Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Risimu Ra Solomoni 4:1-16

4  “Waswivo! U sasekile,+ We-na nhwanyana wa mina la nga nakulorhi. Waswivo! U sasekile. Mahlo ya wena ma fana ni ya matuva,+ enturhwini wa wena.+ Misisi ya wena yi fana ni ntlhambi wa timbuti+ leti a ti tlula-tlula ti rhelela ku suka endhawini ya tintshava ya Giliyadi.+  Meno ya wena ma fana ni ntlhambi wa tinyimpfu+ leta ha ku tsemetiwaka leti vuyaka eku hlambisiweni, hinkwato ka tona ti tswalaka mahahla, leti ku nga riki na yin’we eka tona leyi holoteke.  Milomu ya wena yi fana ni harana ya ribungu, naswona ku vulavula ka wena ka tsakisa.+ Xivandla xa wena lexi nga exikarhi ka mahlo ni tindleve xi fana ni xiphemu xa grenada enturhwini wa wena.+  Nhamu+ ya wena yi fana ni xihondzo+ xa Davhida, lexi akiweke hi maribye, lexi ku hayekiweke switlhangu swa 1 000 ehenhla ka xona, switlhangu hinkwaswo swa xirhendzevutana+ swa vavanuna va matimba.  Mavele+ ya wena mambirhi ma fana ni vana vambirhi, mahahla ya mhala, lama dyaka exikarhi ka makhon’wa.”+  “Ku fikela loko rimoyana ra siku ri hunga+ ni mindzhuti yi baleka, ndzi ta famba ndzi ya entshaveni ya mira ni le xitsungeni xa mirhi ya risuna.”+  “U sasekile+ hi ku helela, Wena nhwanyana wa mina la nga nakulorhi, naswona a wu na xivati.+  Onge u nga ta na mina u huma eLebanoni, Oho mutekiwa,+ onge u nga ta na mina u huma eLebanoni.+ Onge u nga rhelela u xika ehenhla ka Anti-Lebanoni, enhlohlorhini ya Seniri,+ na Herimoni,+ ebyetlelweni bya tinghala, etintshaveni ta tiyingwe.  U endle leswaku mbilu ya mina yi ba, Oho makwerhu,+ mutekiwa wanga,+ u endle leswaku mbilu ya mina yi ba hikwalaho ka tihlo ra wena rin’wana,+ hi sindza ra wena rin’wana ra le nhan’wini leri lengalengaka. 10  Mawaku ku saseka ka swikombiso swa wena swa rirhandzu,+ Wena makwerhu, mutekiwa wanga! Swikombiso swa wena swa rirhandzu swa antswa swinene ku tlula vhinyo ni nun’hwelo wa mafurha ya wena ya mixaka hinkwayo ya swinun’hweriso!+ 11  Milomu ya wena yi thona xihlenge xa vulombe,+ Wena mutekiwa wanga. Vulombe+ ni ntswamba swi le hansi ka ririmi ra wena, naswona nun’hwelo wa tinguvu ta wena wu fana ni nun’hwelo+ wa Lebanoni. 12  Ntanga lowu biyeriweke i makwerhu,+ mutekiwa wanga, ntanga lowu biyeriweke, xihlovo lexi lemiweke. 13  Nhlonge ya wena i paradeyisi ya magrenada, leyi nga ni mihandzu yo hlawuleka,+ swimila swa henna swin’we ni swimila swa narda;+ 14  ximila xa narda+ ni safroni,+ rihlanga+ ni sinamoni+ swin’we ni mixaka hinkwayo ya mirhi ya risuna, mira ni timhangani+ swin’we ni swinun’hweriso+ hinkwaswo leswinene ngopfu; 15  ni xihlovo xa mintanga, xihlovo xa mati yo tenga,+ ni swinambyana leswi khulukaka swi huma eLebanoni.+ 16  Pfuka, Wena mheho ya le n’walungwini, nghena na Wena mheho ya le dzongeni.+ Hunga ehenhla ka ntanga wa mina.+ Swinun’hweriso swa yona a swi hume.” “Murhandziwa wanga a a te entangeni wakwe a ta dya mihandzu ya wona yo hlawuleka.”

Tinhlamuselo ta le hansi