Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Mintirho 7:1-60

7  Kambe muprista lonkulu a ku: “Xana swilo leswi swi tano?”  A ku: “Vavanuna, vamakwerhu na vatatana, twanani. Xikwembu xa ku vangama+ xi humelele eka tata wa hina Abrahama loko a ri eMesopotamiya, a nga si tshama eHarani,+  kutani xi ku eka yena, ‘Huma etikweni ra wena ni le maxakeni ya wena u ta etikweni leri ndzi nga ta ku komba rona.’+  Hiloko a huma etikweni ra Vakalediya a ya tshama eHarani. Kutani ku suka kona, endzhaku ka ku fa+ ka tata wakwe, Xikwembu xi endle leswaku a cinca vutshamo byakwe a ta etikweni leri mi tshamaka+ eka rona sweswi.  Kambe a xi n’wi nyikanga ni xigotso xa ndzhaka eka rona, e-e, ni ndhawunyana leyi ringanaka ni nkondzo;+ kambe xi tshembise ku n’wi nyika rona ri va ra yena,+ ni leswaku endzhaku ka yena xi ta ri nyika mbewu+ yakwe, kasi enkarhini wolowo a a nga ri na n’wana.+  Ku tlula kwalaho, Xikwembu xi vulavula emhakeni leyi, leswaku mbewu yakwe a yi ta va valuveri+ etikweni rimbe+ naswona vanhu a va ta va endla mahlonga ni ku va xanisa ku ringana malembe+ ya 400.  Xikwembu xi te, ‘Naswona tiko leri va nga ta ri tirhela ndzi ta ri avanyisa,+ kutani endzhaku ka swilo leswi va ta huma va ndzi endlela ntirho wo kwetsima endhawini+ leyi.’  “Xi tlhele xi n’wi nyika ntwanano wa ku yimba;+ xisweswo u ve tata wa Isaka+ kutani a n’wi yimbisa hi siku+ ra vunhungu, Isaka yena a va tata wa Yakobe, Yakobe a va tata wa tinhloko+ ta mindyangu ta 12.  Hiloko tinhloko ta mindyangu ti va ni mavondzo+ eka Yosefa kutani ti n’wi xavisa aEgipta.+ Kambe Xikwembu a xi ri na yena,+ 10  naswona xi n’wi kutsurile emahlomulweni yakwe hinkwawo kutani xi n’wi nyika nsovo ni vutlhari emahlweni ka Faro hosi ya Egipta. Hiloko yena a n’wi veka leswaku a lawula Egipta ni yindlu+ yakwe hinkwayo. 11  Kambe ku va ni ndlala etikweni hinkwaro ra Egipta ni ra Kanana, nhlomulo wu va lowukulu; naswona vatata wa hina a va nga swi kumi swakudya.+ 12  Kambe Yakobe a twa leswaku a ku ri ni swakudya aEgipta+ kutani ro sungula a rhuma+ vatata wa hina. 13  Ra vumbirhi Yosefa a tiviwa hi vamakwavo;+ hiloko nyimba ya ndyangu wa Yosefa yi vonaka eka Faro.+ 14  Hiloko Yosefa a rhumela rito leswaku ku ya vitaniwa Yakobe tata wakwe ni maxaka yakwe hinkwawo endhawini+ yoleyo, nhlayo ya kona yi ri mimoya-xiviri+ ya 75. 15  Yakobe a rhelela aEgipta.+ Kutani a fa;+ swi va tano ni hi vatata+ wa hina, 16  hiloko va hundziseriwa eXikeme+ kutani va latiwa eka sirha-bako+ leri Abrahama a ri xaveke hi nxavo wa mali ya silivhere eka vana va Hemori eXikeme.+ 17  “Kuteloko ku tshinela nkarhi wa ku hetiseka ka xitshembiso lexi Xikwembu xi xi vuleke eka Abrahama hi ku kongoma, vanhu va engeteleka ni ku andza aEgipta,+ 18  kukondza ku va ni hosi yin’wanyana aEgipta, leyi a yi nga ti tivi ta Yosefa.+ 19  A yi tirhisa mano erixakeni+ ra hina yi tlhela yi sindzisa vatata wa hina hi ndlela leyi hoxeke leswaku va cukumeta tincece ta vona, leswaku ti nga londzovotiwi.+ 20  Muxe u velekiwe+ hi nkarhi wolowo, naswona a a sasekile+ eka Xikwembu. U wundliwe tin’hweti tinharhu ekaya ra tata wakwe. 21  Kambe loko a cukumetiwile, n’wana wa xisati wa Faro u n’wi tekile a n’wi kurisa a va n’wana+ wakwe. 22  Hikwalaho Muxe u leteriwe hi vutlhari+ hinkwabyo bya Vaegipta. Entiyisweni, a a ri ni matimba emaritweni+ yakwe ni le swiendlweni swakwe. 23  “Kuteloko ku hetiseka nkarhi wa lembe rakwe ra vu-40, embilwini yakwe ku fika mhaka ya leswaku a kamba vamakwavo, vana va Israyele.+ 24  Kutani loko a vona un’wana a khomiwa hi ndlela yo homboloka, a n’wi lamulela kutani a rihiselela loyi a khomiwaka hi ndlela yo biha hi ku dlaya Muegipta.+ 25  A a ehleketa leswaku vamakwavo a va ta swi twisisa leswaku Xikwembu a xi va ponisa hi voko rakwe,+ kambe a va swi twisisanga. 26  Kutani hi siku leri tlhandlamaka a humelela eka vona va ri karhi va lwa, hiloko a ringeta ku va hlanganisa hi ku rhula,+ a ku, ‘Vavanuna, mi vamakwenu. Ha yini mi khomana hi ndlela yo homboloka?’+ 27  Kambe loyi a a khoma warikwavo hi ndlela yo homboloka a n’wi bakanyela ekule, a ku, ‘I mani la ku vekeke leswaku u va mufumi ni muavanyisi wa hina?+ 28  U lava ku ndzi dlaya hi mukhuva lowu u dlayeke+ Muegipta ha wona tolo, a hi swona ke?’ 29  Hikwalaho ka mhaka leyi Muxe a baleka kutani a va muluveri etikweni ra Midiyani,+ laha a veke tata wa vana vambirhi va majaha.+ 30  “Kuteloko ku hetiseke malembe ya 40, emananga ya Ntshava ya Sinayi ku humelela ntsumi eka yena yi ri emalangavini lama pfurhaka ya xihlahla xa mitwa.+ 31  Loko Muxe a swi vona a hlamarisiwa+ hi xivono xexo. Kambe loko a tshinela a ta kambisisa, ku ta rito ra Yehovha, 32  ‘Hi mina Xikwembu xa vatata wa wena, Xikwembu xa Abrahama ni xa Isaka ni xa Yakobe.’+ Hi ku khomiwa hi ku rhurhumela, Muxe a nga xinyatanga a ya emahlweni a kambisisa. 33  Yehovha a ku eka yena, ‘Hluvula maphaxani emilengeni ya wena, hikuva ndhawu leyi u yimeke eka yona i misava yo kwetsima.+ 34  Kunene ndzi ku vonile ku khomiwa hi ndlela leyi hoxeke ka vanhu va mina lava va nga aEgipta,+ naswona ndzi twe ku konya+ ka vona, kutani ndzi tele ku ta va kutsula.+ Tana, ndzi ta ku rhuma aEgipta.’+ 35  Muxe loyi, loyi va n’wi landzuleke, va ku, ‘I mani la ku vekeke leswaku u va mufumi ni muavanyisi?’+ Xikwembu xi rhume+ yena wanuna loyi leswaku a va mufumi ni mukutsuri hi voko ra ntsumi leyi humeleleke eka yena exihlahleni xa mitwa. 36  Wanuna loyi a va humesa+ endzhaku ko endla swihlamariso ni masingita aEgipta+ ni le Lwandle ro Tshwuka+ ni le mananga ku ringana malembe ya 40.+ 37  “Loyi i Muxe la byeleke vana va Israyele a ku, ‘Xikwembu xi ta mi yimisela muprofeta wo fana+ na mina exikarhi ka vamakwenu.’ 38  Hi yena+ loyi a veke exikarhi ka vandlha+ emananga a ri ni ntsumi+ leyi vulavuleke na yena eNtshaveni ya Sinayi swin’we ni vatata wa hina, naswona u amukele marito lama hlawulekisiweke+ lama hanyaka leswaku a mi nyika wona. 39  Vatata wa hina va ale ku n’wi yingisa, kambe va n’wi bakanyele etlhelo+ naswona etimbilwini ta vona va vuyele aEgipta,+ 40  va ku eka Aroni, ‘Hi endlele swikwembu leswi nga ta hi rhangela. Hikuva Muxe loyi, la hi rhangeleke hi huma etikweni ra Egipta, a hi swi tivi leswaku ku endleke yini hi yena.’+ 41  Hiloko va endla rhole emasikwini+ wolawo kutani va yisa xitlhavelo exifanisweni xa hava, va tiphina hi mintirho ya mavoko ya vona.+ 42  Kutani Xikwembu xi hundzuluka xi va nyiketa+ leswaku va endlela vuthu ra le tilweni ntirho wo kwetsima, hilaha ku tsariweke hakona ebukwini ya vaprofeta,+ ‘Magandzelo ni switlhavelo a mi swi nyikelanga eka mina emananga ku ringana malembe ya 40, a hi swona ke, N’wina va yindlu ya Israyele?+ 43  Kambe mi rhwale ntsonga wa Moloko+ ni nyeleti+ ya xikwembu Rhofani, swifaniso leswi mi swi endleke leswaku mi swi gandzela. Hikwalaho ndzi ta mi teka ndzi mi yisa+ halahaya ka Babilona.’ 44  “Vatata wa hina a va ri ni ntsonga wa vumbhoni emananga, hilaha xi leriseke hakona loko xi vulavula na Muxe leswaku a wu endla hi ku ya hi ntila lowu a wu voneke.+ 45  Naswona vatata wa hina lava va wu kumeke va tlhele va wu nghenisa va ri na Yoxuwa+ etikweni leri a ri ri ra matiko,+ lawa Xikwembu xi ma hlongoleke emahlweni ka vatata+ wa hina. Wu tshame kona ku fikela emasikwini ya Davhida. 46  U tsakeriwe+ hi Xikwembu ni ku kombela lunghelo ro lunghiselela vutshamo+ bya Xikwembu xa Yakobe. 47  Hambiswiritano, Solomoni u xi akele yindlu.+ 48  Nilokoswiritano, La nge Henhla-henhla a nga tshami etindlwini leti endliweke hi mavoko;+ hilaha muprofeta a vulaka hakona, 49  ‘Tilo i xiluvelo+ xa mina, kasi misava i vunavelo+ bya mina. Xana mi ta ndzi akela yindlu ya muxaka muni? ku vula Yehovha. Kumbe, xana hi yihi ndhawu leyi ndzi nga wiselaka eka yona?+ 50  Voko ra mina ri endle swilo leswi hinkwaswo, a hi swona ke?’+ 51  “Vanhu vo sihalala, lava nga yimbangiki etimbilwini+ ni le tindleveni, nkarhi hinkwawo mi lwisana ni moya lowo kwetsima; mi endla hilaha vatata wa n’wina va endleke hakona.+ 52  Hi wihi eka vaprofeta loyi vatata wa n’wina va nga n’wi xanisangiki?+ Ina, va dlaye+ lava endleke xitiviso ka ha ri emahlweni malunghana ni ku ta ka Loyi a lulameke,+ loyi sweswi mi hundzukeke+ vaxengi vakwe ni lava n’wi dlayaka hi vomu, 53  n’wina lava amukeleke Nawu lowu hundzisiweke hi tintsumi+ kambe mi nga wu hlayisangiki.” 54  Kutani, loko va twa swilo leswi va tlhaveka etimbilwini+ ta vona va sungula ku n’wi getserisela+ meno. 55  Kambe leswi yena a a tele moya lowo kwetsima, a languta etilweni kutani a vona ku vangama ka Xikwembu na Yesu a yime evokweni ra xinene+ ra Xikwembu, 56  hiloko a ku: “Maswivo! Ndzi vona matilo ma pfulekile+ ni N’wana wa munhu+ a yime evokweni ra xinene+ ra Xikwembu.” 57  Hikwalaho va huwelela hi marito lama tlakukeke, va tipfala tindleve+ hi mavoko va tsutsumela eka yena hi mianakanyo yin’we. 58  Endzhaku ka ku n’wi cukumeta ehandle ka muti,+ va sungula ku n’wi hoxetela hi maribye.+ Hiloko timbhoni+ ti veka tinguvu ta tona ta le handle emilengeni ya jaha leri vuriwaka Sawulo.+ 59  Kutani va ya emahlweni va hoxetela Stefano hi maribye, yena a kombela a ku: “Hosi Yesu, amukela moya wa mina.”+ 60  Kutani, a nkhinsama hi matsolo, a huwelela hi rito ra matimba a ku: “Yehovha, u nga va voni nandzu hi xidyoho lexi.”+ Kuteloko a vule sweswo, a etlela eku feni.

Tinhlamuselo ta le hansi