Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Nehemiya 12:1-47

12  Lava a ku ri vaprista ni Valevhi lava va tlhandlukeke na Zerubabele+ n’wana wa Salatiyele+ na Yexuwa:+ Seraya, Yeremiya, Ezra,  Amariya,+ Maluka, Hatuxi,  Xekaniya, Rehumi, Meremoto,  Ido, Ginetoyi, Abiya,  Miyamini, Maadiya, Biliga,  Xemaya,+ Yowaribi, Yedaya,+  Sallu, Amoko,+ Hilkiya, Yedaya.+ Lava a ku ri varhangeri va vaprista ni vamakwavo esikwini ra Yexuwa.+  Valevhi a ku ri Yexuwa,+ Binuyi,+ Kadimiyele,+ Xerebiya, Yuda, Mataniya,+ lava a va nkhensa, yena ni vamakwavo.  Bakibukiya na Uni vamakwavo a va ri etlhelo ka vona emintirhweni ya ku rindza. 10  Yexuwa a va tata wa Yowakimi,+ Yowakimi a va tata wa Eliyaxibi,+ Eliyaxibi yena a va wa Yoyada.+ 11  Kutani Yoyada a va tata wa Yonathani, Yonathani yena a va tata wa Yaduwa.+ 12  Emasikwini ya Yowakimi a ku ri ni vaprista, varhangeri va tindlu ta vatatana:+ eka Seraya,+ Meraya; eka Yeremiya, Hananiya; 13  eka Ezra,+ Mexulama; eka Amariya, Yehohanani; 14  eka Maluki, Yonathani; eka Xebaniya,+ Yosefa; 15  eka Harimi,+ Adina; eka Merayoto, Helikayi; 16  eka Ido, Zakariya; eka Ginetoni, Mexulama; 17  eka Abiya,+ Zikiri; eka Miniyamini, ——; eka Mowadiya, Pilitayi; 18  eka Biliga,+ Xamuwa; eka Xemaya, Yonatani; 19  naswona eka Yowaribi, Matenayi; eka Yedaya,+ Uzi; 20  eka Salayi, Kalayi; eka Amoko, Ebere; 21  eka Hilkiya, Haxabiya; eka Yedaya,+ Nethanele. 22  Valevhi a va tsarisiwe va ri varhangeri va tindlu ta vatatana emasikwini ya Eliyaxibi,+ Yoyada,+ Yohanani,+ Yaduwa ni vaprista ku ta fikela evuhosini bya Dariyosi lowa Muperesiya. 23  Vana va Levhi a va tsarisiwe ebukwini ya timhaka ta minkarhi va ri varhangeri va tindlu+ ta vatatana ku ta fikela emasikwini ya Yohanani n’wana wa Eliyaxibi. 24  Varhangeri va Valevhi a ku ri Haxabiya, Xerebiya+ na Yexuwa n’wana wa Kadimiyele+ ni vamakwavo etlhelo ka vona leswaku va dzunisa ni ku nkhensa hi ku landza xileriso+ xa Davhida munhu wa Xikwembu xa ntiyiso, ntlawa wa varindzi wu fambisana ni ntlawa wa varindzi. 25  Mataniya+ na Bakibukiya, Obadiya, Mexulama, Talimoni na Akubu+ a ku ri varindzi lava a va rindza tinyangwa,+ ntlawa wa varindzi evuhlayiselweni bya tinyangwa. 26  Lava a va ri kona emasikwini ya Yowakimi+ n’wana wa Yexuwa,+ n’wana wa Yozadaki+ ni le masikwini ya Nehemiya+ lowa ndhuna-nkulu na Ezra+ lowa muprista, lowa mukopi.+ 27  Loko ku khanguriwa+ rirhangu ra Yerusalema va lave Valevhi, leswaku va huma etindhawini ta vona hinkwato, va ya eYerusalema va ya khangula ni ku tsaka hi ku nkhensa+ ni hi risimu,+ swiphambati swa switende+ ni tiharipa.+ 28  Vana va vayimbeleri va hlengeletana ku suka eMugangeni,+ ku suka etindhawini hinkwato leti rhendzeleke Yerusalema ni ku suka eswimitanini swa Vanetofa,+ 29  ni ku suka eBeta-giligala+ ni ku suka etikweni ra Geba+ na Azamavhete,+ hikuva a ku ri ni swimitana+ leswi vayimbeleri va tiakeleke swona ku rhendzela Yerusalema hinkwawo. 30  Kutani vaprista ni Valevhi va tibasisa+ ni ku basisa vanhu+ ni tinyangwa+ ni rirhangu.+ 31  Hiloko ndzi tisa tihosana+ ta Yuda ehenhla ka rirhangu. Ku tlula kwalaho, ndzi hlawula mintlawa yimbirhi leyikulu yo nkhensa ya vayimbeleri+ ni lava va longolokaka na vona, [wun’wana a wu famba] exineneni ehenhla ka rirhangu wu ya eNyangweni ya Tinhulu ta Nkuma.+ 32  Kutani Hoxaya ni xiphemu xa tihosana ta Yuda va sungula ku va sala endzhaku, 33  na Azariya, Ezra na Mexulama, 34  Yuda na Benjamini na Xemaya na Yeremiya; 35  ni vana va vaprista va ri ni timhalamhala,+ Zakariya n’wana wa Yonathani, n’wana wa Xemaya, n’wana wa Mataniya, n’wana wa Mikaya, n’wana wa Zakuru,+ n’wana wa Asafa,+ 36  ni vamakwavo Xemaya na Azarele, Milalayi, Gilalayi, Mayi, Nethanele na Yuda, Hanane, a ri ni swichayachayana+ swa risimu ra Davhida, munhu wa Xikwembu xa ntiyiso; na Ezra+ lowa mukopi emahlweni ka vona. 37  ENyangweni ya Xihlovo+ ku kongoma eka vona, va tlhandlukele eXikhandziyiweni+ xa Muti wa Davhida+ hi ntlhandluko wa rirhangu ehenhla ka Yindlu ya Davhida ku ya fika eNyangweni ya Mati+ evuxeni. 38  Ntlawa wun’wana wo nkhensa+ lowu yimbelelaka a wu famba emahlweni, kutani mina ndzi wu sale endzhaku, ni hafu ya vanhu, ehenhla ka rirhangu ku ya ehenhla ka Xihondzo xa Switiko swo Baka+ ni ku ya eRirhangwini ro Anama,+ 39  ni le henhla ka Nyangwa ya Efrayimi+ ni le Nyangweni ya Muti+ wa Khale ku ya fika eNyangweni ya Nhlampfi+ ni Xihondzo xa Hananele+ ni Xihondzo xa Miya+ ku ya eNyangweni ya Tinyimpfu;+ va ya yima eNyangweni ya Murindzi. 40  Eku heteleleni mintlawa leyi yimbirhi yo nkhensa+ leyi yimbelelaka yi yima endlwini+ ya Xikwembu xa ntiyiso, mina ndzi ri ni xiphemu xa vafumi lava nga khomela,+ 41  ni muprista Eliyakimi, Maseya, Miniyamini, Mikaya, Eliwenayi, Zakariya, Hananiya va ri ni timhalamhala,+ 42  na Maseya na Xemaya, Eliyazara, Uzi, Yehohanani, Malikiya, Elami na Ezere. Ni vayimbeleri va ri na Iziraha lowa mulanguteri, va hambeta va endla leswaku va twiwa.+ 43  Hi siku rero va endla switlhavelo leswikulu,+ va tsaka,+ hikuva Xikwembu xa ntiyiso xi endle leswaku va tsaka hi ku tsaka lokukulu.+ Vavasati+ ni vana,+ na vona va tsaka, lerova ku tsaka ka Yerusalema ku twiwa ekule.+ 44  Ku tlula kwalaho, hi siku rero ku vekiwa vavanuna etiholweni,+ va langutela laha ku hlayisiwaka kona swilo,+ minyikelo,+ swirhangana+ ni vukhume,+ leswaku va hlengeleta eka tona swilo leswi swi tshoveriweke emasin’wini ya miti, leswi a swi laveka hi ku ya hi nawu,+ swa vaprista ni Valevhi;+ hikuva ku tsaka ka Yuda a ku vangiwa hi vaprista ni Valevhi+ lava a va tirha. 45  Hiloko va sungula ku endla ntirho+ wa Xikwembu xa vona ni ntirho wa ku tengisa,+ ku katsa ni vayimbeleri+ ni varindzi va tinyangwa,+ hi ku landza xileriso xa Davhida na Solomoni n’wana wakwe. 46  Hikuva emasikwini ya Davhida na Asafa lama hundzeke, a ku ri ni varhangeri va vayimbeleri+ ni risimu ra ku dzunisa ni ra ku nkhensa Xikwembu.+ 47  Kutani tiko hinkwaro ra Israyele, emasikwini ya Zerubabele+ ni le masikwini ya Nehemiya+ a ri humesa swiphemu swa vayimbeleri+ ni varindzi va tinyangwa,+ hi ku landza xilaveko xa siku ni siku, naswona a ri va hlawulekisa eka Valevhi;+ Valevhi a va va hlawulekisa eka vana va Aroni.

Tinhlamuselo ta le hansi