Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Mintirho 23:1-35

23  A ri karhi a langutisise Sanedri Pawulo a ku: “Vavanuna, vamakwerhu, emahlweni ka Xikwembu ndzi tikhome hi ripfalo+ leri tengeke hi ku hetiseka ku fikela namuntlha.”  Hiloko muprista lonkulu Ananiya a lerisa lava yimeke ekusuhi na yena leswaku va n’wi ba+ nomu.  Kutani Pawulo a ku eka yena: “Xikwembu xi ta ku ba, wena khumbi leri chuchutiweke.+ Xana u tshama ehansi leswaku u ndzi avanyisa hi ku landza Nawu,+ kutani hi nkarhi lowu fanaka u tlula Nawu,+ u lerisa leswaku ndzi biwa?”  Lava yimeke ekusuhi va ku: “Xana u rhuketela muprista lonkulu wa Xikwembu?”  Kutani Pawulo a ku: “Vamakwerhu, a ndzi nga swi tivi leswaku i muprista lonkulu. Hikuva ku tsariwile, ‘U nga tshuki u vulavula swo biha hi mufumi wa vanhu va ka n’wina.’”+  Kuteloko Pawulo a lemuka leswaku ntlawa wun’wana a wu ri wa Vasaduki+ kambe lowun’wana a wu ri wa Vafarisi, a huwelela a ri eSanedri a ku: “Vavanuna, vamakwerhu, ndzi Mufarisi,+ n’wana wa Vafarisi. Ndzi avanyisiwa+ hikwalaho ka ntshembo wa ku pfuxiwa+ ka lava feke.”  Hikwalaho ka leswi a vuleke sweswo, ku pfuka mholovo+ exikarhi ka Vafarisi ni Vasaduki, kutani vunyingi byi avana.  Hikuva Vasaduki+ va vula leswaku ku hava ku pfuka+ ka lava feke hambi ku ri ntsumi ni moya, kambe Vafarisi va swi vula hinkwaswo erivaleni.  Hiloko ku tlhekeka huwa+ leyikulu, kutani vatsari van’wana va ntlawa wa Vafarisi va tlakuka, va sungula ku kaneta hi vukarhi, va ku: “A hi kumi nchumu lexi hoxeke eka munhu loyi;+ kambe loko moya kumbe ntsumi yi vulavule na yena,+ —.” 10  Kuteloko mholovo yi va yikulu, ndhuna ya nyimpi yi chava leswaku va nga phatlulela Pawulo, kutani yi lerisa vuthu ra masocha+ leswaku ri rhelela ri ya n’wi wutla exikarhi ka vona ri n’wi yisa egoveleni+ ra masocha. 11  Kambe hi vusiku lebyi landzelaka Hosi yi yima ekusuhi na yena+ yi ku: “Vana ni xivindzi+ lexi tiyeke! Hikuva leswi a wu nyikela vumbhoni+ bya rixaladza hi swilo leswi khumbaka mina eYerusalema, u fanele ku nyikela vumbhoni ni le Rhoma.”+ 12  Kuteloko ri xile, Vayuda va sungula xikhiri+ kutani va tiboha hi xihlambanyo,+ va vula leswaku a va nge dyi ni ku nwa va nga si dlaya Pawulo.+ 13  A ku ri ni vavanuna vo tlula 40 lava sunguleke xikhiri lexi tiyisiweke hi xihlambanyo; 14  kutani va ya eka vaprista lavakulu+ ni vakulukumba va ku: “Hi tibohe hi xihlambanyo leswaku a hi nge dyi nchumu hi nga si dlaya Pawulo. 15  Hikokwalaho, n’wina swin’we ni Sanedri byelani ndhuna ya nyimpi mhaka leyi ha yona yi faneleke ku n’wi tisa eka n’wina, onge hiloko mi kunguhata ku kumisisa kahle timhaka leti n’wi khumbaka.+ Kambe a nga si fika ekusuhi hi ta va hi lunghekele ku n’wi dlaya.”+ 16  Hambiswiritano, n’wana wa makwavo wa Pawulo wa xisati a twa leswaku va n’wi tumbelerile,+ kutani a ta a nghena egoveleni ra masocha a vikela Pawulo. 17  Hiloko Pawulo a vitana un’wana wa tindhuna ta vuthu a ku: “Yisa jaha leri endhuneni ya nyimpi, hikuva ri ni swo karhi swo yi vikela swona.” 18  Hikokwalaho wanuna loyi a n’wi teka a n’wi yisa endhuneni ya nyimpi a ku: “Mukhotsiwa Pawulo u ndzi vitanile kutani a kombela leswaku ndzi tisa jaha leri eka wena, hikuva ri ni swo karhi swo ku byela swona.” 19  Ndhuna ya nyimpi+ yi khoma jaha leri hi voko, yi suka kutani yi sungula ku ri vutisisa exihundleni yi ku: “Xana i yini leswi u lavaka ku ndzi vikela swona?” 20  Ri ku: “Vayuda va pfumelelane ku ku kombela leswaku u tisa Pawulo eSanedri mundzuku onge hiloko va kunguhata ku tiva swin’wana leswi pakanisaka swinene ha yena.+ 21  Ku tlula hinkwaswo, u nga pfumeli va ku kucetela, hikuva vavanuna va vona vo tlula 40 va n’wi tumbelerile,+ naswona va tibohe hi xihlambanyo ku ka va nga dyi ni ku nwa loko va nga si n’wi dlaya;+ kutani sweswi va lunghekile, va rindzele ku twa xitshembiso lexi humaka eka wena.” 22  Hikokwalaho ndhuna ya nyimpi yi tshika jaha ri famba endzhaku ka ku ri lerisa yi ku: “U nga byeli munhu leswaku u paluxe swilo leswi eka mina.” 23  Hiloko yi vitana van’wana vambirhi va tindhuna ta vuthu yi ku: “Lunghisani masocha ya 200 leswaku ma gwirima ma ya eKhezariya, ni vagadi va tihanci va 70 ni lava hlomeke hi fumu va 200, hi awara ya vunharhu ya vusiku. 24  Nakambe, lunghiselelani swifuwo swa ndzhwalo leswaku va khandziyisa Pawulo, va n’wi yisa a hlayisekile eka ndhuna-nkulu Felikisi.” 25  Kutani yi tsala papila ri yimise xileswi: 26  “Klawudiyo Lisiya, muchaviseki, Ndhuna-nkulu Felikisi:+ Xewani! 27  Wanuna loyi u khomiwe hi Vayuda naswona a va lava ku n’wi dlaya, kambe hi xitshuketa ndzi te ni vuthu ra masocha kutani ndzi n’wi ponisa,+ hikuva ndzi twe leswaku i Murhoma.+ 28  Naswona hi ku navela ku kumisisa xivangelo xa ku n’wi hehla ka vona, ndzi n’wi yise eSanedri+ ya vona. 29  Ndzi kume leswaku u hehliwa hi timhaka ta Nawu+ wa vona, kambe a nga hehliwi hi nchumu ni wun’we lowu lulameriwaka hi rifu kumbe timpecana.+ 30  Kambe hikwalaho ka leswi rhengu+ leri nga ta endliwa eka munhu loyi ri paluxiweke eka mina, xikan’we-kan’we ndzi n’wi rhumela eka wena, ni ku lerisa vahehli leswaku va n’wi hehla emahlweni ka wena.”+ 31  Hikokwalaho masocha+ lawa ma teka Pawulo hi ku ya hi swileriso swa wona kutani ma n’wi yisa eka Antipateri nivusiku. 32  Hi siku leri tlhandlamaka va pfumelela vagadi va tihanci leswaku va famba na yena, kutani va vuyela egoveleni ra masocha. 33  Vagadi va tihanci va nghena eKhezariya+ kutani va nyika ndhuna-nkulu papila va tlhela va nyiketa Pawulo eka yena. 34  Hiloko a ri hlaya kutani a vutisa leswaku a a huma eka xifundzha xihi, a kuma+ leswaku a a huma eKilikiya.+ 35  A ku: “Ndzi ta ku yingisa hi rixaladza, loko ku fika ni vahehli va wena.”+ Kutani a lerisa leswaku a rindziwa exigodlweni xa mufumi-nkulu Heroda.

Tinhlamuselo ta le hansi