Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Mintirho 20:1-38

20  Kuteloko hasahasa yi hungutekile, Pawulo a vi-tana vadyondzisiwa, loko a va khutazile ni ku va lela,+ a huma a ya eMakedoniya.+  Endzhaku ko tsemakanya swiphemu sweswo ni ku khutaza lava a va ri kwalaho hi marito+ yo tala, u fike eGrikiya.  Kuteloko a hete tin’hweti tinharhu kona, hikwalaho ka leswi Vayuda va n’wi endleleke rhengu+ tanihi leswi a a ri kusuhi ni ku tlutela eSiriya, u endle xiboho xa ku vuya hi le Makedoniya.  A a fambisana na Sopatere+ n’wana wa Piro wa le Beriya, Aristako+ na Sekundo wa Vatesalonika, na Gayo wa le Derbe, na Timotiya,+ na Tixiko+ na Trofimo+ lava humaka emugangeni wa Asiya.  Vona va ya emahlweni kutani va hi rindzela eTrowasi;+  kambe hi teke riendzo ra xikepe ku suka eFilipiya endzhaku ka masiku ya swinkwa leswo-ke-comela,+ kutani hi fika eka vona eTrowasi+ ku nga si hela masiku ya ntlhanu; kona hi hete masiku ya nkombo.  Hi siku+ ro sungula ra vhiki, loko hi hlengeletanele ku dya swakudya, Pawulo a sungula ku vulavula na vona, tanihi leswi a a ta famba esikwini leri tlhandlamaka; kutani a ndlandlamuxa ku vulavula kakwe ku fikela exikarhi ka vusiku.  Kutani a ku ri ni timboni to hlayanyana ekamareni ra le henhla+ laha a hi hlengeletane kona.  Ri tshame efasitereni, jaha rin’wana leri vuriwaka Yutiko ri khomiwa hi vurhongo lebyikulu loko Pawulo a ha vulavula, kuteloko ri khudzehela, ri wela ehansi ku suka eka xithezi xa vunharhu kutani ri tlakuriwa ri file. 10  Kambe Pawulo a ya exithezini xa le hansi, a tilahlela ehenhla ka rona+ kutani a ri khumbarheta a ku: “Tshikani ku ba huwa, hikuva moya-xiviri wa rona wu le ka rona.”+ 11  Hiloko a tlhandlukela exithezini xa le henhla kutani a teka swakudya a dya, naswona endzhaku ko bula nkarhi wo lehanyana, ku fikela vurhonga byi tsuvuka, eku heteleleni a suka. 12  Kutani va teka mufana a hanya naswona a va chaveleriwe ku tlula mpimo. 13  Hiloko hi ya exikepeni hi tlutela eAso, laha a hi tiyimisele ku ya khandziyisa Pawulo kona, hikuva endzhaku ko nyika swiletelo emhakeni leyi, yena a a tiyimisele ku famba hi milenge. 14  Kuteloko a hi kuma eAso, hi n’wi khandziyisa hi ya eMitilena; 15  kutani, loko hi tluta ku suka kona esikwini leri tlhandlamaka, hi fike etlhelo ka Kiyo, kambe hi siku leri tlhandlamaka hi fike eSamosi, naswona hi siku leri landzelaka hi fike eMileta. 16  Hikuva Pawulo a a bohe ku tluta a hundza aEfesa,+ leswaku a nga heti nkarhi emugangeni wa Asiya; hikuva a a hatlisela ku fika eYerusalema+ hi siku ra nkhuvo wa Pentekosta loko a ta swi kota. 17  Hambiswiritano, ku suka eMileta u rhumele rito aEfesa a vitana vakulukumba+ va vandlha. 18  Loko va fika eka yena u va byele a ku: “Mi yi tiva kahle ndlela leyi ku sukela esikwini ro sungula leri ndzi ngheneke ha rona emugangeni wa Asiya+ ndzi veke na n’wina ha yona nkarhi+ hinkwawo, 19  ndzi ri hlonga+ ra Hosi hi mianakanyo yo titsongahata+ swinene ni mihloti ni miringo leyi yi ndzi humeleleke hi marhengu+ ya Vayuda; 20  kasi a ndzi tshikanga ku mi byela swilo leswi pfunaka ni ku mi dyondzisa+ erivaleni ni hi yindlu+ ni yindlu. 21  Kambe ndzi nyikele vumbhoni+ hi rixaladza eka Vayuda swin’we ni Magriki malunghana ni ku hundzukela+ eka Xikwembu ni ku pfumela eka Hosi ya hina Yesu. 22  Kutani maswivo, ndzi bohiwe hi moya,+ ndzi ya eYerusalema, hambileswi ndzi nga swi tiviki swilo leswi nga ta ndzi endlekela kwale, 23  handle ka leswaku hi muti ni muti moya lowo kwetsima+ wu nyikela vumbhoni eka mina hi ku phindha-phindha wu vula leswaku timpecana ni mahlomulo swi ndzi rindzerile.+ 24  Nilokoswiritano, moya-xiviri wa mina a ndzi wu teki wu ri wa nkoka eka mina,+ onge hi loko wu ri lowu rhandzekaka eka mina, loko ntsena ndzo heta pfhumba+ ni vutirheli+ lebyi ndzi byi amukeleke+ bya Hosi Yesu, bya ku nyikela vumbhoni bya rixaladza hi mahungu lamanene ya musa lowu nga faneriwiki wa Xikwembu.+ 25  Kutani maswivo, ndza swi tiva leswaku hinkwenu lava ndzi fambeke ndzi chumayela mfumo exikarhi ka n’wina a mi nge he xi voni xikandza xa mina. 26  Hikwalaho ndza mi rhamba leswaku mi tivonela esikwini leri leswaku ndzi basile engatini+ ya vanhu hinkwavo, 27  hikuva a ndzi tshikanga ku mi byela ndzayo+ hinkwayo ya Xikwembu. 28  Nyikelani nyingiso+ eka n’wina vini+ ni le ka ntlhambi+ hinkwawo, lowu moya lowo kwetsima wu mi vekeke ku va valanguteri+ va wona, ku risa vandlha ra Xikwembu,+ leri xi ri xaveke hi ngati+ ya N’wana wa xona. 29  Ndza swi tiva leswaku loko se ndzi fambile timhisi+ leti tshikilelaka ti ta nghena exikarhi ka n’wina naswona ntlhambi a ti nge wu khomi hi rirhandzu, 30  kutani exikarhi ka n’wina ku ta humelela vavanuna va vulavula swilo leswi soholotiweke+ leswaku va tikokela+ vadyondzisiwa. 31  “Hikokwalaho hitekani, mi tsundzuka leswaku ku ringana malembe+ manharhu, vusiku ni nhlikanhi, a ndzi tshikanga ku tsundzuxa+ un’wana ni un’wana wa n’wina hi mihloti. 32  Kutani sweswi ndzi mi nyikela eka Xikwembu+ ni le ritweni ra musa wa xona lowu nga faneriwiki, ku nga rito leri nga mi akaka+ ni ku mi nyika ndzhaka exikarhi ka hinkwavo lava kwetsimisiweke.+ 33  A ndzi navelanga silivhere kumbe nsuku kumbe tinguvu+ ta munhu. 34  N’wina ma swi tiva leswaku mavoko lawa ma khathalele swilaveko swa mina+ ni swa lava nga na mina. 35  Ndzi mi kombile eka swilo hinkwaswo leswaku loko mi tirhisa+ xisweswo mi fanele ku pfuna lava tsaneke,+ naswona mi fanele ku tsundzuka marito ya Hosi Yesu, loko yena a te, ‘Ku nyika+ swi tisa ntsako lowukulu ku tlula ku amukela.’” 36  Kuteloko a vule swilo leswi, a nkhinsama+ na vona hinkwavo kutani a khongela. 37  Kunene, ku ve ni ku ri-la lokukulu swinene exikarhi ka vona hinkwavo, kutani va wela enhan’wini+ ya Pawulo va n’wi ntswontswa+ hi rirhandzu, 38  hikuva a va vavisiwe ngopfu swinene hi rito leri a ri vuleke leswaku a va nga ha ta xi vona xikandza+ xa yena. Hiloko va n’wi heleketa+ exikepeni.

Tinhlamuselo ta le hansi