Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Sofaniya 2:1-15

2  Hlengeletanani, ina, hlengeletanani,+ N’wina tiko leri nga khomiwiki hi tingana.+  Nawu wu nga si tswala nchumu,+ siku ri nga si hundza kukota mungu, ku hlundzuka lokukulu ka Yehovha ku nga si mi wela,+ siku ra ku hlundzuka ka Yehovha+ ri nga si mi fikela,  lavani Yehovha,+ n’wina hinkwenu lavo rhula va misava,+ n’wina lava mi hanyeke hi ku landza xiboho xa Yena xa vuavanyisi. Lavani ku lulama,+ lavani ku rhula.+ Kumbexana+ mi nga tumbetiwa esikwini ra ku hlundzuka ka Yehovha.+  Hikuva, loko ku ri Gaza, wu ta va muti lowu tshikiweke;+ Axikeloni wu ta va rhumbi.+ Loko ku ri Axidodo,+ wu ta hlongoriwa ninhlikanhi lowukulu;+ kasi loko ku ri Ekroni, wu ta simuriwa.+  “Khombo eka lava va tshamaka endhawini ya le kusuhi ni lwandle, etikweni ra Vakereti!+ Rito ra Yehovha ra mi avanyisa. Wena Kanana, tiko ra Vafilisita, na wena ndzi ta ku lovisa, leswaku ku nga vi na muaki.+  Ndhawu ya le kusuhi ni lwandle yi fanele yi va madyelo,+ lama nga ni swihlovo swa varisi ni matshanga ya tinyimpfu lama endliweke hi maribye.  Yi fanele yi va ndhawu ya lava va seleke va yindlu ya Yuda.+ Va ta dyela eka wona. Etindlwini ta Axikeloni, nimadyambu, va ta etlela va nava. Hikuva Yehovha Xikwembu xa vona u ta hundzuluxela nyingiso wakwe eka vona,+ kunene a tlherisela makhumbi lama nga exikarhi ka vona.”+  “Ndzi wu twile ndzhukano wa Mowabu+ ni nhlambha ya vana va Amone,+ leyi va rhukaneke vanhu va mina ha yona kutani va hambeta va tikukumuxa ku lwa ni ndhawu ya vona.  Hikokwalaho, loko ntsena ndza ha hanya,”+ ku vula Yehovha wa mavuthu, Xikwembu xa Israyele, “Mowabu wu ta fana na Sodoma,+ ni vana va Amone+ va ta fana na Gomora, ndhawu ya swigatlu, ni mugodi wa munyu, ni rhumbi, hilaha ku nga riki na makumu.+ Lava va seleke eka vanhu va mina va ta va phanga, kutani masalela ya tiko ra mina ma ta va teka.+ 10  Hi swona leswi va nga ta swi kuma ematshan’weni ya ku tinyungubyisa ka vona,+ hikuva va rhukanile kutani va hambeta va tikukumuxa eka vanhu va Yehovha wa mavuthu.+ 11  Yehovha u ta chaviseka eka vona;+ hikuva, kunene u ta hlakata swikwembu hinkwaswo swa misava,+ kutani vanhu va ta n’wi nkhinsamela,+ un’wana ni un’wana endhawini yakwe, swihlala hinkwaswo swa matiko.+ 12  “Na n’wina, n’wina Vaetiyopiya,+ mi ta va vanhu lava va dlayiweke hi banga ra mina.+ 13  “U ta tshambulutela voko rakwe etlhelo ra n’walungu, u ta lovisa Asiriya.+ Kutani u ta endla Ninivha wu va rhumbi,+ wu va ndhawu leyi nga riki na mati kukota mananga. 14  Kunene mintlhambi yi ta vundza exikarhi ka wona, swiharhi hinkwaswo swa nhova, swa tiko.+ Gumba ni nungu+ swi ta etlela exikarhi ka tiphuphu+ ta wona nivusiku. Rito ri ta tshamela ku yimbelela efasitereni. Ku ta va ni ku onhiwa enyangweni; kunene u ta funungula timhandzi ta kona.+ 15  Lowu i muti lowu wu khanaka lowu a wu tshame wu sirhelelekile,+ lowu a wu vula embilwini ya wona wu ku, ‘Hi mina, a ku na un’wana.’+ Vona ndlela leyi wu hundzukeke xihlamariso ha yona, ndhawu leyi swiharhi swa nhova swi vundzaka eka yona! Un’wana ni un’wana loyi a hundzaka ekusuhi na wona u ta ba noti; u ta wachuta voko.”+

Tinhlamuselo ta le hansi