Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Mintirho 15:1-41

15  Hiloko vavanuna van’wana va rhelela ku suka eYudiya+ kutani va dyondzisa vamakwavo: “Loko mi nga yimbisiwi+ hi ku ya hi ntolovelo wa Muxe,+ a mi nge ponisiwi.”  Kambe loko Pawulo na Barnaba va ve ni mholovo leyikulu ngopfu ni ku kanetana na vona, va hlele leswaku Pawulo na Barnaba ni van’wana va vona va ya eka vaapostola ni vakulukumba eYerusalema+ malunghana ni ku kanetana loku.  Hikwalaho, endzhaku ko heleketiwanyana hi vandlha,+ vavanuna lava va ye emahlweni ni ndlela ya vona va hundza eFenikiya ni le Samariya, va rungula hi vuxokoxoko ku hundzuka ka vanhu va matiko,+ va endla leswaku vamakwavo+ hinkwavo va tsaka swinene.  Loko va fika eYerusalema va amukeriwe hi musa+ hi vandlha ni vaapostola ni vakulukumba, naswona va rungule swilo swo tala leswi Xikwembu xi swi endleke ha vona.+  Kambe, van’wana va mpambukwa wa Vafarisi lava kholweke va suka va yima eswitshan’weni swa vona va ku: “Swa fanela ku va yimbisa+ ni ku va lerisa leswaku va hlayisa nawu wa Muxe.”+  Naswona vaapostola ni vakulukumba va hlengeletana ku ta vona mhaka leyi.+  Kuteloko ku ve ni ku kanetana lokukulu,+ Petro a tlakuka a ku eka vona: “Vavanuna, vamakwerhu, mi swi tiva kahle leswaku ku sukela emasikwini ya khale Xikwembu xi ndzi hlawurile exikarhi ka n’wina leswaku hi nomu wa mina vanhu va matiko va twa rito ra mahungu lamanene kutani va kholwa;+  naswona Xikwembu, lexi tivaka mbilu,+ xi nyikele vumbhoni hi ku va nyika moya lowo kwetsima,+ hilaha xi endleke hakona ni le ka hina.  Naswona a xi kombisanga ku hambana nikatsongo exikarhi ka hina na vona,+ kambe xi tengise timbilu ta vona hi ripfumelo.+ 10  Hikokwalaho, ha yini mi ringa Xikwembu hi ku tlhandleka joko+ leri etinhan’wini ta vadyondzisiwa, leri hambi ku ri vatata wa hina kumbe hina hi nga swi kotangiki ku ri byarha?+ 11  Ku hambana ni sweswo, hi tshemba leswaku hi ta ponisiwa hi musa+ lowu nga faneriwiki wa Hosi Yesu hi ndlela leyi fanaka ni ya vanhu volavo.”+ 12  Hiloko vunyingi hinkwabyo byi miyela, kutani va yingisa Barnaba na Pawulo va va rungulela masingita ni swihlamariso swo tala leswi Xikwembu xi swi endleke ha vona exikarhi ka matiko.+ 13  Kuteloko va hete ku vulavula, Yakobo a hlamula, a ku: “Vavanuna, vamakwerhu, ndzi yingiseni.+ 14  Samiyoni+ u rungule hi rixaladza ndlela leyi Xikwembu xi hundzuluxeleke ha yona nyingiso wa xona ro sungula ematikweni leswaku xi humesa eka wona vanhu va vito ra xona.+ 15  Naswona marito ya Vaprofeta ma pfumelelana na swona leswi, hilaha ku tsariweke hakona, 16  ‘Endzhaku ka swilo leswi ndzi ta vuya kutani ndzi pfuxa ntsonga wa Davhida lowu weleke ehansi; naswona ndzi ta pfuxa marhumbi ya wona, ndzi tlhela ndzi wu yimisa,+ 17  leswaku vanhu lava seleke va ta lava Yehovha hi mbilu hinkwayo, swin’we ni vanhu va matiko hinkwawo, vanhu lava vitaniwaka hi vito ra mina, ku vula Yehovha, la endlaka swilo leswi,+ 18  leswi tiviwaka ku sukela khale.’+ 19  Hikwalaho xiboho xa mina hileswaku hi nga karhati vanhu va matiko lava hundzukelaka eka Xikwembu,+ 20  kambe hi va tsalela leswaku va papalata swilo leswi nyamisiweke hi swifaniso+ swa hava ni vumbhisa+ ni leswi dlayiweke hi ku tlimbiwa nkolo,+ ni ngati.+ 21  Hikuva ku sukela eminkarhini ya khale Muxe a a ri ni lava a va chumayela ha yena eka muti wun’wana ni wun’wana, hikuva u hlayeriwa ehenhla emasinagogeni hi savata yin’wana ni yin’wana.”+ 22  Kutani vaapostola ni vakulukumba swin’we ni vandlha hinkwaro va tsakele ku rhuma vavanuna lava hlawuriweke exikarhi ka vona va ya eAntiyoka swin’we na Pawulo na Barnaba, ku nga Yudasi loyi a a vuriwa Barsaba+ na Silasi, vavanuna lava rhangelaka exikarhi ka vamakwavo; 23  kutani hi voko ra vona va tsale va ku: “Vaapostola ni vakulukumba, vamakwerhu, eka vamakwerhu lava nga eAntiyoka+ ni le Siriya ni le Kilikiya+ lava humaka exikarhi ka matiko: Xewani! 24  Tanihi leswi hi tweke leswaku van’wana exikarhi ka hina va mi karhatile hi ku vulavula,+ va ringeta ku onha mimoya-xiviri ya n’wina, hambileswi hi nga va nyikangiki swiletelo,+ 25  hi fikelele mianakanyo yin’we+ naswona hi tsakele ku hlawula vavanuna hi va rhuma eka n’wina swin’we ni varhandziwa va hina, Barnaba na Pawulo,+ 26  vavanuna lava nyiketeke mimoya-xiviri ya vona hikwalaho ka vito ra Hosi ya hina Yesu Kreste.+ 27  Hikokwalaho hi rhuma Yudasi na Silasi,+ leswaku na vona va vika swilo leswi fanaka hi rito.+ 28  Hikuva moya lowo kwetsima+ swin’we na hina hi tsakele ku ka hi nga mi engeteleli ndzhwalo+ wun’wana, handle ka swilo leswi, leswi fanelaka, 29  ku papalata swilo leswi nyikeriwaka swifaniso swa hava+ ni ngati+ ni swilo leswi dlayiweke hi ku tlimbiwa nkolo+ ni vumbhisa.+ Loko mi tihlayisa hi vukheta eka swilo leswi,+ mi ta fuwa. Vanani ni rihanyo lerinene!” 30  Hikwalaho, loko vavanuna lava va tshikiwa va famba, va rhelele eAntiyoka, kutani va hlengeleta vunyingi va byi nyika papila.+ 31  Loko va ri hlayile, va tsakele xikhutazo xa kona.+ 32  Naswona Yudasi na Silasi, leswi na vona a va ri vaprofeta,+ va khutaze vamakwavo hi tinkulumo to tala va tlhela va va tiyisa.+ 33  Kuteloko va xwe nkarhi wo karhi, vamakwavo va va tshika va famba hi ku rhula+ va ya eka lava va va rhumeke. 34  — 35  Hambiswiritano, Pawulo na Barnaba va heta nkarhi eAntiyoka+ va ri karhi va dyondzisa, naswona va vula mahungu lamanene ya rito ra Yehovha+ swin’we ni van’wana vo tala. 36  Kutani endzhaku ka masikunyana Pawulo a byela Barnaba a ku: “Ku tlula swilo hinkwaswo, a hi tlhelele hi endzela vamakwerhu emutini wun’wana ni wun’wana lowu hi twariseke eka wona rito ra Yehovha hi vona leswaku va njhani.”+ 37  Loko ku ri Barnaba a a tiyimisele ku tlhela a famba na Yohane, loyi a a vuriwa Marka.+ 38  Kambe Pawulo u vone swi nga fanelanga leswaku a famba na vona, hikuva u suke a va siya ePamfiliya,+ a nga fambanga na vona entirhweni. 39  Hikwalaho ku pfuke mholovo yo chavisa, lerova va hambana; kutani Barnaba+ a teka Marka va tlutela eKipra.+ 40  Pawulo u lange Silasi+ kutani va famba endzhaku ka loko vamakwavo va n’wi nyikete eka musa lowu nga faneriwiki wa Yehovha.+ 41  Kambe u hundze hi le Siriya ni le Kilikiya, a tiyisa mavandlha.+

Tinhlamuselo ta le hansi