Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Swirilo 4:1-22

א [ʼAʹleph] 4  Vona ndlela leyi nsuku lowu hatimaka wu dzwihalaka ha yona, nsuku lowunene!+ Vona ndlela leyi maribye yo kwetsima+ ma chuluriwaka ha yona emasungulweni ya switarata!+ ב [Behth]   Loko ku ri vana va risima va Siyoni,+ lava ringanisiweke ni nsuku lowu tengisiweke, Vona ndlela leyi va hlayiweke ha yona va ri makhuwana ya vumba, ntirho wa mavoko ya muvumbi!+ ג [Giʹmel]   Timhungubye na tona ti humese vele. Ti an’wise vana va tona. Nhwanyana wa vanhu va mina u ve ni tihanyi,+ kukota tinca emananga.+ ד [Daʹleth]   Ririmi ra loyi a an’waka ri namarhele malaka ya yena hikwalaho ka torha.+ Vana va kombele xinkwa.+ A nga kona loyi a va nyikaka.+ ה [Heʼ]  5  Lava a va dya swilo swo nandziha va hlamarile eswitarateni.+ Lava va kurisiweke va ambale swa ribungu+ va boheke ku khomelela tinhulu ta nkuma.+ ו [Waw]   Nxupulo wa xihoxo xa nhwanyana wa vanhu va mina i wukulu ku tlula nxupulo wa xidyoho xa Sodoma,+ Leyi hluriweke hi nkarhinyana, leyi ku nga riki na mavoko lawa ma yi pfuneke.+ ז [Zaʹyin]   Vanaziri+ va yena a va tenge ku tlula gamboko;+ a va base ku tlula ntswamba. Entiyisweni a va ri va ribungwana+ ku tlula tikorala; ku vangama ka vona a ku kotisa safiri.+ ח [Chehth]   Xivumbeko xa vona xi hundzuke munyama ku tlula ntima. A va nga vonaki eswitarateni.+ Nhlonge ya vona yi khwanyanile emarhambyini+ ya vona. Yi ome ku fana ni murhi. ט [Tehth]   Va antswa lava dlayiweke hi banga+ ku tlula lava dlayiweke hi ndlala,+ Hikuva vona va tsana, va tlhaviwile hi ku pfumaleka ka ntshovelo wa le nsin’wini. י [Yohdh] 10  Mavoko ya vavasati lava nga ni ntsetselelo ma sweke vana va vona.+ Va fane ni xinkwa xo chavelela eka munhu hi nkarhi wa ku wa ka nhwanyana wa vanhu va mina.+ כ [Kaph] 11  Yehovha u hetisise vukarhi bya yena.+ U chulule ku hlundzuka ka yena lokukulu.+ Naswona u lumeka ndzilo eSiyoni, lowu dyaka masungulo ya yena.+ ל [Laʹmedh] 12  Tihosi ta misava ni vaaki hinkwavo va tiko leri noneke a va kholwanga+ Leswaku xirha ni nala va ta ta enyangweni ya Yerusalema.+ מ [Mem] 13  Hikwalaho ka swidyoho swa vaprofeta va yena, swihoxo swa vaprista+ va yena, Exikarhi ka yena a ku ri ni lava a va chulula ngati ya lavo lulama.+ נ [Nun] 14  Va tsendzeleke eswitarateni+ ku fana ni lava feke mahlo.+ Va nyamisiwe hi ngati,+ Lerova a nga kona loyi a kotaka ku khumba tinguvu ta vona.+ ס [Saʹmekh] 15  “Sukani endleleni! A mi basanga,”+ va va huwelela. “Sukani endleleni! Sukani endleleni! Mi nga khumbi!”+ Hikuva va pfumala makaya.+ Va tsendzelekile.+ Vanhu va byele matiko va ku: “A va nge he tlheli va luvela.+ פ [Peʼ] 16  Xikandza xa Yehovha xi va avanyise hi le xikarhi.+ A nge he tlheli a va languta.+ Kunene vanhu a va nge vi na mhaka ni vaprista.+ Kunene a va nge kombisi tintswalo ni le ka vavanuna lava dyuhaleke.”+ ע [ʽAʹyin] 17  Loko ha ha ri kona, mahlo ya hina ma tsanela swa hava leswaku hi kuma mpfuno.+ Loko hi languta-languta hi vone tiko leri nga ta ka ri nga ku tisi ku pona.+ צ [Tsa·dhehʹ] 18  Va hlote magoza+ ya hina lerova emintsendzeleni ya hina a ku fambiwi. Makumu ya hina ma tshinele. Masiku ya hina ma helerile, hikuva makumu ya hina ma fikile.+ ק [Qohph] 19  Lava va hi hlongorisaka va ve ni rivilo ro tlula magama ya matilo.+ Va hi hlongorisile swinene ehenhla ka tintshava.+ Va hi tumbelerile emananga.+ ר [Rehsh] 20  Ku hefemula ka tinhompfu+ ta hina, mutotiwa wa Yehovha,+ u ku pfalele emugodini wa vona lowukulu,+ Loyi hi vuleke ha yena hi ku: “Endzhutini+ wakwe hi ta hanya exikarhi ka matiko.”+ ש [Sin] 21  Khana, u tsaka,+ Wena nhwanyana wa Edomu,+ la tshamaka ku fana na wena etikweni ra Uzha.+ Eka wena ku ta hundza xinwelo.+ U ta dakwa, u tikombisa u nga ambalanga nchumu.+ ת [Taw] 22  Oho nhwanyana wa Siyoni, xihoxo xa wena xi herile.+ A nge he tlheli a ku yisa evukhumbini.+ U hundzuluxele nyingiso wakwe eka xihoxo xa wena, Wena nhwanyana wa Edomu. U funungule swidyoho swa wena.+

Tinhlamuselo ta le hansi