Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Nehemiya 2:1-20

2  Kutani hi n’hweti ya Nisani,+ elembeni ra vu-20+ ra Atazekiseki+ lowa hosi, a ku ri ni vhinyo emahlweni ka yena, hiloko mina, hi ntolovelo ndzi teka vhinyo ndzi yi nyika hosi.+ Kambe a ndzi nga si tshama ndzi tsana emahlweni ka yona.+  Hiloko hosi yi ku eka mina: “Ha yini xikandza xa wena xi tsanile+ kasi a wu vabyi? Leswi i ku tsana ka mbilu.”+ Kutani ndzi chava ngopfu.  Hiloko ndzi ku eka hosi: “Hosi a yi hanye hilaha ku nga riki na makumu!+ Ha yini xikandza xa mina xi nga fanelangiki xi tsana loko muti,+ yindlu ya swilahlo swa vatatana,+ wu onhiwile naswona tinyangwa ta wona ti dyiwe hi ndzilo?”+  Hiloko hosi yi ku eka mina: “Xana i yini lexi u lavaka ku xi sirhelela?”+ Xikan’we-kan’we ndzi khongela+ Xikwembu xa matilo.+  Endzhaku ka sweswo ndzi byela hosi ndzi ku: “Loko swi vonaka swi ri swinene eka hosi,+ naswona loko nandza wa wena a vonaka a ri lonene emahlweni ka wena,+ ndzi rhumele eYuda, emutini wa swilahlo swa vatatana, leswaku ndzi wu pfuxa.”+  Hiloko hosi yi ku eka mina, nsati wa yona a a tshame etlhelo ka yona: “Xana riendzo ra wena ri ta teka nkarhi wo tanihi kwihi naswona u ta vuya rini?” Kutani swi vonaka swi ri swinene+ emahlweni ka hosi leswaku yi ndzi rhuma, loko ndzi yi nyika nkarhi lowu vekiweke.+  Kutani ndzi ya emahlweni ndzi byela hosi ndzi ku: “Loko swi vonaka swi ri swinene emahlweni ka hosi, a ndzi nyikiwe mapapila+ lama yaka eka tindhuna-nkulu+ leti nga entsungeni wa Nambu,+ leswaku ti ndzi pfumelela ndzi tsemakanya kukondza ndzi fika eYuda;  ni papila leri yaka eka Asafa muhlayisi wa ntanga lowu nga wa hosi, leswaku a ndzi nyika mirhi ndzi aka tinyangwa ta Khokholo+ ra yindlu+ hi timhandzi, ni rirhangu+ ra muti ni yindlu leyi ndzi nga ta nghena eka yona.” Kutani hosi yi ndzi nyika wona, hi voko ra vunene ra Xikwembu xanga ehenhla ka mina.+  Hiloko ndzi hetelela ndzi fike eka tindhuna-nkulu+ entsungeni wa Nambu, ndzi ti nyika mapapila ya hosi. Ku tlula kwalaho, hosi yi ndzi rhuma ndzi ri ni varhangeri va vandla ra nyimpi ni ra vagadi va tihanci. 10  Loko Sanibalati+ lowa Muhoroni+ na Tobiya+ lowa nandza, lowa Muamone,+ a swi twa, swi vonake swi bihe+ ngopfu eka vona leswaku munhu loyi u tele ku ta kumela vana va Israyele leswinene. 11  Hi ku famba ka nkarhi ndzi fika eYerusalema, ndzi tshama kona masiku manharhu. 12  Hiloko ndzi pfuka nivusiku, mina ndzi ri ni vavanuna va nga ri vangani, naswona a ndzi byelanga munhu+ leswi Xikwembu xanga xi swi ngheniseke embilwini ya mina leswaku ndzi swi endlela Yerusalema,+ naswona a ndzi nga ri na xifuwo loko ku nga ri xifuwo lexi a ndzi xi gadile. 13  Hiloko ndzi huma hi Nyangwa ya Nkova+ nivusiku ni le mahlweni ka Nseledyana wa Nyoka Leyikulu ni le Nyangweni ya Tinhulu ta Nkuma,+ nkarhi hinkwawo a ndzi kambela marhangu+ ya Yerusalema, ndlela leyi ma mbundzumuxiweke ha yona ni tinyangwa+ ta wona ti dyiwe hi ndzilo. 14  Kutani ndzi hundza ndzi ya eNyangweni ya Xihlovo+ ni le Xidziveni xa Hosi, naswona a ku nga ri na ndhawu yo hundza ya xifuwo lexi ndzi xi gadeke. 15  Kambe ndzi ya emahlweni ndzi tlhandluka enkoveni+ nivusiku, ndzi hambeta ndzi kambela rirhangu; endzhaku ka sweswo ndzi vuya ivi ndzi nghena hi Nyangwa ya Nkova,+ kutani ndzi tlhelela endzhaku. 16  Vafumi+ lava nga khomela a va nga ku tivi lomu ndzi yeke kona ni leswi a ndzi endla swona; Vayuda ni vaprista ni vanhu va xiyimo xa le henhla ni vafumi lava nga khomela ni hinkwavo lava endlaka ntirho a ndzi va byelanga nchumu. 17  Eku heteleleni ndzi va byele ndzi ku: “Mi xi vona kahle xiyimo xo biha lexi hi nga eka xona, ndlela leyi Yerusalema wu onhiweke ha yona ni tinyangwa ta wona ti hisiwe hi ndzilo. Tanani, a hi pfuxeni rirhangu ra Yerusalema, leswaku hi nga ha hambeti hi va ndzhukano.”+ 18  Kutani ndzi hambeta ndzi va byela hi voko+ ra Xikwembu xanga, ndlela leyi a swi ri swinene+ ha yona ni marito+ lawa hosi yi ndzi byeleke wona. Hiloko va ku: “A hi sukeni hi yima, hi fanele hi aka.” Kutani va tiyisa mavoko ya vona leswaku va endla ntirho lowunene.+ 19  Sanibalati+ lowa Muhoroni na Tobiya+ lowa nandza,+ lowa Muamone,+ na Gexemi+ lowa Muarabiya,+ va swi twa, va sungula ku hi hlekula+ ni ku hi langutela ehansi, va ku: “Xana mi endla yini? Xana mi xandzukela hosi?”+ 20  Kambe, ndzi va angula ndzi ku: “Xikwembu xa matilo+ hi xona lexi xi nga ta endla leswaku hi humelela,+ kutani hina malandza ya xona hi fanele hi aka; kambe n’wina a mi na xiavelo,+ hambi ku ri mfanelo kumbe ku tsundzukiwa+ eYerusalema.”

Tinhlamuselo ta le hansi