Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Swirilo 2:1-22

א [ʼA′leph] 2  Vona ndlela leyi Yehovha hi ku hlundzuka ka yena a n’wi funengetaka ha yona nhwanyana wa Siyoni!+ U tlatlalate ku saseka ka Israyele+ ku suka etilweni ku ta emisaveni.+ Naswona a nga byi tsundzukanga vunavelo+ bya yena esikwini ra ku hlundzuka ka yena. ב [Behth]   Yehovha u mitile, a nga kombisanga ntsetselelo etindhawini to tshama+ eka tona ta Yakobe. Hi ku hlundzuka ka yena u hirimuxe tindhawu leti tiyisiweke+ ta nhwanyana wa Yuda. U n’wi hlanganise ni misava,+ u nyamise mfumo+ ni tihosana ta yena.+ ג [Gi′mel]   Hi ku hlundzuka lokukulu u tseme rimhondzo rin’wana ni rin’wana ra Israyele.+ U tlherise voko rakwe ra xinene emahlweni ka nala;+ Eka Yakobe u hambeta a hisa kukota ndzilo wa malangavi lowu lovisaka matlhelo hinkwawo.+ ד [Da′leth]   U kunge vurha bya yena kukota nala.+ Voko ra yena ra xinene+ ri lunghekile Kukota xirha,+ u dlayetele hinkwavo lava navelekaka ematihlweni+ ya yena. Entsongeni+ wa nhwanyana wa Siyoni u chulule vukarhi bya yena, kukota ndzilo.+ ה [Heʼ]   Yehovha u fana ni nala.+ U mite Israyele.+ U mite swihondzo+ swakwe hinkwaswo swo tshama eka swona; u lovise+ tindhawu takwe leti tiyisiweke. Naswona u endla leswaku maxangu ni xirilo+ swi andza eka nhwanyana wa Yuda. ו [Waw]   U hohlota ntsonga+ wa yena ku fana ni lowu nga entangeni.+ U herise nkhuvo wa yena. Yehovha u endle leswaku eSiyoni ku rivariwa nkhuvo+ ni savata, Naswona hi xigwevo xa yena xa ku hlundzuka a nga kombisi xichavo eka hosi ni muprista.+ ז [Za′yin]   Yehovha u cukumete alitari ya yena.+ U tshike vukwetsimelo byakwe.+ Marhangu ya swihondzo swa yena swo tshama+ eka swona u ma nyikete evokweni ra nala. Endlwini ya Yehovha va humese rito ra vona, ku fana ni le sikwini ra nkhuvo.+ ח [Chehth]   Yehovha u ehlekete ku lovisa rirhangu+ ra nhwanyana wa Siyoni. U tshambulute ngoti ya ku pima.+ A nga ri tlherisanga voko ra yena leswaku ri tshika ku mita.+ Naswona u endla leswaku khumbi ro sirhelela ni rirhangu swi rila.+ Hinkwaswo swi nyamalarile. ט [Tehth]   Tinyangwa+ ta yena ti mbombomele emisaveni. U lovisile a tlhela a tshovelela swigogo swa yena. Hosi ya yena ni tihosana ta yena va le xikarhi ka matiko.+ Nawu+ a wu kona. Vaprofeta va yena na vona a va xi kumanga xivono lexi humaka eka Yehovha.+ י [Yohdh] 10  Vakulukumba va nhwanyana wa Siyoni va tshama ehansi emisaveni, laha va miyelaka+ kona. Va tichele ritshuri enhlokweni.+ Va tikhame hi nguvu yo khwaxa.+ Vanhwana va Yerusalema va korhamise nhloko ya vona emisaveni.+ כ [Kaph] 11  Mahlo ya mina ma herile hi mihloti yo tala.+ Marhumbu ya mina ma pfimbelwa.+ Xivindzi xa mina xi chululekele emisaveni,+ hikwalaho ka ku wa ka nhwanyana wa vanhu va mina,+ Hikwalaho ka ku tsana ka n’wana, xihlangi lexi an’waka emintsendzeleni ya muti.+ ל [La′medh] 12  A va tshamela ku vula eka vamana wa vona va ku: “Mavele ni vhinyo+ swi kwihi?” Hikwalaho ka ku tsana ka vona ku fana ni loyi a dlayiweke emintsendzeleni ya muti, Hikwalaho ka leswi moya-xiviri wa vona wu chuluriwaka exifuveni xa vamana wa vona. מ [Mem] 13  Xana ndzi ta ku endla mbhoni ya yini? Xana ndzi ta ku fanisa na yini, Wena nhwanyana wa Yerusalema?+ Xana i yini lexi ndzi nga ta xi ringanisa na wena, leswaku ndzi ku chavelela, Wena nhwana wa Siyoni?+ Hikuva ku wa+ ka wena i kukulu ku fana ni lwandle. I mani loyi a nga ku horisaka?+ נ [Nun] 14  Vaprofeta va wena va ve ni xivono xa swilo leswi nga pfuniki nchumu, leswi nga enerisiki,+ Naswona a va xi funungulanga xihoxo xa wena leswaku va tlherisa vukhumbi bya wena,+ Kambe va hambete va ku vonela xivono xa swileriso leswi nga pfuniki nchumu,+ leswi hambukisaka. ס [Sa′mekh] 15  Hinkwavo lava hundzaka hi gondzo va ku phokotelele mavoko.+ Va be noti,+ va hlakahla nhloko+ eka nhwanyana wa Yerusalema, va ku: “Xana lowu i muti lowu a va tshamela ku vula ha wona va ku, ‘I ku hetiseka ka ku saseka, ku khana ka misava hinkwayo’?”+ פ [Peʼ] 16  Valala va wena hinkwavo va ku pfulele nomu.+ Va be noti naswona va tshamele ku ku getserisela meno.+ Va te: “Hi ta n’wi mita.+ Hakunene leri i siku leri a hi ri languterile.+ Hi ri kumile! Hi ri vonile!”+ ע [ʽA′yin] 17  Yehovha u endle leswi a a swi anakanyile.+ U hetisise rito rakwe,+ Leswi a swi leriseke ku sukela emasikwini ya khale swinene.+ U hirimuxile, a nga tsetseleli.+ Naswona u endla leswaku nala a tsaka+ ha wena. U tlakuse+ nanga ya swirha swa wena. צ [Tsa·dheh′] 18  Mbilu ya vona yi huwelele Yehovha,+ Wena rirhangu ra nhwanyana wa Siyoni.+ Xiririkisa mihloti ku fana ni xinambyana nhlikanhi ni vusiku.+ U nga heli matimba. Onge ndzololo ya tihlo ra wena yi nga ka yi nga miyeli. ק [Qohph] 19  Suka u yima! Bana nkosi nivusiku eku sunguleni ka ku rindza+ ka nimpundzu. Chulula mbilu+ ya wena emahlweni ka xikandza+ xa Yehovha ku fana ni mati. N’wi tlakusele mavoko+ ya wena hikwalaho ka moya-xiviri wa vana va wena, Lava tsanaka hikwalaho ka ndlala emasungulweni ya switarata hinkwaswo.+ ר [Rehsh] 20  Oho Yehovha, languta,+ u vona loyi u n’wi twiseke ku vava swonghasi. Xana vavasati va fanele va hambeta va dya mihandzu ya vona, vana lava velekiweke va helerile,+ Kumbe, xana muprista ni muprofeta va fanele va dlayeriwa+ evukwetsimelweni bya Yehovha? ש [Shin] 21  Mufana ni wanuna la dyuhaleke+ va etlele ehansi eswitarateni.+ Vanhwana va mina ni majaha ya mina va wile hi banga.+ U dlayile esikwini ra ku hlundzuka ka wena.+ U dlayeterile;+ u pfumale ntsetselelo.+ ת [Taw] 22  Ku fana ni le sikwini ra nkhuvo+ u hambete u huwelela tindhawu leti ndzi luveleke eka tona matlhelo hinkwawo. Kutani esikwini ra vukarhi bya Yehovha ku hava munhu la balekeke kumbe la poneke;+ Lava ndzi va velekeke va kurile hi ku helela, va kurisiwile, nala wa mina u va lovisile.+

Tinhlamuselo ta le hansi