Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Swirilo 3:1-66

א [ʼA′leph] 3  Ndzi munhu la tiyeke emi-rini loyi a voneke ku xaniseka+ hikwalaho ka nhonga ya ku hlundzuka kakwe.   U ndzi rhangerile, a ndzi fambisa emunyameni, ku nga ri eku vonakaleni.+   Hakunene, u tshamela ku ndzi tlakusela voko ra yena siku hinkwaro.+ ב [Behth]   U hlakate nyama ya mina ni nhlonge ya mina.+ U tshove marhambu ya mina.+   U akile ku lwa na mina, leswaku a ndzi rhendzela+ hi ximilana lexi nga ni chefu+ ni hi ku nonon’hweriwa.   U ndzi tshamise etindhawini ta munyama+ kukota vanhu lava feke khale swinene.+ ג [Gi′mel]   U ndzi sivile onge u ndzi siva hi khumbi ra maribye, leswaku ndzi nga humi.+ U endle tinketana+ ta mina ta koporo ti tika.   Naswona loko ndzi kombela mpfuno, ndzi huwelela leswaku ndzi pfuniwa, kunene u sivela xikhongelo xa mina.+   U sive ndlela ya mina hi ribye leri vatliweke.+ U gombonyokise tindlela ta mina.+ ד [Da′leth] 10  Eka mina u kotisa bere leyi tumbeleleke,+ u kotisa nghala evutumbelweni.+ 11  U kavanyete tindlela ta mina, a ndzi hundzula fusi. U ndzi endle loyi a lahliweke.+ 12  U kunge vurha byakwe,+ a ndzi yimisa leswaku ndzi copiwa hi nseve.+ ה [Heʼ] 13  U nghenise miseve ya nkotloto wakwe eka tinso ta mina.+ 14  Ndzi hundzuke xihlekiso+ eka vanhu hinkwavo la-va lwaka na mina, ndzi va nhloko-mhaka ya risimu ra vona siku hinkwaro.+ 15  U ndzi nyike swilo swo bava+ leswi eneleke. U ndzi nwise xibaha.+ ו [Waw] 16  U tshova meno ya mina hi rikhwara.+ U ndzi kasise enkumeni.+ 17  Nakambe wena wa cukumeta lerova moya-xiviri wa mina wu pfumala ku rhula. Ndzi kohliwe hi leswinene.+ 18  Ndzi hambeta ndzi ku: “Vunene bya mina byi herile, ni ku langutela ka mina eka Yehovha.”+ ז [Za′yin] 19  Tsundzuka ku xaniseka ka mina ni ku pfumala kaya,+ xibaha ni ximilana lexi nga ni chefu.+ 20  Kunene moya-xiviri wa wena wu ta tsundzuka, wu korhamela ehansi, eka mina.+ 21  Leswi ndzi ta swi tlherisela embilwini+ ya mina. Hi yona mhaka leyi ndzi nga ta va ni moya wo rindza.+ ח [Chehth] 22  I swiendlo swa musa wa rirhandzu+ wa Yehovha leswi hi nga helangiki,+ hikuva tintswalo ta yena a ti nge heli hakunene.+ 23  I tintshwa mixo wun’wana ni wun’wana.+ Ku tshembeka ka wena ku tele.+ 24  “Yehovha i xiavelo xa mi-na,”+ ku vula moya-xiviri wa mina, “hi yona mhaka leyi ndzi nga ta va ni moya wo rindza eka yena.”+ ט [Tehth] 25  Yehovha hi lonene eka loyi a n’wi tshembaka,+ eka moya-xiviri lowu wu n’wi lavaka nkarhi hinkwawo.+ 26  I swinene leswaku munhu a rindzela+ ku ponisa ka Yehovha,+ a miyerile.+ 27  I swinene leswaku munhu la tiyeke emirini a rhwala joko evuntshweni bya yena.+ י [Yohdh] 28  A a tshame a ri yexe, a miyela,+ hikuva u veke xo karhi ehenhla ka yena.+ 29  A a nghenise nomu entshurini.+ Kumbexana ntshembo wu kona kwalaho.+ 30  A a nyike rhama eka loyi a n’wi baka.+ A a rhukaniwe hilaha ku eneleke.+ כ [Kaph] 31  Hikuva Yehovha a nge tshameli ku cukumeta hilaha ku nga riki na makumu.+ 32  Hikuva hambileswi a vangeke gome,+ kunene u ta tlhela a kombisa tintswalo hi ku ya hi ku tala ka musa wakwe wa rirhandzu.+ 33  Hikuva a nga xanisanga kumbe ku hlunamisa vana va vanhu swi huma embilwini yakwe.+ ל [La′medh] 34  Hi ku pfotlosa vakhotsiwa hinkwavo va misava+ hi milenge yakwe,+ 35  Hi ku hambukisa vuavanyisi bya munhu la tiyeke emirini emahlweni ka xikandza xa La nge Henhla-henhla,+ 36  Hi ku endla munhu a homboloka enandzwini wakwe, Yehovha a nga swi amukelanga.+ מ [Mem] 37  I mani loyi a vuleke leswaku ku fanele ku endleka swo karhi kasi Yehovha a nga swi lerisanga?+ 38  Enon’wini wa La nge Henhla-henhla swilo swo biha ni leswinene a swi humi.+ 39  Xana munhu la hanyaka a nga tshamela ku vilela hi ndlela yihi,+ munhu la tiyeke emirini hikwalaho ka xidyoho xakwe?+ נ [Nun] 40  A hi lavisiseni tindlela ta hina hi ti kambisisa,+ a hi tlheleleni eka Yehovha.+ 41  A hi tlakuseni mbilu ya hina swin’we ni swandla swa hina eka Xikwembu ematilweni:+ 42  “Hina hi tlule nawu, naswona hi tikhome hi ndlela ya vuxandzuki.+ Wena a wu rivalelanga.+ ס [Sa′mekh] 43  U sive ndlela yo tshinela eka wena u hlundzukile,+ u hambeta u hi hlongorisa.+ U dlayile; a wu tsetselelanga.+ 44  U sive ndlela yo tshinela eka wena hi papa lerikulu,+ leswaku xikhongelo xi nga hundzi.+ 45  U hi endla swikamba ni thyaka exikarhi ka vanhu.”+ פ [Peʼ] 46  Valala va hina hinkwavo va hi pfulele nomu wa vona.+ 47  Ku chava ni khele swi ve swa hina,+ ku onhaka ni ku wa.+ 48  Mahlo ya mina ma tshamela ku khuluka swinambyana swa mati hikwalaho ka ku wa ka nhwanyana wa vanhu va mina.+ ע [ʽA′yin] 49  Tihlo ra mina ri halaka mihloti naswona a ri nge miyeli, lerova ku wisa a ku kona,+ 50  Kukondza Yehovha a languta ehansi a vona a ri etilweni.+ 51  Tihlo ra mina ri vavise moya-xiviri wa mina,+ hikwalaho ka vanhwanyana hinkwavo va muti wa mina.+ צ [Tsa·dheh′] 52  Valala va mina va ndzi hlotile hakunene kukota nyenyana,+ ku nga ri na xivangelo.+ 53  Va miyete vutomi bya mina emugodini,+ va ndzi hoxetele hi maribye. 54  Mati ma khulukele ehenhla ka nhloko ya mina.+ Ndzi te: “Kunene ndzi ta dlayiwa!”+ ק [Qohph] 55  Oho Yehovha, ndzi huwelele vito ra wena ndzi ri emugodini lowu enteke ngopfu.+ 56  U fanele u twa rito ra mina.+ U nga fihli ndleve ya wena leswaku u ndzi wisisa, u ndzi twa loko ndzi kombela ku pfuniwa.+ 57  U tshinerile esikwini leri ndzi ku vitaneke ha rona.+ U te: “U nga chavi.”+ ר [Rehsh] 58  Oho Yehovha, u teke ku lwa ka moya-xiviri wa mina.+ U kutsule vutomi bya mina.+ 59  Oho Yehovha, u vone ku hoxeriwa ka mina.+ Kambisisa ku avanyisiwa ka mina.+ 60  U vone ku rihisela ka vona hinkwako, leswi va ehleketaka ku ndzi endla swona.+ ש [Sin] kumbe [Shin] 61  Oho Yehovha, u twe ndzhukano wa vona, hinkwaswo leswi va ehleketaka ku ndzi endla swona.+ 62  Milomu ya lava va ndzi pfukelaka+ ni ku hlevetela ka vona ku lwa na mina siku hinkwaro.+ 63  Languta ku tshama ka vona ehansi ni ku yima ka vona.+ Mina ndzi nhloko-mhaka ya risimu ra vona.+ ת [Taw] 64  Oho Yehovha, u ta va khoma hi ndlela leyi va nga ta ku khoma ha yona, hi ku landza ntirho wa mavoko ya vona.+ 65  U ta va nyika mbilu leyi tikurisaka,+ ndzhukano wa wena eka vona.+ 66  U ta va hlongorisa hi ku hlundzuka, u va lovisa+ ehansi ka matilo ya Yehovha.+

Tinhlamuselo ta le hansi