Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Nehemiya 4:1-23

4  Hi ku hatlisa loko Sanibalati+ a twa leswaku hi pfuxa rirhangu, a hlundzuka+ naswona a vona a dyoheriwe ngopfu, kutani a hambeta a hlekula+ Vayuda.  Hiloko a ku eka vamakwavo+ ni vandla ra nyimpi ra Samariya, ina, u sungule ku vula a ku: “Xana Vayuda lava vo tsana va endla yini? Xana va nga titshemba? Xana va ta endla xitlhavelo?+ Xana va ta heta hi siku rin’we? Xana va ta pfuxa maribye enhulwini ya thyaka+ kasi ma tshwile?”  Tobiya+ lowa Muamone+ a a ri etlhelo ka yena, kutani a ya emahlweni a ku: “Loko nhlati+ yo khandziya eka leswi va swi akaka, kunene yi ta mbundzumuxa rirhangu ra vona ra maribye.”  Hi yingise,+ Wena Xikwembu xa hina, hikuva hi hundzuke xihlekulo;+ naswona u tlherisela ndzhukano+ wa vona enhlokweni ya vona, kutani u va nyiketa va phangiwa etikweni ra vukhumbi.  U nga tshuki u funengeta xihoxo+ xa vona ni xidyoho xa vona emahlweni ka wena. Xi nga tshuki xi herisiwa, hikuva va khunguvanyise vaaki.  Kutani hi hambeta hi aka rirhangu, rirhangu hinkwaro ri hlangana ku ya fika exikarhi hi ku tlakuka, vanhu va ya emahlweni va va ni mbilu ya ku tirha.+  Hi ku hatlisa loko Sanibalati+ na Tobiya+ ni Vaarabiya+ ni Vaamone+ ni Vaaxidodo+ va twa leswaku rirhangu ra Yerusalema ri lunghisiwile ku ya emahlweni, hikuva vangwa a ri sungule ku siviwa, va hlundzuka ngopfu.  Hinkwavo ka vona va endla xikhiri+ xa ku ta va ta lwa na Yerusalema, leswaku va ndzi karhata.  Kambe hi khongele+ Xikwembu xa hina, naswona hi endle leswaku va rindziwa vusiku ni nhlikanhi. 10  Kutani Yuda a sungula ku vula a ku: “Matimba ya murhwali wa ndzhwalo+ ma khunguvanyekile, naswona ku ni thyaka ro tala ngopfu;+ hina ha tsandzeka ku aka ehenhla ka rirhangu.” 11  Ku tlula kwalaho, swirha swa hina swi hambeta swi ku: “A va nge swi tivi+ naswona a va nge swi voni kukondza hi fika exikarhi ka vona, kunene hi ta va dlaya, hi yimisa ntirho.” 12  Kuteloko Vayuda lava va tshamaka ekusuhi na vona va fika, va  hi byela ka khume va ku: “[Va ta tlhandluka] va huma etindhawini hinkwato leti n’wina mi vuyelaka eka hina ha tona.” 13  Hiloko ndzi veka vavanuna eswiyengeni leswi swi nga le hansi swa ndhawu leyi yi nga endzhaku ka rirhangu etindhawini leti pfulekeke, kutani ndzi veka vanhu va yima hi mindyangu ya vona va khome mabanga ya vona,+ matlhari+ ya vona ni mavurha ya vona. 14  Loko ndzi vona ku chava ka vona, hiloko ndzi pfuka hi nkarhi wolowo kutani ndzi byela lava va nga exiyin’weni xa le henhla+ ni vafumi lava nga khomela+ ni vanhu hinkwavo ndzi ku: “Mi nga va chavi.+ Vekani Yehovha lonkulu+ ni La chavisekaka+ emianakanyweni ya n’wina; mi lwela vamakwenu,+ vana va n’wina va vanhwanyana ni vasati va n’wina ni makaya ya n’wina.” 15  Hi ku hatlisa loko valala va hina va twa leswaku ha swi tiva, leswaku Xikwembu xa ntiyiso xi pfilunganye makungu+ ya vona nileswaku hinkwerhu ka hina hi tlhelele erirhangwini, un’wana ni un’wana entirhweni wakwe, 16  ina, ku sukela esikwini rero ku ya emahlweni, xiphemu xa majaha+ ya mina a xi ri karhi xi endla ntirho naswona xiphemu lexin’wana a xi khome matlhari, switlhangu ni mavurha ni tinguvu ta mahakatimba ya nsimbi;+ tihosana+ a ti ri endzhaku ka yindlu hinkwayo ya Yuda. 17  Loko ku ri vaaki va rirhangu ni lava va rhwalaka ndzhwalo, un’wana ni un’wana a a ri karhi a tirha hi voko rin’we kasi hi voko+ lerin’wana a khome nseve.+ 18  Vaaki a va lunghekile, un’wana ni un’wana hi banga esengeni rakwe,+ loko va ri karhi va aka;+ naswona loyi a yimbaka nanga+ a a ri etlhelo ka mina. 19  Hiloko ndzi byela vanhu va xiyimo xa le henhla ni vafumi+ lava nga khomela ni vanhu hinkwavo ndzi ku: “Ntirho i wukulu naswona wu tele, hi hangalakile ehenhla ka rirhangu, hi le kule ni le kule. 20  Endhawini leyi mi nga ta twa mpfumawulo wa nanga mi ri eka yona, kwalaho hilaha mi nga ta hlengeletana kona eka hina. Xikwembu xa hina hi xona xi nga ta hi lwela.”+ 21  Loko ha ha tirha, xiphemu xa vona lexin’wana a xi khome matlhari, ku sukela loko vurhonga byi tlhandluka ku fikela loko tinyeleti ti huma. 22  Handle ka sweswo, hi nkarhi wolowo ndzi byele vanhu ndzi ku: “Vavanuna a va hete vusiku kwalaho, un’wana ni un’wana ni mutirhi wakwe, exikarhi ka Yerusalema,+ va fanele va va varindzi va hina nivusiku, va va vatirhi ninhlikanhi.” 23  Loko ku ri mina+ ni vamakwerhu+ ni vatirhi+ va mina ni vanhu lava va rindzaka+ lava a va ri endzhaku ka mina, a hi nga hluvuli tinguvu ta hina, un’wana ni un’wana a tamele nseve+ hi voko rakwe ra xinene.

Tinhlamuselo ta le hansi