Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Swivuriso 11:1-31

11  Swikalo leswi kanganyisaka i nchumu lowu nyenyetsaka eka Yehovha,+ kambe xipimo xa ribye lexi hetisekeke xa n’wi tsakisa.  Xana ku tikukumuxa ku fikile? Kutani tingana ti ta fika;+ kambe vutlhari byi ni lava va titsongahataka.+  Vutshembeki bya lavo lulama hi byona byi va kongomisaka,+ kambe vukanganyisi bya lava va xengaka byi ta va tekela swilo swa vona.+  Swilo swa nkoka a swi nge pfuni nchumu hi siku ra ku hlundzuka,+ kambe ku lulama hi kona ku nga ta kutsula eku feni.+  Ku lulama ka loyi a pfumalaka xisandzu hi kona loku nga ta endla ndlela yakwe yi lulama,+ kambe lowo homboloka u ta wa hi ku homboloka kakwe.+  Ku tshembeka ka lava va nga vanene hi kona ku nga ta va kutsula,+ kambe lava va xengaka va ta khomiwa hi ku navela ka vona.+  Loko munhu wo homboloka a fa, ntshembo wakwe wa hela;+ hambi ku ri ku langutela loku nga ni matimba ku herile.+  Lowo lulama hi loyi a ponisiweke emaxangwini,+ naswona lowo homboloka wa ta ematshan’weni yakwe.+  Loyi a nga mugwinehi u lovisa munhu-kulobye hi nomu wakwe,+ kambe lavo lulama va ponisiwa hi ku lulama.+ 10  Muti wu tala hi ntsako hikwalaho ka vunene bya lavo lulama,+ kambe loko lavo biha va fa ku va ni ku huwelela ka ku tsaka.+ 11  Muti wa tlakusiwa hikwalaho ka nkateko wa lavo lulama,+ kambe wa hirimuxiwa hikwalaho ka nomu wa lavo homboloka.+ 12  Loyi a nga ni mbilu yo hunguka u langutele munhu-kulobye ehansi,+ kambe munhu wa ku twisisa lokukulu u tshama a miyerile.+ 13  Loyi a famba-fambaka a lumbeta+ hi yena la funungulaka xihundla,+ kambe loyi a tshembekeke emoyeni u funengeta mhaka.+ 14  Loko ku nga ri na nkongomiso wa vutshila, vanhu va wa;+ kambe ku ni ku ponisiwa laha ku nga ni vatsundzuxi vo tala.+ 15  Munhu a swi nge n’wi fambeli kahle hikuva u endle xitiyisekiso ni mufambi,+ kambe loyi a vengaka ku qhavula a nge karhatiwi hi nchumu. 16  Wansati wo xonga hi loyi a kumaka ku vangama;+ kambe loko ku ri vaxanisi va tihanyi, va kuma rifuwo. 17  Munhu la nga ni musa wa rirhandzu u tirhisana ni moya-xiviri wakwe hi ndlela leyi vuyerisaka,+ kambe munhu wa tihanyi u tisa khombo emirini wakwe.+ 18  Lowo homboloka u endla tihakelo ta vunwa,+ kambe loyi a byalaka ku lulama, u kuma tihakelo ta ntiyiso.+ 19  Loyi a yimelaka ku lulama a tiyile u le ndleleni ya vutomi,+ kambe loyi a landzelelaka swo biha u le ndleleni ya rifu rakwe.+ 20  Lava hombolokeke embilwini i nchumu lowu nyenyetsaka eka Yehovha,+ kambe lava pfumalaka xisandzu endleleni ya vona va n’wi tsakisa.+ 21  Hambileswi voko ri nga ra voko, munhu wo biha a nge poni ku xupuriwa;+ kambe vana va lavo lulama va ta baleka.+ 22  Wansati wo saseka kambe a fularhela leswinene u fana ni xingwavila xa nsuku enhompfini ya nguluve.+ 23  Kunene ku navela ka lavo lulama ku lulamile;+ ntshembo wa lavo homboloka i ku hlundzuka.+ 24  U kona la hangalasaka kambe a engeteriwaka;+ ni loyi a tlhentlhaka eka leswo lulama, kambe swi n’wi vangelaka ku pfumala ntsena.+ 25  Moya-xiviri lowu hananaka wu ta nonisiwa,+ ni loyi a cheletaka van’wana mahala na yena u ta cheletiwa mahala.+ 26  Loyi a alaka ni mavele—vaaki va ta n’wi sandza, kambe ku ni nkateko enhlokweni ya loyi a pfumelaka leswaku ma xaviwa.+ 27  Loyi a lavaka leswinene u ta hambeta a lava vunene;+ kambe loko ku ri loyi a lavisisaka swo biha, swi ta n’wi wela.+ 28  Loyi a tshembaka rifuwo rakwe—u ta wa;+ kambe lavo lulama va ta hluka kukota switluka.+ 29  Loko ku ri loyi a tisaka khombo endlwini yakwe,+ u ta kuma mheho;+ naswona xiphukuphuku xi ta va nandza wa munhu la tlhariheke embilwini. 30  Mihandzu ya munhu wo lulama i murhi wa vutomi,+ naswona loyi a tikumelaka mimoya-xiviri u tlharihile.+ 31  Waswivo! Lowo lulama—u ta kuma hakelo emisaveni.+ Swi ta va tano ngopfu eka lowo homboloka ni mudyohi!+

Tinhlamuselo ta le hansi