Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Mintirho 18:1-28

18  Endzhaku ka swilo leswi a suka eAtena a ya eKorinto.  Kutani a kuma Muyuda un’wana la vuriwaka Akhwila,+ la velekiweke ePonto loyi a a ha ku ta hi le Italiya,+ na Prisila nsati wakwe, hikwalaho ka leswi Klawudiyo+ a a lerise Vayuda hinkwavo leswaku va suka eRhoma. Kutani a ya eka vona  naswona hikwalaho ka leswi a va endla ntirho lowu fanaka, a a tshama ekaya ra vona, va tirha, hikuva hi ntirho+ a va ri vaendli va matende.  Hambiswiritano, hi savata yin’wana ni yin’wana a a nyikela nkulumo esinagogeni+ naswona a a khorwisa Vayuda ni Magriki.  Kuteloko Silasi+ na Timotiya+ va rhelela ku suka eMakedoniya, Pawulo a khomeka ngopfu hi rito, a nyikela vumbhoni eka Vayuda ku tiyisekisa leswaku Yesu i Kreste.+  Kambe endzhaku ka loko va n’wi kanetile ni ku n’wi tseketsela,+ a dzudza tinguvu+ takwe a ku eka vona: “Ngati+ ya n’wina a yi ve ehenhla ka tinhloko ta n’wina. Mina ndzi tengile.+ Ku sukela sweswi ndzi ta ya eka vanhu va matiko.”+  Hiloko a suka kwalaho a ya nghena endlwini ya wanuna loyi a vuriwaka Titiyo Yusto, mugandzeri wa Xikwembu, loyi yindlu yakwe a yi vandzakane ni sinagoga.  Kambe Krispo+ ndhuna leyi ungamelaka sinagoga u ve mupfumeri eHosini, ni ndyangu wakwe hinkwawo wu endlise sweswo. Naswona Vakorinto vo tala lava va swi tweke va kholwa kutani va khuvuriwa.  Ku tlula kwalaho, nivusiku Hosi yi byela Pawulo+ exivonweni yi ku: “U nga chavi, kambe hambeta u vulavula u nga miyeli, 10  hikuva ndzi na wena+ naswona a nga kona munhu loyi a nga ta ku hlasela a ku endla swo biha; hikuva ndzi ni vanhu vo tala emutini lowu.” 11  Hiloko a tshama kona lembe ni tin’hweti ta tsevu, a dyondzisa rito ra Xikwembu exikarhi ka vona. 12  Loko Galiyo a ri hosana+ ya Akaya, Vayuda va pfukela Pawulo hi mianakanyo yin’we va n’wi yisa exitshan’weni xa vuavanyisi,+ 13  va ku: “Hi ku lwisana ni nawu munhu loyi u yisa+ vanhu eka tidyondzo tin’wana eku gandzeleni ka Xikwembu.” 14  Kambe loko Pawulo a lava ku pfula nomu wakwe, Galiyo a byela Vayuda a ku: “Hakunene, loko a ku ri xiendlo xo karhi lexi hoxeke kumbe xa manyala xo homboloka, N’wina Vayuda, a ndzi ta va ni xivangelo xo mi lehisela mbilu. 15  Kambe loko ku ri minjhekanjhekisano ya ku vulavula ni mavito+ ni nawu+ exikarhi ka n’wina, n’wina mi fanele ku swi vona. A ndzi naveli ku va muavanyisi wa swilo leswi.” 16  Hiloko a va hlongola exitshan’weni xa vuavanyisi. 17  Kutani hinkwavo va khoma Sostena+ ndhuna leyi ungamelaka sinagoga, va n’wi ba a ri emahlweni ka xitshamo xa vuavanyisi. Kambe Galiyo a a nga ri na mhaka ni swilo leswi. 18  Hambiswiritano, endzhaku ko tshama masiku yo hlayanyana, Pawulo a lela vamakwavo kutani a tlutela eSiriya, naswona a a ri na Prisila na Akhwila, misisi ya nhloko yakwe a yi tsemetiwe yi va yitsongo+ eKenikreya,+ hikuva a a ri ni xitshembiso lexi hlambanyiweke. 19  Hiloko va fika aEfesa, kutani a va siya kona; kambe yena a nghena esinagogeni+ a kanerisana ni Vayuda. 20  Hambileswi a va tshamela ku n’wi kombela leswaku a tshama nkarhi wo lehanyana, a nga pfumelanga 21  kambe a va lela+ kutani a ku eka vona: “Ndzi ta tlhela ndzi vuya eka n’wina, loko Yehovha a swi rhandza.”+ Hiloko a teka riendzo ra xikepe ku suka aEfesa 22  kutani a rhelela a ya eKhezariya. Kavaloko a tlhandluka a ya pfuxela vandlha, kutani a ya eAntiyoka. 23  Kuteloko a xwe nkarhinyana kona a suka endhawini yin’wana a ya eka yin’wana etikweni ra Galatiya+ na Frigiya,+ a tiyisa+ vadyondzisiwa hinkwavo. 24  Kutani Muyuda un’wana la vuriwaka Apolosi,+ la velekiweke eAleksandriya, wanuna wa matimba eku vulavuleni, a fika aEfesa; naswona Matsalwa+ a a ma tiva kahle. 25  Munhu loyi a a leteriwe hi nomu hi ndlela ya Yehovha, naswona leswi a a pfurha hi moya,+ a a vulavula ni ku dyondzisa hilaha swi nga hakona swilo leswi khumbaka Yesu, kambe a a tolovelane ni nkhuvulo+ wa Yohane ntsena. 26  Munhu loyi a sungula ku vulavula hi vurhena esinagogeni. Loko Prisila na Akhwila+ va n’wi twa, va famba na yena kutani va n’wi hlamusela ndlela ya Xikwembu hilaha ku lulameke. 27  Ku tlula kwalaho, hikwalaho ka leswi a a navela ku tsemakanya a ya eAkaya, vamakwavo va tsalela vadyondzisiwa, va va khongotela leswaku va n’wi amukela hi musa. Loko a fika kona, u va pfune+ ngopfu lava kholweke hikwalaho ka musa lowu nga faneriwiki+ [wa Xikwembu]; 28  hikuva hi matimba u kombise khwatsi erivaleni leswaku Vayuda va hoxisile, a tlhela a kombisa hi Matsalwa+ leswaku Yesu a a ri Kreste.+

Tinhlamuselo ta le hansi