Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Swivuriso 12:1-28

12  Loyi a rhandzaka ndzayo u rhandza vutivi,+ kambe loyi a vengaka ku tshinyiwa a nga anakanyi.+  Lonene u amukeriwa hi Yehovha,+ kambe munhu wa mianakanyo yo homboloka u vuriwa wo homboloka.+  A nga kona munhu loyi a nga simekiwaka a tiya hi swo homboloka;+ kambe loko ku ri rimitsu ra xisekelo ra lavo lulama, a ri nge tsekatsekisiwi.+  Wansati la nga ni vuswikoti i harhi eka n’wini wakwe,+ kambe loyi a nyumisaka u fana ni ku bola emarhambyini yakwe.+  Miehleketo ya lavo lulama i vuavanyisi;+ ku lawuriwa hi lavo homboloka i vuxisi.+  Marito ya lavo homboloka ma tumbelela ngati,+ kambe nomu wa lavo lulama hi wona wu nga ta va kutsula.+  Lavo homboloka va hluriwa, naswona a va ha ri kona,+ kambe yindlu ya lavo lulama yi ta tshama yi ri kona.+  Hikuva munhu u ta dzunisiwa hikwalaho ka nomu wakwe wa vutlhari,+ kambe loyi a hombolokeke embilwini u ta hlekuriwa.+  Wa antswa loyi a pfumalaka xindzhuti kambe a ri ni nandza ku ri ni loyi a tidzunisaka kambe a pfumala xinkwa.+ 10  Lowo lulama u khathalela moya-xiviri wa xifuwo xakwe,+ kambe tintswalo ta lavo homboloka ti ni tihanyi.+ 11  Loyi a rimaka misava yakwe u ta eneriseka hi xinkwa,+ kambe loyi a hlongorisaka swilo leswi nga pfuniki nchumu u ni mbilu yo hunguka.+ 12  Lowo homboloka u navele xilo lexi phasiweke hi vanhu vo biha;+ kambe loko ku ri rimitsu ra lavo lulama, ri veka mihandzu.+ 13  Munhu wo biha u yengiwa hi ku tlula nawu ka milomu,+ kambe lowo lulama wa huma emaxangwini.+ 14  U xurha hi leswinene leswi humaka eka mihandzu ya nomu wa munhu,+ ni leswi swi endliwaka hi mavoko ya munhu swi tlhelela eka yena.+ 15  Ndlela ya xiphukuphuku yi lulamile ematihlweni ya xona,+ kambe loyi a yingisaka xitsundzuxo u tlharihile.+ 16  I xiphukuphuku lexi twarisaka ku dyiwa hi mbitsi ka xona hi siku rero,+ kambe lowo tlhariha u funengeta tingana.+ 17  Loyi a vulavulaka swo tshembeka u ta vula swo lulama,+ kambe mbhoni ya vunwa, ya xisa.+ 18  U kona la vulavulaka handle ko anakanya ku fana ni ku tlhava ka banga,+ kambe ririmi ra lavo tlhariha ra horisa.+ 19  Nomu wa ntiyiso+ wu ta simekiwa wu tiya hi masiku,+ kambe ririmi ra mavunwa a ri nge tlhaveriwi hi dyambu.+ 20  Vuxisi byi le timbilwini ta lava va kunguhataka mano yo biha,+ kambe lava va kunguhataka ku rhula va tsaka.+ 21  Ku hava nchumu wo biha lowu nga ta wela lowo lulama,+ kambe lavo homboloka kunene va ta va ni makhombo yo tala.+ 22  Milomu ya vunwa i nchumu lowu nyenyetsaka eka Yehovha,+ kambe lava va endlaka hi ku tshembeka va n’wi tsakisa.+ 23  Munhu wo tlhariha u funengeta vutivi,+ kambe mbilu ya swihunguki yi huwelela vuphukuphuku.+ 24  Voko ra lava va gingiritekaka hi rona leri nga ta fuma,+ kambe voko leri lolohaka ri ta endla ntirho wo sindzisiwa.+ 25  Ku vilela embilwini ya munhu hi kona loku nga ta yi tshova,+ kambe rito lerinene ra yi tsakisa.+ 26  Lowo lulama u kambela madyelo yakwe, kambe ndlela ya lavo homboloka ya va tsendzelekisa.+ 27  Vulolo a byi nge swi hlongorisi swiharhi,+ kambe la gingiritekaka i rifuwo ra risima ra munhu. 28  Ku ni vutomi endleleni ya ku lulama,+ naswona riendzo a ri vuli rifu endleleni ya rona.+

Tinhlamuselo ta le hansi