Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Risimu Ra Solomoni 7:1-13

7  “Mawaku ndlela leyi milenge ya wena yi sasekeke ha yona emaphaxanini+ ya wena, Wena nhwanyana la swi rhandzaka!+ Ku vumbeka ka mindzhumbi ya wena ku fana ni swin’wetsin’wetsi,+ ntirho wa mavoko ya mumpfampfarhuti.  Nkava wa wena i nkambana wa xirhendzevutana. Ku nga tshuki ku pfumaleka vhinyo+ leyi pfanganisiweke eka wona. Khwiri ra wena i nhulu ya koroni, leyi rhendzeriweke hi makhon’wa.+  Mavele ya wena mambirhi ma fana ni marhole mambirhi, mahahla ya mhala ya ntswele.+  Nhamu+ ya wena yi fana ni xihondzo xa timhondzo ta tindlopfu. Mahlo+ ya wena ma fana ni swidziva eHexiboni,+ enyangweni ya Batirabimi. Nhompfu ya wena yi fana ni xihondzo xa Lebanoni, lexi languteke etlhelo ra le Damaska.  Nhloko ya wena yi fana ni Karimeli,+ ni misisi yo leha+ ya nhloko ya wena yi fana ni voya lebyi pendiweke byi va bya xivunguvungu.+ Hosi yi bohiwa hi mihorho.+  Mawaku ndlela leyi u sasekeke ha yona, mawaku ndlela leyi u tsakisaka ha yona, exikarhi ka mintsako leyi heleleke, Wena nhwana la rhandzekaka!+  Xiyimo xa wena xi fana ni murhi wa ncindzu,+ ni mavele+ ya wena ma fana ni xichocho xa ncindzu.  Ndzi te, ‘Ndzi ta tlhandlukela emurhini wa ncindzu, leswaku ndzi ta khoma swirhabyana swa mihandzu ya ncindzu.’+ Ndzi kombela leswaku mavele ya wena ma fana ni swichocho swa murhi wa vhinya, ni nun’hwelo wa nhompfu ya wena wu fana ni maapula,  ni malaka ya wena ma fana ni vhinyo+ leyinene leyi fambaka hi ku rhelela+ eka murhandziwa wanga, yi khuluka khwatsi emilon’wini ya lava etleleke.” 10  “Ndzi wa murhandziwa wanga,+ naswona yena wa ndzi navela.+ 11  Tana Wena murhandziwa wanga, a hi ye ensin’wini;+ a hi tshame exikarhi ka swimila swa henna.+ 12  A hi pfuke nimpundzu swinene hi ya emasin’wini ya vhinya, leswaku hi vona loko vhinya yi hlukile,+ yi rhumbukile yi pfuleka,+ mirhi ya grenada yi hlukile.+ Kwalaho ndzi ta ku nyika swikombiso swa mina swa rirhandzu.+ 13  Timandrake+ ti humese nun’hwelo wa tona, naswona ku ni mihandzu ya mixaka hinkwayo yo hlawuleka+ etindleleni to nghena ha tona. Letintshwa ni ta khale, Wena murhandziwa wanga, ndzi ku hlengeletele tona.

Tinhlamuselo ta le hansi