Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Risimu Ra Solomoni 1:1-17

1  Risimu+ leri dumeke, ku nga ra Solomoni:+  “Onge a nga ndzi ntswontswa hi ku ntswontswa ka nomu wakwe,+ hikuva swikombiso swa wena swa rirhandzu swa antswa ku tlula vhinyo.+  Hikuva mafurha+ ya wena i manene ku humesa nun’hwelo. Vito+ ra wena ri fana ni mafurha loko ma chuluriwa. Hi yona mhaka leyi vanhwanyana va ku rhandzaka.  Ndzi koke;+ a hi tsutsume. Hosi yi ndzi tise emakamareni ya yona ya le mpfungwe!+ A hi tsake, hi khana ha wena. A hi vule swikombiso swa wena swa rirhandzu leswi tlulaka vhinyo.+ Va ku rhandze+ hilaha ku faneleke.  “Ndzi nhwanyana wa ntima, kambe ndza languteka, N’wina vanhwanyana va Yerusalema,+ ku fana ni mintsonga ya Kedari,+ ni malapi ya ntsonga+ wa Solomoni.  Mi nga ndzi languti leswi ndzi nga dzwihala, hikuva dyambu ri ndzi kumile. Vana va manana va ndzi hlundzukerile; va ndzi vekile ku va muhlayisi wa masimu ya vhinya, hambileswi ndzi nga yi hlayisangiki nsimu ya vhinya+ leyi a yi ri ya mina.  “Wena loyi moya-xiviri wa mina wu ku rhandzeke,+ ndzi byele laha u riselaka+ kona, laha u vundzisaka kona ntlhambi ninhlikanhi. Ha yini ndzi fanele ndzi fana ni wansati la funengetiweke hi tinguvu ta nkosi exikarhi ka mintlhambi ya vanghana va wena?”  “Loko u nga swi tivi, Wena la sasekeke ngopfu exikarhi ka vavasati,+ landzelela mikondzo ya ntlhambi wa tinyimpfu, u byisa swimbutana swa wena etlhelo ka titabernakela ta varisi.”  “Ndzi ku fanise ni hanci ya mina emakalichini ya Faro,+ Wena nhwanyana la nga nakulorhi.+ 10  Marhama ya wena ma languteka exikarhi ka miluko ya misisi, nhamu ya wena engotini ya vusenga.+ 11  Hi ta ku endlela vuhlalu bya nsuku,+ swin’we ni tikunupu ta silivhere.” 12  “Loko ntsena hosi yi ri etafuleni ra yona ra xirhendzevutana, murhi wa mina wa narda+ wu humese nun’hwelo wa wona.+ 13  Murhandziwa wanga u fana ni nkwama wa mira+ eka mina; u ta etlela exikarhi ka mavele+ ya mina nivusiku. 14  Murhandziwa wanga u fana ni xichocho xa henna+ eka mina, exikarhi ka masimu ya vhinya ya Eni-gedi.”+ 15  “Waswivo! U sasekile, Wena nhwanyana la nga nakulorhi.+ Waswivo! U sasekile. Mahlo ya wena ma fana ni ya matuva.”+ 16  “Waswivo! U sasekile,+ murhandziwa wanga, naswona wa tsakisa. Ni mubedo+ wa hina i wa switluka. 17  Timhandzi ta yindlu ya hina leyikulu i mikedari,+ timhandzi ta hina ta lwangu i mirhi ya yunipa.

Tinhlamuselo ta le hansi