Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Swivuriso 15:1-33

15  Loko nhlamulo yi olova, yi tlherisa vukarhi,+ kambe rito leri tlhavaka ri pfuxa ku hlundzuka.+  Ririmi ra lavo tlhariha ri endla leswinene hi vutivi,+ kambe nomu wa lavo hunguka wu phyaphyarha vuphukuphuku.+  Mahlo ya Yehovha ma le ndhawini yin’wana ni yin’wana,+ ma tshama ma langute lavo biha ni lavanene.+  Ririmi ro olova i murhi wa vutomi,+ kambe loko ri soholokile ri tshova moya.+  Un’wana ni un’wana la nga xiphukuphuku a nga yi chavi ndzayo ya tata wakwe,+ kambe un’wana ni un’wana la yingisaka ku tshinyiwa u tlharihile.+  Ku ni vuhlayiselo byo tala endlwini ya lowo lulama,+ kambe ntshovelo wa lowo homboloka wa fularheriwa.+  Milomu ya lavo tlhariha yi tshamela ku hangalasa vutivi,+ kambe mbilu ya lavo hunguka a yi tano.+  Xitlhavelo xa lavo homboloka i nchumu lowu nyenyetsaka eka Yehovha,+ kambe xikhongelo xa lavo lulama xa n’wi tsakisa.+  Ndlela ya lowo homboloka i nchumu lowu nyenyetsaka eka Yehovha,+ kambe u rhandza loyi a endlaka swo lulama.+ 10  Ndzayo yi bihile eka loyi a tshikaka ndlela;+ un’wana ni un’wana la vengaka ku tshinyiwa u ta fa.+ 11  Sheol ni ndhawu ya ndzoviso+ swi le mahlweni ka Yehovha.+ Ngopfu-ngopfu timbilu ta vana va vanhu!+ 12  Muhlekuri a nga n’wi rhandzi loyi a n’wi tshinyaka.+ A nge yi eka lavo tlhariha.+ 13  Mbilu leyi tsakeke yi endla leswaku mombo wu languteka wu tsakile,+ kambe moya wa tshoveka hikwalaho ka ku vava ka mbilu.+ 14  Mbilu leyi twisisaka hi leyi yi lavisisaka vutivi,+ kambe nomu wa vanhu vo hunguka wu hlohlotela vuphukuphuku.+ 15  Hinkwawo masiku ya la xanisekaka ma bihile;+ kambe loyi a nga ni mbilu leyinene u tshama a ri ni nkhuvo.+ 16  Swa antswa ku va ni leswitsongo eku chaveni ka Yehovha+ ematshan’weni ya mphakelo wo tala kambe ku ri ni ku pfilunganyeka.+ 17  Matsavu ma antswa laha ku nga ni rirhandzu+ ematshan’weni ya nkunzi leyi wundleriweke exidyelweni kambe ku ri ni rivengo.+ 18  Munhu wo kariha u pfuxa mholovo,+ kambe loyi a hlwelaka ku hlundzuka u timela ku holova.+ 19  Ndlela ya lolo yi fana ni rihlampfu ra xigatlu,+ kambe ntila wa lavo lulama i ndlela leyi akiweke.+ 20  N’wana wo tlhariha hi loyi a tsakisaka tata wakwe,+ kambe munhu wo hunguka u n’wi langutela ehansi mana wakwe.+ 21  Vuphukuphuku bya tsakisa eka loyi a nga ni mbilu yo hunguka,+ kambe munhu la nga ni ku twisisa hi loyi a fambaka hi ku kongoma.+ 22  Makungu ma pfilunganyeka laha ku nga riki na ku kanerisana ka le xihundleni,+ kambe laha ku nga ni vatsundzuxi vo tala swilo swa humelela.+ 23  Munhu wa tsaka hi ku hlamula ka nomu wakwe,+ naswona rito leri fikeke hi nkarhi wa kona i rinene ngopfu!+ 24  Ndlela ya vutomi yi le henhla eka loyi a endlaka hi ku twisisa,+ leswaku a fularhela Sheol ehansi-hansi.+ 25  Yehovha u ta yi hirimuxa yindlu ya lava va titlakusaka,+ kambe u ta tiyisa ndzilakana wa noni.+ 26  Makungu ya lowo biha i nchumu lowu nyenyetsaka eka Yehovha,+ kambe marito lamanene ma basile.+ 27  Loyi a bindzulaka hi ndlela leyi nga lulamangiki u tisa khombo endlwini yakwe,+ kambe loyi a vengaka tinyiko u ta hambeta a hanya.+ 28  Mbilu ya lowo lulama ya anakanyisisa leswaku a ta hlamula;+ kambe nomu wa lavo homboloka wu phyaphyarha swilo swo biha.+ 29  Yehovha u le kule swinene ni lavo homboloka,+ kambe xikhongelo xa lavo lulama wa xi yingisa.+ 30  Ku vangama ka mahlo+ ku tsakisa mbilu;+ xiviko+ lexinene xi nonisa marhambu.+ 31  Ndleve leyi yingisaka ku tshinyiwa+ ka vutomi yi tshama exikarhi ka vanhu vo tlhariha.+ 32  Un’wana ni un’wana la papalataka ndzayo+ u bakanya moya-xiviri wakwe, kambe loyi a yingisaka ku tshinyiwa u kuma mbilu.+ 33  Ku chava Yehovha i ndzayo leyi yisaka evutlharini,+ naswona emahlweni ka ku vangama ku ni ku titsongahata.+

Tinhlamuselo ta le hansi