Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Swivuriso 19:1-29

19  Un’wana ni un’wana la pfumalaka kambe a fambaka hi vutshembeki wa antswa+ ku tlula la hombolokeke emilon’wini, ni loyi a hungukeke.+  Nakambe, a hi swinene leswaku moya-xiviri wu pfumala vutivi,+ naswona loyi a anghwetlaka hi milenge ya yena wa dyoha.+  Vuphukuphuku bya munhu wa la misaveni byi gombonyokisa ndlela yakwe,+ naswona mbilu yakwe yi karihela Yehovha.+  Rifuwo i nchumu lowu engetelaka vanakulobye vo ta-la,+ kambe loyi a nga xisiwana u hambanisiwa ni nakulobye.+  Mbhoni ya vunwa a yi nge poni ku xupuriwa,+ ni loyi a tisungulelaka mavunwa a nge poni.+  Va tele lava tsakisaka munhu wa xiyimo xa le henhla,+ naswona hinkwavo i vanakulobye va munhu la humesaka tinyiko.+  Vamakwavo va loyi a pfumalaka, hinkwavo va n’wi vengile.+ Vona ndlela leyi vanghana vakwe lavakulu va yeke ekule swinene na yena ha yona!+ U lava ku vula swo karhi; a va kona.+  Loyi a kumaka mbilu+ u rhandza moya-xiviri wakwe. Loyi a rindzaka ku twisisa u ta kuma leswinene.+  Mbhoni ya vunwa a yi nge poni ku xupuriwa,+ naswona loyi a tisungulelaka mavunwa u ta lova.+ 10  Vulovolovo a byi n’wi faneli un’wana ni un’wana la nga xihunguki.+ Hambi ku ri nandza a nge yi fumi hosana nikatsongo!+ 11  Kunene ku twisisa ka munhu ku vohlisa ku hlundzuka kakwe,+ naswona swi sasekile eka yena loko a nga wu tluli nawu.+ 12  Vukarhi bya hosi byi bonga ku fana ni xinghalana xa ntshiva,+ kambe vunene bya yona byi fana ni mberha ehenhla ka ximila.+ 13  N’wana la hungukeke u tisa maxangu eka tata wakwe,+ naswona timholovo ta wansati ti fana ni lwangu leri pfutaka, leri hlongolaka munhu.+ 14  Ndzhaka leyi humaka eka vatatana i yindlu ni rifuwo,+ kambe wansati wo tlhariha u huma eka Yehovha.+ 15  Vulolo byi tisa vurhongo lebyikulu,+ naswona moya-xiviri wo loloha wu ni ndlala.+ 16  Loyi a hlayisaka xileriso u hlayisa moya-xiviri wakwe;+ loyi a ti langutelaka ehansi tindlela takwe u ta dlayiwa.+ 17  Loyi a kombisaka xisiwana tintswalo u lomba Yehovha,+ naswona ndlela leyi a xi khomaka ha yona U ta yi tlherisela eka yena.+ 18  Bana n’wana wa wena loko ka ha ri ni ntshembo;+ naswona u nga swi naveli hi moya-xiviri wa wena ku n’wi dlaya.+ 19  La nga ni vukarhi lebyikulu u ta riha;+ hikuva loko wo n’wi kutsula, u ta tshamela ku swi endla hi ku phindha-phindha.+ 20  Yingisa xitsundzuxo u tlhela u amukela ndzayo,+ leswaku u ta tlhariha eka vumundzuku bya wena.+ 21  Ma tele makungu embilwini ya munhu,+ kambe i xitsundzuxo xa Yehovha lexi nga ta tshama xi ri kona.+ 22  Xilo lexi navelekaka eka munhu wa la misaveni i musa wakwe wa rirhandzu;+ naswona munhu la pfumalaka wa antswa ku tlula munhu la hembaka.+ 23  Ku chava Yehovha ku voyamela evuton’wini,+ naswona munhu u ta heta vusiku a enerisekile;+ a nge fikeriwi hi swo biha.+ 24  Lolo ri fihle voko ra rona enkambaneni;+ a ri swi koti ni ku ri vuyisa enon’wini wa rona.+ 25  U fanele u ba muhlekuri,+ leswaku la nga riki na ntokoto a ta tlhariha;+ naswona la twisisaka u fanela a tshinyiwa, leswaku a ta xiya vutivi.+ 26  Loyi a xanisaka tata wakwe ni loyi a hlongolaka+ mana wakwe i n’wana la nyumisaka ni ku khomisa tingana.+ 27  N’wananga, loko wo tshika ku yingisa ndzayo, sweswo swi ta vula ku hambuka emaritweni ya vutivi.+ 28  Mbhoni leyi nga pfuniki nchumu yi hlekula vululami,+ naswona nomu wa vanhu vo homboloka wu mita swo biha.+ 29  Vuavanyisi byi simekeriwe vahlekuri byi tiya,+ ni minkhavi enhlaneni wa swihunguki.+

Tinhlamuselo ta le hansi