Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Swivuriso 21:1-31

21  Mbilu ya hosi yi fana ni swinambyana swa mati evokweni ra Yehovha.+ Yi hundzukela kun’wana ni kun’wana laha yi ku tsakelaka.+  Ndlela yin’wana ni yin’wana ya munhu yi lulamile ematihlweni yakwe,+ kambe Yehovha u pimanyeta timbilu.+  Yehovha u tsaka ngopfu loko ku endliwa swo lulama ni vuavanyisi, ku tlula xitlhavelo.+  Mahlo lama titlakusaka ni mbilu leyi tikurisaka,+ rivoni ra lavo homboloka, i xidyoho.+  Kunene makungu ya lava va gingiritekaka ma endla leswi pfunaka,+ kambe un’wana ni un’wana la hatlisaka ngopfu, hakunene u ta wela eku pfumaleni.+  Ku kuma xuma hi ririmi ra vunwa i moya lowu hungaka,+ eka lava va lavaka rifu.+  Leswi swi tekiweke hi lavo homboloka swi ta va koka,+ hikuva va ale ku endla vululami.+  Munhu, la nga mufambi, u hombolokile endleleni yakwe;+ kambe lowo tenga u lulamile entirhweni wakwe.+  Swa antswa ku tshama eyinhleni ya lwangu+ ematshan’weni ya ku tshama ni nsati wa timholovo, endlwini yin’we.+ 10  Moya-xiviri wa lowo homboloka wu navele swo biha;+ munhu-kulobye a nge kombiwi tintswalo ematihlweni yakwe.+ 11  La nga riki na ntokoto wa tlharihisiwa loko a riha muhlekuri;+ naswona munhu u kuma vutivi hi ku twisisa munhu la tlhariheke.+ 12  La Lulameke u ehleketela yindlu ya lowo homboloka,+ a wisela lavo homboloka ekhombyeni ra vona.+ 13  Loko ku ri munhu la sivaka ndleve yakwe leswaku a nga xi twi xirilo xa xisiwana,+ na yena u ta vitana kambe a nge hlamuriwi.+ 14  Nyiko leyi humesiwaka exihundleni yi hlula ku hlundzuka;+ ni xifumbarheriso exifuveni,+ xi hlula vukarhi lebyikulu. 15  Swa n’wi tsakisa la lulameke ku endla leswi lulameke,+ kambe ku ni khombo eka lava va hanyaka hi swo biha.+ 16  Loko ku ri munhu la hambukaka endleleni ya ku twisisa,+ u ta wisa enhlengeletanweni ya lava va hluriweke hi rifu.+ 17  Loyi a rhandzaka mintsako u ta va xihunguki;+ loyi a rhandzaka vhinyo ni mafurha a nge ri kumi rifuwo.+ 18  Lowo homboloka i nkutsulo eka loyi a lulameke;+ naswona loyi a xengaka u siva ndhawu ya lavo lulama.+ 19  Swa antswa ku tshama etikweni leri nga mananga ematshan’weni ya ku tshama ni nsati wa timholovo, la dyisaka mbitsi.+ 20  Xuma lexi navelekaka ni mafurha swi le vutshan’weni bya lowo tlhariha,+ kambe xihunguki xi ta swi mita.+ 21  Loyi a lavaka ku lulama+ ni musa wa rirhandzu u ta kuma vutomi, ku lulama ni ku vangama.+ 22  Lowo tlhariha u khandziyele makhumbi ya muti wa vavanuna va matimba, leswaku a ta ehlisa ntamu wa ntshembo wa wona.+ 23  Loyi a hlayisaka nomu wakwe ni ririmi rakwe u hlayisa moya-xiviri wakwe leswaku wu nga ngheni emaxangwini.+ 24  Mutikurisi la tikukumuxaka ni ku tidya i vito ra loyi a endlaka hi ku hlundzuka ka ku tikukumuxa.+ 25  Ku navela ka lolo ku ta ri dlayisa, hikuva mavoko ya rona ma ale ku tirha.+ 26  Ri vonake ri navele ngopfu siku hinkwaro, kambe la lulameke wa nyika a nga ali na nchumu.+ 27  Xitlhavelo xa lavo homboloka i nchumu lowu nyenyetsaka.+ Ngopfu-ngopfu loko munhu a xi tisa ni ku tikhoma ko biha.+ 28  Mbhoni leyi hembaka yi ta lova,+ kambe munhu la yingisaka u ta vulavula hi masiku.+ 29  Munhu wo homboloka u ni nghohe ya vurhena,+ kambe lowo lulama u ta simeka tindlela takwe ti tiya.+ 30  Vutlhari a byi kona, hambi ku ri ku twisisa, kumbe kungu leri nga lwaka na Yehovha.+ 31  Hanci i nchumu lowu lunghiseleriweke siku ra nyimpi,+ kambe ku ponisa i ka Yehovha.+

Tinhlamuselo ta le hansi