Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Nehemiya 9:1-38

9  Hi siku ra vu-24 ra n’hweti leyi,+ vana va Israyele va hlengeletana va titsona swakudya,+ va ambale nguvu yo khwaxa,+ va ri ni ritshuri.+  Mbewu ya Israyele yi tihambanisa+ ni vanhu vambe hinkwavo,+ yi yima yi phofula+ swidyoho+ swa yona ni swihoxo swa vatata wa yona.+  Kutani yi suka endhawini+ ya yona yi yima, yi hlaya swi twala ku suka ebukwini ya nawu+ wa Yehovha Xikwembu xa yona, ku ringana xiphemu xa vumune xa siku;+ kasi xiphemu lexin’wana xa vumune, a yi tiphofula+ ni ku nkhinsamela Yehovha Xikwembu xa yona.+  Kutani Yexuwa na Bani, Kadimiyele, Xebaniya, Buni, Xerebiya,+ Bani na Kenani, va yima ehenhla ka tshala+ ra Valevhi, kutani va huwelela hi rito+ lerikulu eka Yehovha Xikwembu xa vona.  Hiloko Valevhi lava, Yexuwa na Kadimiyele, Bani, Haxabiniya, Xerebiya, Hodiya, Xebaniya na Petahiya va ya emahlweni va ku: “Sukani mi yima, dzunisani+ Yehovha Xikwembu xa n’wina hilaha ku nga riki na makumu.+ A va dzunise vito ra wena leri vangamaka,+ leri tlakukeke ehenhla ka mikateko hinkwayo ni ku dzuniseka.  “Hi wena Yehovha u ri wexe;+ wena u endle matilo,+ ina, tilo ra matilo, ni vuthu ra wona hinkwaro,+ misava+ ni hinkwaswo leswi swi nga ehenhla ka yona,+ malwandle+ ni hinkwaswo leswi swi nga eka wona;+ hinkwaswo u swi londzovota swi hanya; ni vuthu+ ra le matilweni ra ku nkhinsamela.  Wena u Yehovha Xikwembu xa ntiyiso, hi wena loyi a hlawuleke Abrama+ kutani u n’wi humesa eUra ya Vakalidiya,+ u n’wi thya vito ra Abrahama.+  U kume mbilu yakwe yi tshembekile emahlweni ka wena;+ kutani ku ve ni ntwanano+ lowu tiyisiweke eka yena leswaku u ta n’wi nyika tiko ra Vakanana, Vaheti, Vaamori ni Vaperezi ni Vayebusi ni Vagirgaxa, leswaku u ri nyika mbewu yakwe;+ naswona u hetisise marito ya wena, hikuva u lulamile.+  “Xisweswo u vone+ ku xaniseka ka vatatana aEgipta, naswona u twe ku rila ka vona eLwandle ro Tshwuka.+ 10  Kutani u nyike swikombiso ni masingita ku lwa na Faro ni malandza yakwe hinkwawo ni vanhu va tiko rakwe,+ hikuva a wu swi tiva leswaku va tikukumuxile+ ehenhla ka vona; u tiendlele vito+ esikwini rero ku fana ni le sikwini leri. 11  U avanyise+ lwandle emahlweni ka vona, lerova va pele exikarhi ka lwandle emisaveni leyi omeke;+ lava a va va hlongorisa u va lahlela evuentweni+ ku fana ni ribye+ ematini lama nga ni matimba.+ 12  U va rhangele hi papa lerikulu ninhlikanhi,+ ni hi ndzilo lowukulu nivusiku,+ ku va voningela+ ndlela leyi va faneleke va famba ha yona. 13  U rhelele+ eNtshaveni ya Sinayi, u vulavula na vona u ri etilweni+ ni ku va nyika swiboho swa vuavanyisi+ leswinene ni milawu ya ntiyiso,+ swileriso leswinene+ ni milawu.+ 14  U va tivise savata+ ya wena yo kwetsima, swileriso ni swikongomiso ni nawu, u va lerise swona ha Muxe nandza wa wena.+ 15  U va nyike xinkwa lexi humaka etilweni leswaku va susa ndlala,+ naswona u va tisele mati lama humaka eribyeni leswaku va timula torha ra vona,+ u va byele leswaku va nghena va teka tiko,+ leri u tlakuseke voko ra wena u hlambanya leswaku u va nyika rona.+ 16  “Kutani vona ni vatata wa hina, va tikukumuxile+ ni ku nonon’hwisa tinhamu ta vona,+ a va swi yingisanga swileriso swa wena. 17  Va arile ku yingisa,+ a va swi tsundzukanga+ swiendlo swa wena swo hlamarisa leswi u va endleleke swona, kambe va nonon’hwise tinhamu+ ta vona kutani va veka murhangeri+ leswaku va tlhelela evuhlongeni aEgipta. Kambe wena u Xikwembu xa swiendlo swa ndzivalelo+ ni nsovo+ ni tintswalo,+ lexi hlwelaka ku hlundzuka+ kambe lexi xi teleke+ musa wa rirhandzu, a wu va siyanga.+ 18  Ina, va tiendlele xifaniso lexi n’okisiweke xa rhole+ kutani va ku, ‘Lexi i Xikwembu xa wena lexi ku rhangeleke u huma aEgipta,’+ kutani va ya emahlweni va endla swiendlo leswikulu leswi kombisaka ku pfumala xichavo, 19  kambe wena, a wu va siyanga+ emananga hikwalaho ka tintswalo ta wena to tala. Papa lerikulu a ri sukanga ehenhla ka vona ninhlikanhi leswaku ri va rhangela endleleni+ hambi ku ri ndzilo lowukulu nivusiku leswaku wu va voningela ndlela leyi a va fanele va famba ha yona.+ 20  U va nyike moya+ wa wena lowunene leswaku wu va tlharihisa, ni milomu ya vona a wu yi pfumatanga manna,+ u va nyike ni mati leswaku va timula torha.+ 21  U va nyike swakudya emananga ku ringana malembe ya 40.+ A va pfumalanga nchumu.+ Tinguvu ta vona a ti hlakalanga,+ ni milenge ya vona a yi pfimbanga.+ 22  “U va nyike mimfumo+ ni vanhu, ni ku va avela swiphemu;+ lerova va tshama etikweni ra Sihoni,+ ni le tikweni ra hosi ya Hexiboni,+ ni le tikweni ra Ogo+ hosi ya Baxani.+ 23  Vana va vona u va endle va tala ku fana ni tinyeleti ta matilo.+ U va tise etikweni+ leri u ri tshembiseke vatata wa vona,+ leswaku va nghena va tshama eka rona. 24  Kutani vana+ va vona va nghenile va teka tiko,+ u hlule+ vaaki va tiko emahlweni ka vona, Vakanana,+ u va nyiketa evokweni ra vona, ni tihosi+ ta vona ni vanhu va tiko,+ leswaku va va endla leswi va swi rhandzaka.+ 25  Hiloko va teka miti+ leyi tiyisiweke ni misava yo nona,+ va teka ni tindlu leti taleke swilo hinkwaswo leswinene,+ swihlovo leswi ceriweke,+ masimu ya vhinya ni mirhi ya mitlhwari+ ni mirhi ya swakudya swo tala, va sungula ku dya va xurha,+ va nona,+ va tiphina evuneneni bya wena lebyikulu.+ 26  “Hambiswiritano, a va yingisanga,+ va ku xandzukerile,+ va bakanye nawu wa wena,+ va dlaye vaprofeta va wena,+ lava va nyikeleke vumbhoni lebyi kanetanaka na vona leswaku va va vuyisa eka wena;+ va ye emahlweni va endla swiendlo leswi nga kombisiki xichavo nikatsongo.+ 27  Hikwalaho ka leswi u va nyikete evokweni ra swirha swa vona,+ leswi hambeteke swi va vangela ku karhateka;+ kambe loko va ri emaxangwini, a va rila eka wena,+ wena a wu swi twa u ri ematilweni;+ naswona hi ku landza tintswalo+ ta wena to tala, a wu va nyika vaponisi+ lava a va va ponisa evokweni ra swirha swa vona.+ 28  “Kambe hi ku hatlisa loko va kuma ku wisa, a va tlhela va endla swo biha emahlweni ka wena,+ a wu va nyiketa evokweni ra valala va vona, lava a va va kandziyela.+ A va tlhela va kombela leswaku u va pfuna,+ a wu va twa u ri ematilweni+ kutani u va kutsula hikwalaho ka tintswalo ta wena to tala, nkarhi ni nkarhi.+ 29  Hambiloko u nyikela vumbhoni+ lebyi kanetanaka na vona leswaku va vuyela enawini wa wena,+ vona a va tikukumuxa,+ a va swi yingisanga swileriso swa wena; va dyohele+ swiboho swa wena swa vuavanyisi,+ leswi loko munhu a swi endla, a faneleke a tlhela a hanya ha swona.+ Va hambete va va ni katla ro sihalala,+ va nonon’hwisa tinhamu ta vona,+ a va yingisanga.+ 30  Kambe u va lehisele mbilu malembe yo tala,+ u hambete u nyikela vumbhoni+ lebyi kanetanaka na vona hi moya wa wena hi ku tirhisa vaprofeta va wena, kambe a va yingisanga.+ Eku heteleleni u va nyikete evokweni ra vanhu va matiko.+ 31  A wu va herisanga+ kumbe ku va tshika+ hikwalaho ka tintswalo ta wena letikulu; hikuva u Xikwembu xa nsovo+ ni tintswalo.+ 32  “Sweswi, Oho Xikwembu xa hina, Xikwembu lexikulu,+ xa matimba+ ni lexi chavisekaka,+ lexi hlayisaka ntwanano+ ni musa wa rirhandzu,+ u nga ku languti ku ri kutsongo+ emahlweni ka wena ku nonon’hweriwa hinkwako loku ku weleke hina,+ tihosi ta hina,+ tihosana ta hina,+ vaprista va hina,+ vaprofeta va hina,+ vatata wa hina+ ni vanhu va wena hinkwavo ku sukela emasikwini ya tihosi ta Asiriya ku fikela esikwini leri.+ 33  U lulamile+ eka hinkwaswo leswi swi hi weleke, hikuva u endle hi ku tshembeka,+ kambe hi hina lava va endleke swo homboloka.+ 34  Loko ku ri tihosi ta hina, tihosana ta hina, vaprista va hina ni vatata wa hina,+ a va endlanga hi ku landza nawu+ wa wena hambi ku ri ku nyikela nyingiso eswilerisweni+ swa wena kumbe eswitiyisekisweni swa wena leswi u nyikeleke vumbhoni+ malunghana na swona ku lwa na vona. 35  Kutani vona—enkarhini wa ku fuma+ ka vona ni le xikarhi ka swilo+ swa wena leswinene swo tala leswi u va nyikeke swona etikweni+ ro anama ni leri noneke leri u va nyikeke rona, a va ku tirhelanga+ naswona a va hundzukanga eswiendlweni swa vona swo biha.+ 36  Waswivo! Namuntlha hi mahlonga;+ naswona loko ku ri tiko leri u ri nyikeke vatatana leswaku va dya mihandzu ya rona ni swilo swa rona leswinene, waswivo, hi mahlonga ehenhla ka rona,+ 37  naswona ntshovelo wa rona wu talele+ tihosi+ leti u ti vekeke ehenhla ka hina hikwalaho ka swidyoho swa hina,+ ti fuma ehenhla ka mimiri ya hina ni le henhla ka swifuwo swa hina, hi ku ya hilaha ti rhandzaka hakona, hi le maxangwini lamakulu.+ 38  “Xisweswo hi endla lunghiselelo ro tshembeka hikwalaho ka swilo leswi hinkwaswo,+ hi ku tsala ni hi xilemo+ xa tihosana ta hina, Valevhi va hina ni vaprista va hina.”+

Tinhlamuselo ta le hansi