Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Mintirho 8:1-40

8  Loko ku ri Sawulo, a a ku seketela ku dlayiwa+ ka yena hi vomu. Hi siku rero vandlha leri a ri ri eYerusalema ri weriwa hi nxaniso lowukulu;+ van’wana hinkwavo handle ka vaapostola a va hangalake+ emigangeni hinkwayo ya Yudiya na Samariya.  Kambe vavanuna lava nga ni xichavo va rhwala Stefano va n’wi yisa exilahlweni,+ kutani va n’wi rila+ swinene.  Kambe, Sawulo a sungula ku khoma vandlha hi tihanyi. A hlasela yindlu yin’wana ni yin’wana, a kokela vavanuna ni vavasati ehandle, a va yisa ekhotsweni.+  Hambiswiritano, lava a va hangalakile va nghena etikweni va vula mahungu lamanene ya rito.+  Hi xikombiso, Filipi u rhelele emutini wa Samariya+ kutani a sungula ku va chumayela hi Kreste.  Mintshungu a yi nyikela nyingiso hi mianakanyo yin’we eka swilo leswi a swi vuriwa hi Filipi yi ri karhi yi yingisa ni ku vona masingita lawa a a ma endla.  Hikuva a ku ri ni vo tala lava a va ri ni mimoya leyi nga basangiki,+ naswona a yi huwelela hi rito lerikulu kutani yi huma. Ku tlula kwalaho, vo tala lava a va ome swirho+ ni lava khutaka a va hanyisiwa.  Kutani ku va ni ntsako lowukulu ngopfu emutini+ wolowo.  Kutani emutini lowu a ku ri ni wanuna loyi a a vuriwa Simoni, loyi, emahlweni ka leswi, a a endla masalamusi ni ku hlamarisa+ tiko ra Samariya, a vula leswaku yena i munhu wo karhi lonkulu.+ 10  Naswona hinkwavo ka vona, ku sukela eka lontsongo ku ya eka lonkulu, a va nyikela nyingiso eka yena, va ku: “Wanuna loyi i Matimba ya Xikwembu, lawa ma nga vuriwaka Lamakulu.” 11  Kutani a va nyikela nyingiso eka yena hikwalaho ka leswi a va hlamariseke nkarhi wo lehanyana hi masalamusi yakwe. 12  Kambe loko va kholwe Filipi, loyi a a vula mahungu lamanene ya mfumo wa Xikwembu+ ni ya vito ra Yesu Kreste, va khuvuriwile, vavanuna ni vavasati.+ 13  Simoni na yena u ve mupfumeri, kutani endzhaku ka ku khuvuriwa, a a tshama a ri swin’we na Filipi;+ naswona u hlamarisiwe hi ku vona masingita ni mintirho leyikulu ya matimba yi endleka. 14  Loko vaapostola eYerusalema va twa leswaku Samariya ri amukele rito ra Xikwembu,+ va rhuma Petro na Yohane va ya eka vona; 15  hiloko va rhelela kutani va va khongelela leswaku va kuma moya lowo kwetsima.+ 16  Hikuva a wu nga si wela ni un’we wa vona, kambe a va khuvuriwe ntsena hi vito ra Hosi Yesu.+ 17  Hiloko va va tlhandleka mavoko,+ kutani va kuma moya lowo kwetsima. 18  Kuteloko Simoni a vona leswaku moya wu nyikeriwile hikwalaho ka ku tlhandlekiwa ka mavoko ya vaapostola, a va nyika mali,+ 19  a ku: “Na mina ndzi nyikeni matimba lawa, leswaku mani na mani loyi ndzi n’wi tlhandlekaka mavoko a kuma moya lowo kwetsima.” 20  Kambe Petro a ku eka yena: “Silivhere ya wena a yi love na wena, hikuva u ehlekete ku kuma nyiko ya mahala ya Xikwembu+ hi mali. 21  A wu na xiphemu ni ku averiwa emhakeni leyi, hikuva mbilu ya wena a yi ololokanga emahlweni ka Xikwembu.+ 22  Hikokwalaho, hundzuka eka vubihi lebyi bya wena, u kombela Yehovha+ leswaku, loko swi koteka, u rivaleriwa rhengu ra mbilu ya wena; 23  hikuva ndza swi vona leswaku u nyongwa ya vuxungu+ ni xiboho xa leswi nga lulamangiki.”+ 24  Simoni a hlamula a ku: “N’wina vavanuna, ndzi kombeleleni+ eka Yehovha leswaku ni xin’we xa swilo leswi mi swi vuleke xi nga ti ehenhla ka mina.” 25  Hikokwalaho, loko va nyikele vumbhoni hi rixaladza naswona va vule rito ra Yehovha, va vuyele eYerusalema, kutani va vula mahungu lamanene eswimitanini swo tala swa Vasamariya.+ 26  Hambiswiritano, ntsumi+ ya Yehovha yi vulavule na Filipi, yi ku: “Tlakuka u ya edzongeni eka gondzo leri rhelelaka ri suka eYerusalema ri ya eGaza.” (Leri i gondzo ra kwandzasi.) 27  Hiloko a suka a famba, kutani waswivo, a ku ri ni mutsheniwa+ wa Muetiyopiya,+ wanuna la lawulaka ehansi ka Kandake hosi ya xisati ya Vaetiyopiya, loyi a a langutela xuma xa yena hinkwaxo. A a ye eYerusalema a ya gandzela,+ 28  kambe a a vuya a tshame ekalichini ya yena, a hlayela ehenhla marito ya muprofeta Esaya.+ 29  Kutani moya+ wu byela Filipi wu ku: “Tshinela u tihlanganisa ni kalichi leyi.” 30  Filipi a tsutsuma etlhelo ka yona kutani a n’wi twa a hlayela ehenhla marito ya muprofeta Esaya, kutani yena a ku: “Xana kahle-kahle wa swi tiva leswi u swi hlayaka?” 31  A ku: “Kunene, xana ndzi nga swi tivisa ku yini, handle ka loko ndzi kongomisiwa hi un’wana?” Kutani a kombela Filipi leswaku a khandziya a tshama na yena. 32  Kutani xiphemu xa Tsalwa lexi a a xi hlayela ehenhla a ku ri lexi: “U yisiwe eku dlayiweni ku fana ni nyimpfu, ni ku fana ni xinyimpfana lexi nga vulavuriki eka mutsemeti wa xona, na yena a nga wu pfuli nomu.+ 33  Hi nkarhi wa ku tsongahatiwa kakwe u avanyisiwe hilaha ku nga fanelangiki.+ I mani loyi a nga ta rungula vuxokoxoko bya xitukulwana xakwe? Hikuva vutomi byakwe byi susiwile emisaveni.”+ 34  Mutsheniwa a hlamula Filipi a ku: “Ndza ku kombela, Xana muprofeta u vula leswi malunghana na mani? Malunghana na yena kumbe malunghana ni munhu un’wana?” 35  Filipi a pfula nomu,+ kutani a sungula hi Tsalwa+ leri, a n’wi byela mahungu lamanene malunghana na Yesu. 36  Loko va ha famba egondzweni, va fika laha a ku ri ni nhlengeleto wa mati, hiloko mutsheniwa a ku: “Waswivo! Nhlengeleto wa mati hi lowu; i yini lexi ndzi sivelaka ku khuvuriwa?”+ 37  —— 38  Hiloko a lerisa leswaku kalichi yi yima, kutani havambirhi va rhelela ematini, Filipi swin’we ni mutsheniwa; hiloko a n’wi khuvula. 39  Kuteloko va humile ematini, moya wa Yehovha hi ku hatlisa wu fambisa Filipi,+ naswona mutsheniwa a nga ha n’wi vonanga, hikuva u ye emahlweni a tifambela a tsakile. 40  Kambe Filipi u kumeke a ri eAzoto, kutani a tsemakanya etikweni a hambeta a vula+ mahungu lamanene emitini hinkwayo a kondza a fika eKhezariya.+

Tinhlamuselo ta le hansi