Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Nehemiya 3:1-32

3  Kutani Eliyaxibi+ muprista lonkulu ni vamakwavo, lava va nga vaprista, va suka va yima va aka Nyangwa ya Tinyimpfu.+ Vona va yi hlawulekisa,+ va yimisa tinyangwa ta yona; va yi hlawulekise ku ya fika eXihondzweni xa Miya,+ ku ya fika eXihondzweni xa Hananele.+  Vavanuna va Yeriko+ va ake etlhelo ka vona. Zakuru n’wana wa Imri a aka etlhelo ka vona.  Vana va Hasena va ake Nyangwa ya Tinhlampfi;+ va yi aka hi timhandzi+ kutani va yimisa tinyangwa ta yona,+ tingole ta yona ni swigogo swa yona.+  Meremoto+ n’wana wa Yuriya,+ n’wana wa Hakozi, u endle ntirho wa ku lunghisa etlhelo ka vona, kutani etlhelo ka vona Mexulama+ n’wana wa Berakiya, n’wana wa Mexezabele, u endle ntirho wa ku lunghisa; Sadoki n’wana wa Bana u endle ntirho wa ku lunghisa etlhelo ka vona.  Kutani vanhu va le Tekowa+ va endle ntirho wa ku lunghisa etlhelo ka vona; kambe lavakulu+ va vona a va ti tisanga tinhamu ta vona leswaku ti tirhela vini va vona.  Kambe Nyangwa ya Muti wa Khale+ yi lunghisiwe hi Yoyada n’wana wa Pasiya na Mexulama n’wana wa Besodeya; va yi lunghise hi timhandzi kutani va yimisa tinyangwa ta yona ni tingole ta yona ni swigogo swa yona.+  Melatiya lowa le Gibiyoni+ na Yadoni lowa Mumeronoti+ va endle ntirho wo lunghisa etlhelo ka vona, vavanuna va le Gibiyoni+ na Mizpa,+ lava va nga va xiluvelo xa ndhuna-nkulu+ leyi tshamaka entsungeni wa Nambu.+  Uziyele n’wana wa Haraya, mufuri wa nsuku,+ u endle ntirho wa ku lunghisa etlhelo ka yena; Hananiya xirho xa lava va pfanganisaka mafurha+ u endle ntirho wa ku lunghisa etlhelo ka yena; kutani va yimisa ribye ra xiphepherhele eYerusalema ku ya fika eRirhangwini ro Anama.+  Refaya n’wana wa Huru, hosana ya xiphemu xa muganga wa Yerusalema, u endle ntirho wa ku lunghisa. 10  Yedaya n’wana wa Harumafa, u endle ntirho wa ku lunghisa emahlweni ka yindlu yakwe;+ Hatuxi n’wana wa Haxabiniya u endle ntirho wa ku lunghisa etlhelo ka yena. 11  Ntirho wun’wana lowukulu hi lowu wu endliweke hi Malikiya n’wana wa Harimi+ na Haxubu n’wana wa Pahata-mowabu,+ ni Xihondzo xa Switiko swo Bakela eka swona.+ 12  Xalumu n’wana wa Halohexe, hosana+ ya xiphemu xa muganga wa Yerusalema, u endle ntirho wa ku lunghisa etlhelo ka yena, yena ni vana vakwe va vanhwanyana. 13  Hanunu ni vaaki va Zanowa+ va lunghise Nyangwa ya Nkova;+ hi vona va yi akeke kutani va yimisa tinyangwa ta yona,+ tingole+ ta yona ni swigogo swa yona,+ ku ringana swisungunu swa 1 000 erirhangwini ku ya fika eNyangweni ya Tinhulu ta Nkuma.+ 14  Nyangwa ya Tinhulu ta Nkuma yi lunghisiwe hi Malikiya n’wana wa Rekabi, hosana ya muganga wa Beta-hakarimi;+ yena u yi lunghisile a tlhela a yimisa tinyangwa ta yona, tingole ta yona ni swigogo swa yona. 15  Nyangwa ya Xihlovo+ yi lunghisiwe hi Xaluni n’wana wa Kolihoze, hosana ya muganga wa Mizpa;+ yena u yi akile a tlhela a yi fulela, a yimisa tinyangwa ta yona,+ tingole ta yona ni swigogo swa yona, ni rirhangu ra Xidziva+ xa Musele ku ya fika eNtangeni+ wa Hosi ni le Xikhandziyiweni+ lexi rhelelaka eMutini wa Davhida.+ 16  Endzhaku ka yena Nehemiya n’wana wa Azibuku, hosana ya xiphemu xa muganga wa Beta-suru,+ u endle ntirho wa ku lunghisa ku ya fika emahlweni ka Swilahlo+ swa Davhida ni le xidziveni+ lexi endliweke ku ya fika eNdlwini ya Lava Matimba.+ 17  Endzhaku ka yena Valevhi+ va endle ntirho wa ku lunghisa, Rehumi n’wana wa Bani;+ Haxabiya, hosana ya xiphemu xa muganga wa Keyila,+ u endle ntirho wa ku lunghisa emugangeni etlhelo ka yena. 18  Endzhaku ka yena vamakwavo va endle ntirho wa ku lunghisa, Bavhayi n’wana wa Henadada, hosana ya xiphemu xa muganga wa Keyila. 19  Kutani Ezere n’wana wa Yexuwa,+ hosana ya Mizpa,+ a lunghisa etlhelo ka yena xiphemu lexi pimiweke emahlweni ka ku tlhandlukela eVuhlayiselweni bya Swihlomo swa Rirhangu ro Tshega Muako.+ 20  Endzhaku kakwe Baruku n’wana wa Zabayi+ a tirha hi ku chivirika lokukulu,+ a lunghisa xiphemu xin’wana lexi pimiweke, ku suka eRirhangwini ro Tshega Muako ku ya fika enyangweni ya yindlu ya Eliyaxibi+ muprista lonkulu. 21  Endzhaku ka yena, Meremoto n’wana wa Yuriya,+ n’wana wa Hakozi, a lunghisa xiphemu xin’wana lexi pimiweke, ku suka enyangweni ya yindlu ya Eliyaxibi ku ya fika emakumu ka yindlu ya Eliyaxibi. 22  Endzhaku kakwe vaprista, vavanuna va Muganga wa Yordani,+ va endle ntirho wa ku lunghisa. 23  Endzhaku ka vona Benjamini na Haxubu va endle ntirho wa ku lunghisa emahlweni ka yindlu ya vona. Endzhaku ka vona Azariya n’wana wa Maseya, n’wana wa Ananaya u endle ntirho wa ku lunghisa ekusuhi ni yindlu yakwe. 24  Endzhaku ka yena, Binuyi n’wana wa Henadada u lunghise xiphemu xin’wana lexi pimiweke, ku suka endlwini ya Azariya ku ya fika eRirhangwini ro Tshega Muako+ ni ku ya fika eyinhleni. 25  [Endzhaku ka yena,] Palala n’wana wa Uzayi u [endle ntirho wa ku lunghisa] emahlweni ka Rirhangu ro Tshega Muako ni xihondzo lexi hlohlomukaka eNdlwini ya Hosi+ ya le henhla leyi yi nga ya Xivava xa Murindzi.+ Endzhaku ka yena a ku ri na Pedaya n’wana wa Paroxi.+ 26  Kutani Vanethinimi+ a va tshama eOfeli;+ va endle ntirho wa ku lunghisa ku ya fika emahlweni ka Nyangwa ya Mati+ evuxeni ni xihondzo lexi hlohlomukeke. 27  Endzhaku ka vona, vanhu va le Tekowa+ va lunghisa xiphemu xin’wana lexi pimiweke, ku suka emahlweni ka xihondzo lexikulu lexi hlohlomukeke ku ya fika erirhangwini ra Ofeli. 28  Vaprista va endle ntirho wo lunghisa ehenhla ka Nyangwa ya Tihanci,+ un’wana ni un’wana emahlweni ka yindlu yakwe. 29  Endzhaku ka vona Sadoki+ n’wana wa Imere u endle ntirho wa ku lunghisa emahlweni ka yindlu yakwe. Naswona endzhaku ka yena Xemaya n’wana wa Xekaniya, muhlayisi wa Nyangwa ya le Vuxeni,+ u endle ntirho wa ku lunghisa. 30  Endzhaku ka yena Hananiya n’wana wa Xelemiya na Hanunu, n’wana wa vutsevu wa Salafa va lunghise xiphemu xin’wana lexi pimiweke. Endzhaku ka yena Mexulama+ n’wana wa Berakiya u endle ntirho wa ku lunghisa emahlweni ka holo ya yena n’wini.+ 31  Endzhaku ka yena Malikiya, xirho xa lava va fulaka nsuku,+ u endle ntirho wa ku lunghisa yindlu ku ya fika endlwini ya Vanethinimi+ ni vaxavisi,+ emahlweni ka Nyangwa yo Kambela ku ya fika ekamareni ra le henhla ka lwangu ra yinhla. 32  Vafuri va nsuku ni vaxavisi va endle ntirho wa ku lunghisa exikarhi ka kamara ra le henhla ka lwangu ra le yinhleni ni Nyangwa ya Tinyimpfu.+

Tinhlamuselo ta le hansi