Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Nehemiya 6:1-19

6  Hi ku hatlisa loko ku byeriwe Sanibalati+ na Tobiya+ na Gexemi+ lowa Muarabiya+ ni valala va hina hinkwavo leswaku ndzi pfuxe rirhangu+ nileswaku a ku siyiwanga vangwa eka rona (hambileswi ku fikela enkarhini wolowo a ndzi nga si yimisa tinyangwa+ evunghenweni),+  xikan’we-kan’we Sanibalati na Gexemi va rhumela rito eka mina, va ku: “Tana, a hi hlangane+ eswimitanini swa rivala ra Ono hi nkarhi lowu hi nga ta wu veka.”+ Kambe a va boha makungu ya ku ndzi endla swo biha.+  Hiloko ndzi rhumela varhumiwa eka vona,+ ndzi ku: “Ndzi endla ntirho lowukulu,+ a ndzi swi koti ku rhelela. Ha yini ntirho wu fanele wu yima mina ndzi suka ndzi rhelela ndzi ta eka n’wina?”+  Hambiswiritano, va ndzi rhumele rito leri fanaka ka mune, kambe ndzi hambete ndzi va hlamula hi rito leri fanaka.  Eku heteleleni Sanibalati+ a rhumela mutirhi wakwe eka mina hi rito leri fanaka ra vuntlhanu, a khome papila leri pfulekeke.  Eka rona a ku tsariwe va ku: “Swi twiwe hi matiko, na Gexemi+ wa swi vula, leswaku wena ni Vayuda mi kunguhata ku xandzuka.+ Hi yona mhaka leyi mi akaka rirhangu; naswona wena u hundzuka hosi eka vona,+ hi ku landza marito lawa.  Naswona mi veke vaprofeta leswaku va huwelela malunghana na wena eYerusalema hinkwawo va ku, ‘Ku ni hosi eYuda!’ Swilo swo fana ni leswi swi ta byeriwa hosi. Xisweswo tana sweswi, a hi kanerisane.”+  Hambiswiritano, ndzi rhumele rito eka yena, ndzi ku: “Swilo leswi u swi vulaka a swi endliwanga,+ kambe u tisungulela swona embilwini ya wena.”+  Hikuva hinkwavo ka vona a va ringeta ku hi chavisa, va ku: “Mavoko+ ya vona ma ta tsana kutani ntirho a wu nge endliwi.” Kambe, tiyisa mavoko ya mina sweswi.+ 10  Mina ndzi nghene endlwini ya Xemaya n’wana wa Delaya, n’wana wa Mehetabele loko a pfaleriwile.+ Kutani a ku: “A hi hlangane endlwini ya Xikwembu xa ntiyiso hi nkarhi lowu hi nga ta twanana+ ha wona, endzeni ka tempele,+ a hi pfale tinyangwa ta tempele; hikuva va tela ku ku dlaya, va ta ta nivusiku+ va ta ku dlaya.” 11  Kambe mina ndzi te: “Xana munhu wo fana na mina a nga baleka?+ Xana i mani munhu la fanaka na mina la nga nghenaka etempeleni kutani a hanya?+ A ndzi nge ngheni!” 12  Xisweswo ndzi swi kambisisile, kutani a ku nga ri Xikwembu+ lexi n’wi rhumeke, kambe a a vule+ vuprofeta lebyi byi kanetanaka na mina, hikwalaho ka leswi Tobiya na Sanibalati+ va n’wi tholeke.+ 13  Hikuva u tholeriwe+ sweswo leswaku ndzi chava,+ ndzi endla hi ndlela yoleyo, kunene ndzi ta dyoha,+ kunene ndhuma+ yo biha yi ta va eka vona leswaku va ndzi rhukana.+ 14  Oho Xikwembu xanga, tsundzuka+ Tobiya+ na Sanibalati, hi ku landza swiendlo leswi swa un’wana ni un’wana, na Nowadiya lowa muprofeta wa xisati+ ni vaprofeta hinkwavo lava a va ya emahlweni va ringeta ku ndzi chavisa. 15  Hi ku famba ka nkarhi rirhangu+ ri hela hi siku ra vu-25 ra Elulu, hi masiku ya 52. 16  Hi ku hatlisa loko valala+ va hina hinkwavo va swi twa, ni matiko hinkwawo lawa ma hi rhendzeleke ma swi vona, xikan’we-kan’we ma wela ehansi hi mahlo ya wona, hiloko ma swi tiva leswaku ntirho lowu a hi wu endla a wu huma eka Xikwembu+ xa hina. 17  Nakambe emasikwini wolawo vanhu va xiyimo xa le henhla+ va Yuda a va tsala mapapila yo tala lawa a ma ya eka Tobiya+ ni ya Tobiya lawa a ma fika eka vona. 18  Phela vo tala eYuda a va n’wi hlambanyerile, hikuva a a ri mukon’wana wa Xekaniya n’wana wa Arha;+ Yehohanani n’wana wakwe yena u teke n’wana wa Mexulama+ n’wana wa Berakiya. 19  Nakambe, a va tshamela ku ndzi byela swilo leswinene ha yena.+ A va tshamela ku teka marito ya mina va ma yisa eka yena. Ku ni mapapila lawa Tobiya a ma rhumeleke leswaku a ndzi chavisa.+

Tinhlamuselo ta le hansi