Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Rhuti 2:1-23

2  Nawomi a a ri ni xaka+ ra nuna wakwe, wanuna loyi a a ri ni rifuwo lerikulu,+ wa ndyangu wa Elimeleke, vito rakwe a ku ri Bowasi.+  Hi ku famba ka nkarhi Rhuti lowa Mumowabu a byela Nawomi a ku: “Ndzi kombela ku famba ndzi ya emasin’wini ndzi ya khwaja+ exikarhi ka min’oko ya mavele, ndzi landzela un’wana ni un’wana loyi ndzi kumaka tintswalo ematihlweni yakwe.” Kutani a ku eka yena: “Famba, n’wananga.”  Hiloko a famba, a ya nghena, a sungula ku khwaja emasin’wini endzhaku ka vatshoveri.+ Xisweswo u tikume a ri ensin’wini ya Bowasi,+ loyi a a ri wa ndyangu wa Elimeleke.+  Kutani waswivo, Bowasi a fika a huma eBetlehema, a byela vatshoveri a ku: “Yehovha a a ve na n’wina.”+ Vona a va n’wi hlamula va ku: “Yehovha a a ku katekise.”+  Kutani Bowasi+ a ku eka jaha leri a ri lawula vatshoveri: “Xana nhwanyana loyi i wa ka mani?”  Hiloko jaha leri a ri lawula vatshoveri ri hlamula ri ku: “Nhwanyana loyi i Mumowabu,+ loyi a vuyeke na Nawomi va huma etikweni ra Mowabu.+  Kutani yena u te, ‘Ndzi kombela ku khwaja,+ kunene ndzi ta hlengeleta min’oko ya mavele endzhaku ka vatshoveri.’ Hiloko a nghena, a yima ku sukela hi nkarhi wolowo nimixo ku fikela a tshama ehansi sweswi endlwini swa nkarhinyana.”+  Endzhaku Bowasi a ku eka Rhuti: “U swi twile n’wananga, a swi tano ke? U nga fambi u ya khwaja ensin’wini yin’wana,+ naswona u nga hundzi u suka endhawini leyi, hi ndlela yoleyo u ta tshama ekusuhi ni malandza ya mina ya vanhwanyana.+  Mahlo ya wena a ma ve ensin’wini leyi va nga ta yi tshovela, u fanele u famba na vona. Xana a ndzi ma lerisanga majaha leswaku ma nga ku khumbi?+ Loko u ri ni torha, u fanele u ya eswibyeni u ya nwa mati lawa ma nga ta kiwa hi majaha.”+ 10  Hiloko a wa hi xikandza, a nkhinsama emisaveni+ a ku eka yena: “Xana ndzi tikumise ku yini tintswalo ematihlweni ya wena, lerova ndzi lemukiwa, kasi ndzi munhu wumbe?”+ 11  Kutani Bowasi a n’wi hlamula a ku: “Ndzi vikeriwe+ hinkwaswo leswi u swi endleleke n’wingi wa wena endzhaku ka ku fa ka nuna wa wena,+ nileswi u siyeke tata wa wena ni mana wa wena ni tiko ra maxaka ya wena, u ya evanhwini lava a wu nga va tivi eku sunguleni.+ 12  Onge Yehovha a nga hakela ndlela leyi u endlaka ha yona,+ onge u nga kuma hakelo+ leyi hetisekeke leyi humaka eka Yehovha, Xikwembu xa Israyele, loyi u teke ehansi ka timpapa ta yena leswaku u kuma vutumbelo.”+ 13  Hiloko yena a ku: “Inge ndzi kuma tintswalo ematihlweni ya wena, wena hosi yanga, hikuva u ndzi chavelerile, u vulavule ni nandza+ wa wena wa xisati hi ndlela leyi tiyisaka, hambiloko mina ndzi nga ta ka ndzi nga fani ni malandza ya wena ya xisati.”+ 14  Hi nkarhi wa swakudya, Bowasi a ya emahlweni a ku eka yena: “Tshinela laha, u fanele u dya xinkwa,+ u peta xipandzwa xa wena entsuvini.” Hiloko a tshama ehansi etlhelo ka vatshoveri, a n’wi nyika mavele lama katingiweke,+ a dya, a xurha, swi tlhela swi sala. 15  Kutani a suka a yima a ya khwaja.+ Bowasi a lerisa majaha yakwe, a ku: “N’wi tshikeni a khwaja ni le xikarhi ka min’oko ya mavele, mi nga n’wi karhati.+ 16  Tiyisekani leswaku mi n’wi pambulela swin’wana eka tinyandza ta mavele, mi swi siya leswaku a swi khwaja,+ mi nga n’wi tshinyi.” 17  Hiloko a ya emahlweni a khwaja emasin’wini ku fikela nimadyambu,+ endzhaku ka sweswo a hula+ leswi a swi khwajeke, kutani swi va mpimo wa efa+ ya maxalana. 18  Kutani a swi rhwala a nghena emutini, n’wingi wakwe a vona leswi a swi khwajeke. Endzhaku ka sweswo a humesa swakudya leswi a swi siyeke+ loko a xurhe, a n’wi nyika swona. 19  Hiloko n’wingi wakwe a ku eka yena: “Xana namuntlha u khwaje kwihi, xana u tirhe kwihi? Onge loyi a ku lemukeke a nga katekisiwa.”+ Kutani a byela n’wingi wakwe munhu loyi a tirheke na yena; a ya emahlweni a ku: “Vito ra munhu loyi ndzi tirheke na yena namuntlha i Bowasi.” 20  Hiloko Nawomi a byela nhlomi yakwe a ku: “Yena a a katekisiwe hi Yehovha,+ loyi a nga tshikangiki musa wakwe wa rirhandzu+ eka lava va hanyaka ni lava va feke.”+ Nawomi a ya emahlweni a ku eka yena: “Munhu loyi i xaka ra hina.+ Hi un’wana wa vakutsuri va hina.”+ 21  Kutani Rhuti lowa Mumowabu a ku: “U tlhele a ndzi byela a ku, ‘U fanele u va ekusuhi ni vantshwa va mina kukondza va heta ntshovelo hinkwawo lowu ndzi nga na wona.’”+ 22  Hiloko Nawomi+ a byela nhlomi yakwe Rhuti a ku:+ “Swa antswa n’wananga, leswaku u famba ni malandza yakwe ya vanhwanyana, leswaku va nga ku siringi ensin’wini yin’wana.”+ 23  A ya emahlweni a va ekusuhi ni malandza lawa ya vanhwanyana ya Bowasi kukondza ntshovelo wa maxalana+ ni ntshovelo wa koroni wu hela. A hambeta a tshama ni n’wingi wakwe.+

Tinhlamuselo ta le hansi