Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Swivuriso 14:1-35

14  Wansati la tlhariheke hakunene, u ake yindlu yakwe,+ kambe loyi a nga xiphukuphuku wa yi hirimuxa hi mavoko yakwe.+  Loyi a fambaka hi vululami byakwe u chava Yehovha,+ kambe loyi a hombolokeke etindleleni takwe wa N’wi nyumisa.+  Nhonga ya ku titlakusa yi le non’wini wa xiphukuphuku,+ kambe milomu ya lavo tlhariha yi ta va rindza.+  Laha ku nga riki na tihomu, xidyelo xa basa, kambe ntshovelo wa tala hikwalaho ka matimba ya nkunzi.  Mbhoni yo tshembeka hi leyi yi nga ta ka yi nga vulavuli vunwa,+ kambe mbhoni yo hemba yi tisungulela mavunwa.+  Muhlekuri a a lava ku kuma vutlhari, kambe a byi kona; kambe vutivi i nchumu wo olova eka loyi a twisisaka.+  Suka emahlweni ka xihunguki,+ hikuva a wu nge yi lemuki milomu ya vutivi.+  Vutlhari bya lowo tlhariha i ku twisisa ndlela yakwe,+ kambe vuphukuphuku bya swihunguki i vuxisi.+  Swiphukuphuku hi lava va hlekulaka nandzu,+ kambe ku ni ntwanano exikarhi ka lavo lulama.+ 10  Mbilu ya wu lemuka mbitsi wa moya-xiviri+ wa munhu, naswona a nga kona mufambi la nga nghenaka eku tsakeni ka yona. 11  Yindlu ya vanhu vo homboloka yi ta lovisiwa,+ kambe ntsonga wa lavo lulama wu ta kateka.+ 12  Ku ni ndlela leyi lulameke emahlweni ka munhu,+ kambe endzhaku ka sweswo makumu ya yona i tindlela ta rifu.+ 13  Hambiloko mbilu yi hleka, yi nga ha va yi twa ku vava;+ naswona makumu ya ku tsaka i gome.+ 14  Loyi a pfumalaka ripfumelo embilwini u ta enerisiwa hi makumu ya tindlela takwe,+ kambe munhu lonene hi makumu ya mintirho yakwe.+ 15  Un’wana ni un’wana la nga riki na ntokoto u pfumela rito rin’wana ni rin’wana,+ kambe lowo tlhariha u xiyisisa magoza yakwe.+ 16  Lowo tlhariha wa chava kutani a fularhela vubihi,+ kambe xihunguki xa hlundzuka kutani xi titshemba.+ 17  Loyi a hatliselaka ku hlundzuka u ta endla vuphukuphuku,+ kambe munhu la nga ni vuswikoti byo ehleketa wa vengiwa.+ 18  Lava nga riki na ntokoto kunene va ta kuma vuphukuphuku,+ kambe lavo tlhariha va ta rhwala vutivi byi va xifunengeto xa nhloko.+ 19  Vanhu vo biha va ta boheka ku nkhinsama emahlweni ka lavanene,+ ni vanhu vo homboloka etinyangweni ta lowo lulama. 20  Loyi a pfumalaka u vengiwa ni hi munhu-kulobye,+ kambe va tele vanakulobye va munhu la fuweke.+ 21  Loyi a n’wi langutelaka ehansi munhu-kulobye wa dyoha,+ kambe wa tsaka loyi a va kombaka tintswalo lava xanisekaka.+ 22  Xana lava va kunguhataka mano yo biha a va tsendzeleki?+ Kambe ku ni musa wa rirhandzu ni ntiyiso eka lava va kunguhataka leswinene.+ 23  Ku ni vuyelo lebyinene eka ku tikarhata ka muxaka wun’wana ni wun’wana,+ kambe rito ra milomu ntsena ri helela eku pfumaleni. 24  Harhi ya lavo tlhariha i rifuwo ra vona; vuphukuphuku bya swihunguki i vuphukuphuku.+ 25  Mbhoni ya ntiyiso yi kutsula mimoya-xiviri,+ kambe muxisi u tisungulela mavunwa manene.+ 26  Ku chava Yehovha ku tisa ntshembo lowukulu,+ naswona ku ta va ni vutumbelo bya vana vakwe.+ 27  Ku chava Yehovha i xihlovo xa vutomi,+ leswaku u fularhela mintlhamu ya rifu.+ 28  Loko vanhu va tele, hosi ya saseka,+ kambe loko vaaki va nga ri kona, ndhuna leyi tlakukeke ya lovisiwa.+ 29  Loyi a hlwelaka ku hlundzuka u ni ku twisisa lokukulu,+ kambe loyi a helaka mbilu u engetela vuphukuphuku.+ 30  Mbilu yo rhula i vutomi bya xivumbiwa xa nyama lexi hanyaka,+ kambe mavondzo i ku bola ka marhambu.+ 31  Loyi a dyelelaka xisiwana u rhukana Muendli+ wa xona, kambe loyi a kombisaka tintswalo eka xisiwana wa N’wi vangamisa.+ 32  Lowo homboloka u ta susumeteriwa ehansi hikwalaho ka vubihi byakwe,+ kambe lowo lulama u ta kuma vutumbelo eku tshembekeni kakwe.+ 33  Ku ni vutlhari embilwini ya loyi a twisisaka,+ naswona swihunguki swa byi tiva. 34  Ku lulama hi kona ku tlakusaka tiko,+ kambe xidyoho i nchumu lowu nyumisaka eka vanhu va matiko.+ 35  Ku tsaka ka hosi ku le ka nandza la endlaka hi ku twisisa,+ kambe ku hlundzuka kakwe ku va ehenhla ka loyi a endlaka hi ndlela leyi nyumisaka.+

Tinhlamuselo ta le hansi