Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Mintirho 24:1-27

24  Hi siku ra vuntlhanu muprista lonkulu Ananiya+ a ta ni vakulukumba van’wana ni xivulavuri xa le rivaleni, loyi a va ku i Tertulo, kutani va nyika ndhuna-nkulu+ rungula+ ehenhleni ka Pawulo.  Loko a vitaniwile, Tertulo a sungula ku n’wi hehla, a ku: “Hi ku vona leswaku hi kuma ku rhula+ lokukulu ha wena ni leswaku ku ni ku hundzuka etikweni leri hi ku ehleketa ka wena ka ha ri emahlweni,  minkarhi hinkwayo ni le tindhawini hinkwato ha swi amukela, Muchaviseki+ Felikisi, hi ku nkhensa lokukulu ngopfu.  Kambe leswaku ndzi nga ha ku siveli, ndza ku kombela leswaku u hi yingisa hi ku komisa hi musa wa wena.  Hikuva hi kume wanuna loyi a ri ntungu+ naswona a vanga ku pfukeriwa+ ka mfumo exikarhi ka Vayuda hinkwavo emisaveni hinkwayo leyi akiweke naswona i murhangeri wa mpambukwa wa Vanazareta,+  loyi a tlheleke a ringeta ku thyakisa tempele,+ loyi hi n’wi khomeke.  ——  Swilo leswi hinkwaswo leswi hi n’wi hehlaka ha swona u nga swi kumisisa eka yena hi ku konanisa.”  Hiloko Vayuda na vona va nghenelela eku hlaseleni, va sindzisa leswaku swilo leswi swi tano. 10  Kutani Pawulo, loko ndhuna-nkulu yi n’wi koweta leswaku a vulavula, a hlamula a ku: “Leswi ndzi swi tivaka kahle leswaku u ve muavanyisi wa tiko leri malembe yo tala, ndzi vulavula ndzi tihlamulela+ hi ku tiyimisela eka leswi khumbaka mina, 11  tanihi leswi u nga exiyin’weni xo kumisisa leswaku a swi tluli masiku ya 12 ku sukela loko ndzi tlhandluke ndzi ya gandzela+ eYerusalema; 12  naswona a va ndzi kumanga etempeleni+ ndzi phikizana ni munhu kumbe ku vanga ntshungu wa vapfukeri+ leswaku wu tsutsuma swin’we, emasinagogeni kumbe emutini hinkwawo. 13  Naswona a va nge ku tiyisekisi+ hi swilo leswi va ndzi hehlaka ha swona sweswi. 14  Kambe ndza swi pfumela leswi eka wena, leswaku, hi ku ya hi ndlela leyi va vitanaka ‘mpambukwa’ ha yona, hi mukhuva wolowo ndzi endlela Xikwembu xa vatata+ wa mina ntirho wo kwetsima, hileswi ndzi kholwaka swilo hinkwaswo leswi andlariweke eNawini+ ni leswi tsariweke eka Vaprofeta; 15  naswona ndzi ni ntshembo+ eka Xikwembu, ku nga ntshembo lowu vanhu lava na vona va nga na wona, leswaku ku ta va ni ku pfuxiwa+ ka lava lulameke+ ni ka lava nga lulamangiki.+ 16  Emhakeni leyi, hakunene, nkarhi ni nkarhi ndzi titoloveta ku va ni ripfalo+ ra ku ka ndzi nga endli lexi hoxeke eka Xikwembu ni le ka vanhu. 17  Kutani endzhaku ka malembe yo hlaya swinene ndzi fikile ndzi tisa tinyiko ta tintswalo etikweni ra ka hina, ni magandzelo.+ 18  Loko ndza ha ri etimhakeni leti va ndzi kume ndzi basisiwile hi ku landza mukhuva wa kona etempeleni,+ kambe ndzi nga ri na ntshungu naswona ku nga ri na nkitsikitsi. Kambe a ku ri ni Vayuda van’wana lava humaka emugangeni wa Asiya, 19  lava faneleke ku va kona emahlweni ka wena ni ku ndzi hehla loko va ri ni xo ndzi hehla ha xona.+ 20  Kumbe, pfumelela vavanuna lava nga laha va vula xihoxo lexi va xi kumeke loko ndzi yime emahlweni ka Sanedri, 21  handle ka marito lawa ndzi ma huweleleke loko ndzi yime exikarhi ka vona, ‘Namuntlha ndzi avanyisiwa emahlweni ka n’wina+ hikwalaho ka ku pfuxiwa ka lava feke!’” 22  Hambiswiritano, Felikisi,+ hi ku tiva hilaha ku pakanisaka kahle timhaka leti yelanaka ni Ndlela leyi,+ a sungula ku honisa vavanuna lava a ku: “Loko Lisiya+ ndhuna ya nyimpi yi fika haleno, ndzi ta endla xiboho hi timhaka leti khumbaka n’wina.” 23  Kutani a lerisa ndhuna ya vuthu leswaku wanuna yoloye a hlayisiwa ni leswaku a va ni ntshunxeko wo karhi ekhotsweni, ni leswaku yi nga arisi munhu wa ka vona ku n’wi tirhela.+ 24  Endzhaku ka masikunyana Felikisi+ a fika a ri na Drusila nsati wakwe, loyi a a ri Muyuda,+ hiloko a vitana Pawulo kutani a n’wi yingisa malunghana ni ku pfumela eka Kreste Yesu.+ 25  Kambe loko a ha vulavula malunghana ni ku lulama+ ni ku tikhoma+ ni vuavanyisi+ lebyi nga ta ta, Felikisi a tshuka kutani a hlamula a ku: “Sweswi khoma ndlela u famba, kambe loko ndzi kuma nkarhi lowunene ndzi ta tlhela ndzi ku vitana.” 26  Kambe, hi nkarhi lowu fanaka a a tshemba leswaku u ta nyikiwa mali+ hi Pawulo. Hikwalaho ka sweswo a a tshamela ku n’wi vitana a bula na yena.+ 27  Kambe, loko ku hundze malembe mambirhi, Felikisi u tlhandlamiwe hi Porkiyo Festo; naswona hikwalaho ka leswi Felikisi a a navela ku tsakeriwa+ hi Vayuda, u siye Pawulo a bohiwile.

Tinhlamuselo ta le hansi