Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Nehemiya 8:1-18

8  Hiloko vanhu hinkwavo va hlengeletana va va munhu un’we+ entsendzeleni+ lowu a wu ri emahlweni ka Nyangwa ya Mati.+ Kutani va byela Ezra+ lowa mukopi leswaku a tisa buku+ ya nawu wa Muxe,+ lowu Yehovha a wu leriseke Israyele.+  Kutani Ezra lowa muprista+ a tisa nawu emahlweni ka nhlengeletano+ ya vavanuna ni vavasati ni hinkwavo lava nga kotaka ku yingisa,+ hi siku ro sungula ra n’hweti ya vunkombo.+  A wu hlayela+ ehenhla emahlweni ka ntsendzele lowu wu nga emahlweni ka Nyangwa ya Mati, ku sukela hi vurhonga+ ku fikela ninhlikanhi, emahlweni ka vavanuna ni vavasati ni van’wana lava nga twisisaka; tindleve+ ta vanhu hinkwavo a ti yingise+ buku ya nawu.  Kutani Ezra lowa mukopi a hambeta a yime ehenhla ka tshala ra ntsandza,+ leri va ri endleleke xiendlakalo xexo; etlhelo kakwe a ku yime Matitiya na Xema na Anaya na Uriya na Hilkiya na Maseya evokweni rakwe ra xinene, evokweni rakwe ra ximatsi a ku ri Pedaya na Mixayele na Malikiya+ na Haxumu+ na Haxi-badana, Zakariya na Mexulama.  Kutani Ezra a pfula+ buku emahlweni ka mahlo hinkwawo ya vanhu, hikuva a a ri ehenhla ka vanhu hinkwavo; loko a yi pfula, vanhu hinkwavo va suka va yima.+  Kutani Ezra a dzunisa Yehovha+ Xikwembu xa ntiyiso, Lonkulu, vanhu hinkwavo va hlamula va ku, “Amen! Amen,”+ va ri karhi va tlakusa mavoko.+ Hiloko va nkhinsama,+ va tiwisela emahlweni ka Yehovha swikandza swa vona swi langute emisaveni.+  Kutani Yexuwa na Bani na Xerebiya,+ Yamini, Akubu, Xabetayi, Hodiya, Maseya, Kelita, Azariya, Yozabadi,+ Hanani, Pelaya+ ni Valevhi, a va hlamusela nawu eka vanhu,+ vanhu va yimile.+  Kutani va ya emahlweni va hlayela+ ehenhla ku suka ebukwini, enawini wa Xikwembu xa ntiyiso, wu endliwa wu va erivaleni, va wu hlamusela; va ya emahlweni va endla leswaku swi twisisiwa leswi hlayiwaka.+  Kutani Nehemiya,+ hileswaku loyi a nga Mutirixata,+ na Ezra+ lowa muprista, lowa mukopi, ni Valevhi lava a va letela vanhu, va byela vanhu hinkwavo va ku: “Siku leri ra kwetsima eka Yehovha Xikwembu xa n’wina.+ Mi nga tshuki mi ba nkosi kumbe mi rila.”+ Hikuva vanhu hinkwavo a va rila loko va twa marito ya nawu.+ 10  A ya emahlweni a ku eka vona: “Fambani mi ya dya swilo swo nona ni ku nwa swilo swo tsokombela, mi rhumela swo karhi+ eka loyi a nga lunghiseriwangiki nchumu; hikuva siku leri ra kwetsima eka Hosi ya hina, mi nga tshuki mi titwa mi vavisekile, hikuva ntsako wa Yehovha i khokholo ra n’wina.” 11  Valevhi a va lerisa vanhu hinkwavo leswaku va miyela, va ku: “Miyelani, hikuva siku leri ra kwetsima; mi nga tshuki mi titwa mi vavisekile.” 12  Hikwalaho vanhu hinkwavo va famba va ya dya, va nwa ni ku rhumela swiphemu,+ va hambeta va tsaka ngopfu,+ hikuva va twisise marito lawa va byeriweke wona.+ 13  Kutani hi siku ra vumbirhi, varhangeri va vatata wa vanhu hinkwavo, vaprista ni Valevhi, va hlengeletana eka Ezra lowa mukopi, leswaku va twisisa marito ya nawu.+ 14  Kutani va kuma ku tsariwile enawini lowu Yehovha a wu leriseke ha Muxe+ leswaku vana va Israyele va fanele va tshama emintsongeni+ hi nkarhi wa nkhuvo hi n’hweti ya vunkombo,+ 15  nileswaku va fanele va huwelela,+ va tivisa emitini hinkwayo ya vona ni le Yerusalema hinkwawo,+ va ku: “Yanani endhawini ya tintshava,+ mi tisa matluka ya mitlhwari+ ni matluka ya mirhi ya mafurha ni matluka ya murhi wa mirta ni marhavi ya micindzu ni matluka ya murhi lowu nga ni marhavi yo tala, leswaku hi endla mintsonga, hi ku landza leswi tsariweke.” 16  Hiloko vanhu va huma, va vuya na wona, va tiendlela mintsonga, un’wana ni un’wana elwangwini+ rakwe ni le swivaveni swa vona ni le swivaveni+ swa yindlu ya Xikwembu xa ntiyiso ni le ntsendzeleni wa Nyangwa ya Mati+ ni le ntsendzeleni+ wa Nyangwa ya Efrayimi.+ 17  Xisweswo nhlengeletano hinkwayo ya lava va vuyeke evukhumbini yi endla mintsonga, yi tshama emintsongeni; hikuva vana va Israyele a va nga si tshama va endla tano ku sukela emasikwini ya Yoxuwa n’wana wa Nuni+ ku ta fikela esikwini rero, lerova ku va ni ku tsaka lokukulu ngopfu.+ 18  Buku ya nawu wa Xikwembu xa ntiyiso a yi hlayeriwa ehenhla siku ni siku,+ ku sukela esikwini ro sungula ku fikela esikwini ro hetelela; va endla nkhuvo wolowo ku ringana masiku ya nkombo, kutani hi siku ra vunhungu a ku ri ni nhlengeletano yo xiximeka, hi ku landza nawu.+

Tinhlamuselo ta le hansi