisa mhaka.+  Matilo i ya ku tlakuka+ ni misava i ya vuenti,+ naswona mbilu ya tihosi, a yi lavisiseki.+  A ku susiwe swipambe eka silivhere, kutani hinkwayo ka yona yi ta huma yi tengile.+  A ku susiwe lowo homboloka emahlweni ka hosi,+ kutani xiluvelo xa yona xi ta simekiwa xi tiya hi ku lulama.+  U nga tiendli u xiximeka emahlweni ka hosi,+ naswona u nga yimi endhawini ya lavakulu.+  Hikuva swa antswa loko yona yi ku byela yi ku: “Tlhandlukela haleno,”+ ematshan’weni ya leswaku yi ku tsongahata emahlweni ka munhu wa xiyimo xa le henhla loyi mahlo ya wena ma n’wi voneke.+  U nga hatliseli ku ya tenga nandzu, leswaku emakumu u nga kanakani malunghana ni leswi u nga ta swi endla loko munhu-kuloni a ku tsongahata.+  Rivalelana ni munhu-kuloni,+ naswona u nga xi hlavuteli xihundla xa un’wana;+ 10  leswaku loyi a yingisaka a nga ku khomisi tingana ni xiviko xa wena xo biha xi nga ha tsundzukiwi. 11  Rito leri vuriweke hi nkarhi wa kona ri fana ni maapula ya nsuku exibyeni xa silivhere.+ 12  Xingwavila xa tindleve xa nsuku, ni xin’wetsin’wetsi xa nsuku wo hlawuleka, i mutshinyi la tlhariheke endleveni leyi twaka.+ 13  Muyimeri la tshembekaka u fana ni ku titimela ka gamboko+ hi siku ra ntshovelo eka lava n’wi rhumaka, hikuva u vuyisa moya-xiviri wa vini wakwe.+ 14  Munhu la tibumaka malunghana ni nyiko ya mavunwa u fana ni mapapa lama nga ni nkahelo ni mheho leyi nga riki na maboboma.+ 15  Ndhuna yi kuceteriwa hi ku lehisa mbilu, naswona ririmi ro rhula ri nga tshova rhambu.+ 16  Xana u kume vulombe?+ Dyana lebyi byi ku eneleke, leswaku u nga dyi byo tala ngopfu kutani u boheka ku byi hlanta.+ 17  U nga tati nenge endlwini ya munhu-kuloni, lerova u nga n’wi phirhwi kutani a ku venga. 18  Munhu la nyikelaka vumbhoni bya mavunwa+ ku lwa ni munhu-kulobye u fana ni muchizo wa nyimpi ni banga leri karihaka. 19  Ntshembo wa loyi a xengaka hi siku ra maxangu wu fana ni tino leri tshovekeke ni nenge lowu rhurhumelaka.+ 20  Loyi a hluvulaka nguvu hi siku ro titimela u fana ni ntsuvi ehenhla ka alkali ni muyimbeleri la yimbelelaka tinsimu ehenhla ka mbilu leyi dzwihaleke.+ 21  Loko munhu la ku vengaka a ri ni ndlala, n’wi nyike xinkwa a dya; loko a ri ni torha, n’wi nyike mati a nwa.+ 22  Hikuva u hlengeleta makala enhlokweni yakwe,+ kutani Yehovha u ta ku hakela.+ 23  Mheho ya le n’walungwini yi tisa maboboma onge hiloko yi ma tisa hi switlhavi swa ku veleka;+ naswona ririmi leri paluxaka xihundla, ri vanga xikandza lexi hlundzukeke.+ 24  Swa antswa ku tshama eyinhleni ya lwangu ematshan’weni ya ku tshama ni nsati wa timholovo, endlwini yin’we.+ 25  Xiviko lexinene lexi humaka etikweni ra le kule,+ xi fana ni mati yo titimela eka moya-xiviri lowu karhaleke.+ 26  Loko lowo lulama a tshetsheleka emahlweni ka lowo homboloka, u va xihlovo lexi thyakeke ni xihlovo lexi onhakeke.+ 27  Ku dya vulombe byo tala a hi swinene;+ ni vanhu loko va lavisisa ku vangama ka vona, xana i ku vangama?+ 28  Munhu la nga swi kotiki ku lawula moya wakwe u fana ni muti lowu boxekeke, lowu nga riki na rirhangu.+

Tinhlamuselo ta le hansi