Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Swivuriso 17:1-28

17  Xa antswa xiphemu lexi omeke xa xinkwa laha ku nga ni ku rhula+ ematshan’weni ya yindlu leyi nga ni switlhavelo swo tala swa ku holova.+  Nandza la nga ni ku twisisa u ta fuma n’wana la nyumisaka,+ naswona u ta va ni xiavelo xa ndzhaka exikarhi ka vamakwavo.+  Mbita ya ku tengisa i ya silivhere ni khele ra ndzilo i ra nsuku,+ kambe Yehovha i mukambisisi wa timbilu.+  Muendli wa leswo biha u nyikela nyingiso enon’wini wo biha.+ Muhembi u yingisa ririmi leri vangaka maxangu.+  Loyi a hlekulaka la pfumalaka u rhukane Muendli+ wakwe. Loyi a tsakaka loko un’wana a weriwa hi khombo a nge poni ku xupuriwa.+  Harhi ya vavanuna lava kuleke i vatukulu,+ ni ku saseka ka vana i vatata wa vona.+  Un’wana ni un’wana la hungukeke a nga faneriwi hi nomu lowu lulameke.+ Ngopfu-ngopfu nomu wa mavunwa eka munhu wa xiyimo xa le henhla!+  Nyiko i ribye leri tsakeriwaka hi mahlo ya n’wini wa rona lonkulu.+ Kun’wana ni kun’wana laha a hundzulukelaka kona wa humelela.+  Loyi a funengetaka xihoxo u hlakulela rirhandzu,+ naswona loyi a tshamelaka ku vulavula hi mhaka, u hambanisa lava tolovelaneke.+ 10  Ku tshinya ku tirha ngopfu eka loyi a nga ni ku twisisa+ ematshan’weni yo ba xihunguki ka dzana.+ 11  Lowo biha u hambeta a lava ku xandzuka ntsena,+ naswona murhumiwa loyi a rhumiweke ku lwa na yena u ni tihanyi.+ 12  Munhu a a hlangane ni bere leyi tekeriweke vana+ va yona ematshan’weni ya xihunguki evuphukuphukwini bya xona.+ 13  Loko ku ri loyi a tlheriselaka leswinene hi swo biha,+ swo biha a swi nge suki endlwini yakwe.+ 14  Ku sungula ka mholovo ku fana niloko munhu a pfulela mati;+ hikwalaho loko mholovo yi nga si pfuka, suka.+ 15  Munhu la vulaka leswaku la hombolokeke u lulamile+ ni munhu la vulaka la lulameke leswaku u hombolokile+—havambirhi va nyenyetsa eka Yehovha.+ 16  Ha yini ku ri ni nxavo wo kuma vutlhari evokweni ra xihunguki,+ kasi a xi na mbilu?+ 17  Nakulorhi wa ntiyiso u ni rirhandzu nkarhi hinkwawo,+ naswona i makwerhu la velekiweke loko ku ri ni maxangu.+ 18  Munhu la nga ni mbilu yo hunguka wa qhavula,+ a tiyisekisa swinene emahlweni ka nakulobye.+ 19  Un’wana ni un’wana la rhandzaka ku tlula nawu u rhandza nyimpi.+ Un’wana ni un’wana la tlakusaka ndlela yakwe yo nghena ha yona u lava ku wa.+ 20  Loyi a hombolokeke embilwini a nge swi kumi leswinene,+ naswona loyi a hundzulaka ririmi rakwe u ta wela ekhombyeni.+ 21  Un’wana ni un’wana la nga tata wa xihunguki—u ni gome;+ naswona tata wa xiphunta a nga tsaki.+ 22  Mbilu leyi tsakeke i muhanyisi lonene,+ kambe moya lowu tshovekeke wu omisa marhambu.+ 23  Loyi a hombolokeke u ta teka xifumbarheriso exifuveni+ leswaku a voyamisa tindlela ta vuavanyisi.+ 24  Vutlhari byi le xikandzeni xa la twisisaka,+ kambe mahlo ya xihunguki ma le makumu ka misava.+ 25  N’wana la hungukeke u dyisa tata+ wakwe mbitsi naswona u karhata loyi a n’wi velekeke.+ 26  Ku tlula kwalaho, ku rihisa la lulameke a hi swinene.+ Ku ba vanhu va xiyimo xa le henhla ku lwisana ni leswi lulameke.+ 27  Un’wana ni un’wana la hlwelaka ku vula marito yakwe u ni vutivi,+ naswona munhu la nga ni ku twisisa u ni moya wo rhula.+ 28  Hambi ku ri xiphukuphuku, loko xi miyela, xi ta tekiwa xi tlharihile;+ un’wana ni un’wana la pfalaka milomu yakwe, u ta tekiwa a ri ni ku twisisa.

Tinhlamuselo ta le hansi