Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Swivuriso 23:1-35

23  Loko wo tshuka u tshama ehansi u dya ni hosi, u fanele u swi xiyisisa kahle leswi nga emahlweni ka wena,+  naswona u fanele u veka mukwana enkolweni wa wena loko u ri ni moya-xiviri lowu navelaka ngopfu.+  U nga wu naveli mpandzwa wa yona, tanihi leswi wu nga swakudya swa mavunwa.+  U nga tirhi hi matimba leswaku u kuma rifuwo.+ Tshika ku twisisa ka wena.+  Xana u endle leswaku mahlo ya wena ma ri languta, loko ku nga ri na nchumu?+ Handle ko kanakana ri ta tiendlela timpapa ku fana ni ta gama kutani ri haha ri ya ematilweni.+  U nga swi dyi swakudya swa munhu wa tihlo leri tsonanaka,+ hambi ku ri ku navela mpandzwa wakwe wo nandziha.+  Hikuva u fana ni munhu la pimeke endzeni ka moya-xiviri wakwe.+ “Dyana u tlhela u nwa,” u ku byela tano, kambe mbilu yakwe a yi kona eka wena.+  Xiphemu xa wena lexi u xi dyeke, u ta xi hlanta, naswona u ta va u tlange hi marito ya wena yo tsakisa.+  U nga vulavuleli etindleveni ta xihunguki,+ hikuva xi ta ma langutela ehansi marito ya wena ya vutlhari.+ 10  U nga wu tlhentlhisi ndzilakana lowu vekiweke khale swinene,+ naswona u nga ngheni ensin’wini ya vana lava nga riki na tatana.+ 11  Hikuva Mukutsuri wa vona u ni matimba; yena u ta va yimelela eka wena.+ 12  Tisa mbilu ya wena endzayweni ni ndleve ya wena emaritweni ya vutivi.+ 13  U nga tshiki ku nyika mufana ndzayo.+ Loko wo tshuka u n’wi ba hi nkhavi, a nge fi. 14  U fanele u n’wi ba hi nkhavi, leswaku u kutsula moya-xiviri wakwe eSheol.+ 15  N’wananga, loko mbilu ya wena yi tlharihile,+ mbilu ya mina yi ta tsaka.+ 16  Naswona tinso ta mina ti ta khana loko milomu ya wena yi vulavula leswi lulameke.+ 17  Mbilu ya wena yi nga tshuki yi vondzoka vadyohi,+ kambe chava Yehovha siku hinkwaro.+ 18  Hikuva emhakeni yoleyo ku ta va ni vumundzuku,+ ni ntshembo wa wena a wu nge hetiwi.+ 19  Wena n’wananga, yingisa kutani u tlhariha, kutani u kongomisa mbilu ya wena endleleni.+ 20  U nga vi exikarhi ka lava va nwaka ngopfu vhinyo,+ exikarhi ka lava va dyaka nyama hi makolo.+ 21  Hikuva xidakwa ni munhu wa makolo va ta va ni vusiwana,+ naswona ku khudzehela ku ta ambexa munhu yoloye hi switlakati.+ 22  Yingisa tata wa wena la ku velekeke,+ naswona u nga n’wi languteli ehansi mana wa wena hileswi a kuleke.+ 23  Xava ntiyiso,+ u nga wu xavisi—vutlhari, ndzayo ni ku twisisa.+ 24  Tata wa la lulameke u ta tsaka hakunene;+ loyi a vaka tata wa la tlhariheke u ta tsaka.+ 25  Tata wa wena ni mana wa wena va ta tsaka, ni loyi a ku velekeke u ta tsaka.+ 26  N’wananga, ndzi nyike mbilu ya wena, naswona onge mahlo ya wena ma nga tsakela tindlela ta mina.+ 27  Hikuva nghwavava i mugodi wo enta+ ni wansati wumbe i xihlovo xo khuma. 28  Hakunene yena, wa tumbelela+ ku fana ni xigevenga; naswona u engetela vaxengi exikarhi ka vavanuna.+ 29  I vamani lava nga ni khombo? I vamani lava vilelaka? I vamani lava nga ni timholovo?+ I vamani lava karhatekeke? I vamani lava nga ni timbanga ku nga ri na xivangelo? I vamani lava nga voniki kahle? 30  Hi lava va tshamaka nkarhi wo leha ni vhinyo,+ lava va fikaka leswaku va ta lavisisa vhinyo leyi pfanganisiweke.+ 31  U nga yi languti vhinyo loko yi ri yo tshwuka, loko yi humesa swimbyaru-mbyaru exinwelweni, loko yi rhelela. 32  Eku heteleleni yi luma ku fana ni nyoka,+ naswona yi humesa vuxungu ku fana ni mhiri.+ 33  Mahlo ya wena ma ta vona swilo leswi nga tolovelekangiki, ni mbilu ya wena yi ta vulavula swilo leswi humeke endleleni.+ 34  Kunene u ta fana ni la etleleke exikarhi ka lwandle, ku fana ni la etleleke ehenhla ka xihondzo xa ngalava.+ 35  “Va ndzi bile, kambe a ndzi vabyanga; va ndzi makarile, kambe a ndzi swi tivanga. Xana ndzi ta pfuka rini?+ Ndzi ta tlhela ndzi lava yin’wana.”+

Tinhlamuselo ta le hansi