Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Swivuriso 13:1-25

13  N’wana u tlharihile loko ku ri ni ndzayo ya tatana,+ kambe muhlekuri hi loyi a nga ku yingisangiki ku tshinyiwa.+  Munhu u ta dya leswinene emihandzwini ya nomu wakwe,+ kambe moya-xiviri wa lava va xengaka i madzolonga.+  Loyi a rindzaka nomu wakwe u hlayisa moya-xiviri wakwe.+ Loyi a yi pfulaka swinene milomu yakwe—u ta lovisiwa.+  Lolo ri tikombisa ri navela, kambe moya-xiviri wa rona a wu na nchumu.+ Hambiswiritano, moya-xiviri wa la gingiritekaka wu ta nonisiwa.+  Lowo lulama u venga rito ra vunwa,+ kambe lavo homboloka va endla hi ndlela leyi nyumisaka kutani va tinyumisa hi voxe.+  Ku lulama ku hlayisa la nga riki na khombo endleleni yakwe,+ kambe vuhomboloki hi byona byi vavisaka mudyohi.+  U kona la tiendlaka la fuweke kasi a nga na nchumu nikatsongo;+ u kona loyi a tiendlaka onge a nga na nchumu, kasi u ni swilo swo tala swa nkoka.  Nkutsulo wa moya-xiviri wa munhu i rifuwo rakwe,+ kambe loyi a pfumalaka a nga ku yingisanga ku tshinyiwa.+  Ku vonakala ka lavo lulama ku ta tsaka;+ kambe rivoni ra lavo homboloka—ri ta timiwa.+ 10  Munhu u vanga nyimpi hi ku tikukumuxa ntsena,+ kambe eka lava va kanelaka swin’we ku ni vutlhari.+ 11  Swilo swa nkoka leswi vangiwaka hi vuhava a swi talanga,+ kambe loyi a hlengeletaka hi voko hi yena la andzisaka.+ 12  Ku langutela loku tlheriseriwaka endzhaku ku vabyisa mbilu,+ kambe xilo lexi naveriwaka i murhi wa vutomi loko xi kumeka.+ 13  Loyi a languteleke rito ehansi,+ ku ta tekiwa xitiyisekiso xa nandzu eka yena; kambe loyi a chavaka xileriso hi yena la nga hakeriwa.+ 14  Nawu wa lowo tlhariha i xihlovo xa vutomi,+ leswaku wu kendlusa munhu entlhan’wini wa rifu.+ 15  Ku twisisa lokunene ku tisa tintswalo,+ kambe ndlela ya lava va xengaka yi ni magombogombo.+ 16  Un’wana ni un’wana wo tlhariha u ta endla swilo hi ku tiva,+ kambe xihunguki xi ta hangalasa vuphukuphuku hinkwako-nkwako.+ 17  Murhumiwa wo homboloka u ta wela evubihini,+ kambe muyimeri la tshembekaka wa horisa.+ 18  Loyi a honisaka ndzayo u va ni vusiwana ni tingana,+ kambe loyi a hlayisaka ku tshinyiwa hi yena la vangamisiwaka.+ 19  Loko ku navela ku hetiseka ku tsakisa moya-xiviri;+ kambe ku fularhela swo biha i nchumu lowu nyenyetsaka eka swihunguki.+ 20  Loyi a fambaka ni vanhu vo tlhariha u ta tlhariha,+ kambe loyi a tirhisanaka ni lavo hunguka, a swi nge n’wi fambeli kahle.+ 21  Vadyohi va hlongorisiwa hi khombo,+ kambe lavanene va hakeriwa hi leswinene.+ 22  Loyi a nga lonene u ta siya ndzhaka eka vana va vana, naswona rifuwo ra mudyohi i nchumu lowu hlengeleteleriwaka lowo lulama.+ 23  Nsimu leyi rimiweke ya vanhu lava pfumalaka yi humesa swakudya swo tala ngopfu,+ kambe u kona la kukuriwaka hikwalaho ko pfumaleka ka vuavanyisi.+ 24  Loyi a nga tirhisiki nkhavi u venga n’wana wakwe,+ kambe loyi a n’wi rhandzaka wa n’wi lava leswaku a n’wi laya.+ 25  Lowo lulama u dya a enerisa moya-xiviri wakwe,+ kambe khwiri ra lowo homboloka a ri nge vi na nchumu.+

Tinhlamuselo ta le hansi