Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Risimu Ra Solomoni 5:1-16

5  “Ndzi tile entangeni wa mina,+ Wena makwerhu,+ mutekiwa wanga.+ Ndzi khe mira+ ya mina swin’we ni mirhi ya mina yo nun’hwela. Ndzi dye xihlenge xa mina swin’we ni vulombe bya mina;+ ndzi nwe vhinyo ya mina swin’we ni ntswamba wa mina.” “Dyanani, N’wina vanakulorhi! Nwanani mi dakwa hi swikombiso swa rirhandzu!”+  “Ndzi etlele, kambe mbilu ya mina yi xalamukile.+ Ku ni mpfumawulo wa ku gongondza ka murhandziwa wanga!”+ “Ndzi pfulele,+ Wena makwerhu wa xisati, Wena nhwanyana wa mina la nga nakulorhi, tuva ra mina, la pfumalaka xisandzu+ wa mina! Hikuva nhloko ya mina yi tele mberha, miluko ya misisi ya mina yi tele mathonsi ya nivusiku.”+  “‘Ndzi hluvule nguvu ya mina yo leha. Xana ndzi nga tlhela ndzi yi ambala? Ndzi hlambe milenge. Xana ndzi nga tlhela ndzi yi thyakisa?’  Murhandziwa wanga u humese voko rakwe embhoveni ya nyangwa, kutani swirho swa mina swa le ndzeni+ swi tlhavekile endzeni ka mina.  Mina ndzi pfukile, ndzi ya pfulela murhandziwa wanga, mavoko ya mina ma thona mira ni tintiho ta mina ti thona xihalaki xa mira, ehenhla ka mimbhovo ya mpfungura.  Mina ndzi n’wi pfulerile murhandziwa wanga, kambe murhandziwa wanga u ndzi fularherile, u hundzile. Moya-xiviri wa mina wu humile eka mina loko a vulavula. Ndzi n’wi lavile, kambe a ndzi n’wi kumanga.+ Ndzi n’wi vitanile, kambe a nga ndzi hlamulanga.  Varindzi+ lava a va rhendzeleka ni muti va ndzi kumile. Va ndzi ba, va ndzi vavisa. Varindzi va marhangu+ va ndzi hluvule leswi a ndzi titsondzele hi swona.  “Ndzi mi hlambanyisile,+ N’wina vanhwanyana va Yerusalema,+ leswaku loko mi kuma murhandziwa wanga,+ n’wi byeleni leswaku ndzi vabyisiwa hi rirhandzu.”+  “Xana murhandziwa wa wena u va tlula njhani varhandziwa van’wana,+ Wena la sasekeke ngopfu exikarhi ka vavasati?+ Xana murhandziwa wa wena u va tlula njhani varhandziwa van’wana, leswi u hi hlambanyiseke hi ndlela leyi?”+ 10  “Murhandziwa wanga wa vangama naswona i wa ribungwana, u hlawuleke ngopfu eka lava 10 000.+ 11  Nhloko yakwe i nsuku, nsuku lowu tengisiweke. Miluko ya misisi yakwe i swichocho swa ncindzu. Misisi yakwe ya ntima yi fana ni wukuwuku. 12  Mahlo yakwe ma fana ni matuva emigerhweni ya mati, lama hlambaka hi ntswamba, ma tshamaka endzeni ka tirhimi. 13  Marhama yakwe ma fana ni ntanga wa mirhi yo nun’hwela,+ swihondzo swa mintsembyana leyi nun’hwelaka. Milomu yakwe i makhon’wa, lama thonaka xihalaki xa mira.+ 14  Mavoko yakwe i tinhonga ta nsuku, leti taleke krisolita. Khwiri rakwe i xiphepherhele xa timhondzo ta tindlopfu lexi funengetiweke hi tisafiri. 15  Milenge yakwe i tiphuphu ta mavula leti sekeriweke enkotlotweni wa nsuku lowu tengisiweke. Ku languteka kakwe ku fana ni Lebanoni, ku hlawuleke ku fana ni mikedari.+ 16  Malaka yakwe i ku nyanganya lokukulu, naswona hinkwaswo leswi n’wi rhendzeleke swa naveleka.+ Loyi i murhandziwa wanga, loyi i nakulorhi la nga mufana, N’wina vanhwanyana va Yerusalema.”

Tinhlamuselo ta le hansi