Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Risimu Ra Solomoni 3:1-11

3  “Esangweni ra mina nivusiku a ndzi lava loyi moya-xiviri wa mina wu n’wi rhandzeke.+ Ndzi n’wi lavile, kambe a ndzi n’wi kumanga.  Ndzi kombela ku pfuka, ndzi rhendzeleka ni muti;+ eswitarateni ni le mintsendzeleni,+ inge ndzi lava loyi moya-xiviri wa mina wu n’wi rhandzeke. Ndzi n’wi lavile, kambe a ndzi n’wi kumanga.  Varindzi+ lava a va rhendzeleka ni muti va ndzi kumile, ‘Xana mi n’wi vonile loyi moya-xiviri wa mina wu n’wi rhandzeke?’  A ndzi nga si va hundza loko ndzi kuma loyi moya-xiviri wa mina wu n’wi rhandzeke. Ndzi n’wi khoma, ndzi nga n’wi tshiki, ku fikela loko ndzi n’wi tisa endlwini ya manana ni le kamareni ra le mpfungwe ra loyi a a ndzi tikile.  Ndzi mi hlambanyisile,+ N’wina vanhwanyana va Yerusalema, hi timhala ta matswele kumbe timbavala,+ leswaku mi nga tshuki mi ringeta ku hlohlotela kumbe ku pfuxa rirhandzu eka mina kukondza na mina ndzi titwa ndzi swi rhandza.”+  “I yini nchumu lowu wu humaka emananga ku fana ni mapapa ya musi, lowu nun’hwelaka mira ni mirhi ya risuna,+ ni mixaka hinkwayo ya mapa lama nga ni fendlele ra muxavisi?”+  “Waswivo! I sangu rakwe, leri nga ra Solomoni. Ri rhendzeriwe hi vavanuna va 60 lava nga ni matimba, lava humaka eka vavanuna lava nga ni matimba va Israyele,+  hinkwavo ka vona va khome banga, va dyondzisiwe enyimpini, ha un’we a ri ni banga endzhumbini wakwe hikwalaho ka ku chava nivusiku.”+  “I xitshamo lexi pfalekeke ematlhelo lexi Hosi Solomoni a tiendleleke xona hi mirhi ya Lebanoni.+ 10  Milenge ya xona u yi endle hi silivhere, swiseketelo swa xona u swi endle hi nsuku. Switshamo swa xona u swi endle hi voya lebyi pendiweke byi va bya xivunguvungu, endzeni ka xona xi khavisiwe kahle hi vanhwanyana va Yerusalema.” 11  “N’wina vanhwanyana va Siyoni, humani mi vona, Hosi Solomoni a ri ni harhi+ leyi mana+ wakwe a n’wi lukeleke yona hi siku ra ku teka kakwe ni hi siku ra ku tsaka ka mbilu yakwe.”+

Tinhlamuselo ta le hansi