Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Nehemiya 1:1-11

1  Marito ya Nehemiya+ n’wana wa Hakaliya: Kutani hi n’hweti ya Kislevhe,+ elembeni ra vu-20,+ mina a ndzi ri ekhokholweni ra Xuxani.+  Kutani Hanane,+ un’wana wa vamakwerhu, a nghena, yena ni vavanuna van’wana lava va humaka eYuda, hiloko ndzi va vutisa+ malunghana ni Vayuda,+ lava va balekeke,+ lava va nga yisiwangiki evukhumbini,+ na hi Yerusalema.  Hiloko va ku eka mina: “Lava va seleke, lava va nga yisiwangiki evukhumbini, emugangeni+ lowu nga ehansi ka vulawuri bya hosi, va le xiyin’weni+ xo biha ngopfu ni le ndzhukanweni;+ naswona rirhangu+ ra Yerusalema ri mbundzumuxiwile, ni tinyangwa+ ta rona ti hisiwe hi ndzilo.”  Hi ku hatlisa loko ndzi twa marito lawa, ndzi tshama ehansi ndzi sungula ku rila, ndzi rila masiku yo tala, a ndzi ya emahlweni ndzi titsona swakudya+ ni ku khongela emahlweni ka Xikwembu xa matilo.+  Kutani ndzi ya emahlweni ndzi ku: “Oho, Yehovha Xikwembu xa matilo, Xikwembu lexikulu ni lexi chavisekaka,+ lexi hlayisaka ntwanano+ ni musa wa rirhandzu eka lava va xi rhandzaka+ ni ku hlayisa swileriso swa xona,+  ndzi kombela u rhiya+ ndleve naswona u pfula mahlo, leswaku u yingisa xikhongelo xa nandza wa wena,+ lexi ndzi xi vulaka emahlweni ka wena namuntlha, vusiku ni nhlikanhi,+ malunghana ni vana va Israyele malandza ya wena, ndzi ri karhi ndzi tiphofula+ malunghana ni swidyoho+ swa vana va Israyele leswi hi ku dyoheleke ha swona. Hi dyohile, mina ni yindlu ya tatana.+  Handle ko kanakana hi tikhome hi ndlela leyi onhakeke eka wena+ naswona a hi swi hlayisanga swileriso+ ni milawu+ ni swiboho swa vuavanyisi+ leswi u swi leriseke nandza wa wena Muxe.+  “Ndzi kombela u tsundzuka+ rito leri u ri leriseke nandza wa wena Muxe, u ku, ‘Loko n’wina mo ka mi nga tshembeki, mina ndzi ta mi hangalasela exikarhi ka vanhu.+  Loko mi ta va mi tlhelele eka mina+ naswona mi hlayise swileriso+ swa mina mi tlhela mi swi endla,+ hambiloko vanhu va n’wina lava va hangalakeke va nga va emakumu ka matilo, kunene ndzi ta va hlengeleta+ ndzi va tisa+ endhawini leyi ndzi yi hlawuleke leyi ndzi lavaka leswaku vito ra mina ri tshama eka yona.’+ 10  Vona i malandza+ ya wena ni vanhu va wena,+ lava u va kutsuleke hi matimba+ ya wena lamakulu ni hi voko ra wena ra matimba.+ 11  Oho Yehovha, ndzi kombela u rhiya ndleve u yingisa xikhongelo+ xa nandza wa wena ni xikhongelo xa malandza ya wena lawa ma tsakisiwaka hi ku chava vito ra wena;+ ndzi kombela u endla leswaku nandza wa wena swi n’wi fambela kahle namuntlha,+ naswona u endla leswaku munhu loyi a n’wi twela vusiwana.”+ Kutani mina a ndzi ri mucheri wa vhinyo+ eka hosi.

Tinhlamuselo ta le hansi