Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Nahume 1:1-15

1  Ku avanyisiwa ka Ninivha:+ Buku ya xivono xa Nahume lowa Muelikoxo:  Yehovha i Xikwembu lexi lavaka ku tinyiketela loku hlawulekeke,+ lexi rihiselaka; Yehovha wa rihisela+ naswona wa kariha.+ Yehovha wa tirihisela eka swirha swa yena,+ naswona u karihela valala va yena.+  Yehovha u hlwela ku hlundzuka+ naswona u ni matimba lamakulu,+ Yehovha a nge tshiki ku xupula.+ Ndlela ya yena yi le mhehweni ni le xidzedzeni, papa lerikulu i mapa ya milenge yakwe.+  U tshinya lwandle, a ri omisa;+ entiyisweni u omisa milambu hinkwayo.+ Baxani na Karimeli ti vunile,+ ku rhumbuka ka Lebanoni ku vunile.  Tintshava ti ninginikile hikwalaho ka yena, switsunga swi n’okile.+ Misava yi ta ninginika hikwalaho ka xikandza xa yena; ni tiko leri noneke swin’we ni vanhu hinkwavo lava tshamaka eka rona.+  I mani loyi a nga yimaka emahlweni ka xigwevo xa yena?+ I mani loyi a nga yimaka a langutana ni ku hlundzuka ka yena lokukulu?+ Kunene vukarhi bya yena byi ta chuluriwa ku fana ni ndzilo,+ naswona maribye ma ta hirimuxiwa hikwalaho ka yena.  Yehovha hi lonene,+ i khokholo+ esikwini ra maxangu.+ U xiya lava va lavaka vutumbelo eka yena.+  Hikuva u ta herisa ndhawu ya muti lowu hi ndhambi,+ munyama wu ta hlongorisa valala va yena.+  Xana i yini lexi mi nga xi anakanyaka ku lwa na Yehovha?+ U herisa hilaha ku heleleke. Maxangu a ma nge vi kona ra vumbirhi.+ 10  Hambileswi va tsondzelanaka ku fana ni mitwa,+ nileswi va endlaka onge va dakwisiwe hi byala bya mavele,+ kunene va ta lovisiwa ku fana ni mahlanga lama omeke hi ku helela.+ 11  Entiyisweni eka wena ku ta huma loyi a anakanyaka swo biha ku lwa na Yehovha,+ loyi a bohaka makungu ya leswi nga riki swa nkoka.+ 12  Yehovha u te: “Hambileswi a va ri exiyin’weni lexi heleleke nileswi a ku ri ni vo tala va xiyimo xexo, va fanele va lovisiwa va ri exiyin’weni xexo;+ ku fanele ku hundza munhu. Kunene ndzi ta ku xanisa, leswaku ndzi nga ha tlheli ndzi ku xanisa.+ 13  Kutani ndzi ta tshova joko ra yena leri nga ehenhla ka wena,+ ni switsimbo leswi nga ehenhla ka wena ndzi ta swi tsema hi le xikarhi.+ 14  Yehovha u lerisile malunghana na wena, ‘A ku nge he byariwi nchumu xa vito ra wena.+ Endlwini ya swikwembu swa wena ndzi ta tsema xifaniso lexi vatliweke ni xifaniso lexi n’okisiweke.+ Ndzi ta ku endlela xilahlo,+ hikuva a wu vanga nchumu nikatsongo.’ 15  “Waswivo! Ehenhla ka tintshava ku ni milenge ya lo-yi a tisaka mahungu lamanene, loyi a twarisaka ku rhula.+ Wena Yuda, tlangela minkhuvo ya wena.+ Hetisisa switshembiso swa wena leswi hlambanyiweke;+ hikuva ku hava munhu la nga pfuniki nchumu la nga ta tlhela a tsemakanya eka wena.+ Kunene u ta dlayiwa hi ku helela.”+

Tinhlamuselo ta le hansi