Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Mintirho 1:1-26

1  Mhaka yo sungula, Wena Teyofilo,+ ndzi yi tsale malunghana ni swilo hinkwaswo leswi Yesu a sunguleke ku swi endla ni ku dyondzisa+ ha swona,  ku fikela esikwini leri a tlhandlukisiweke+ ha rona, endzhaku ka loko a humese xileriso hi moya lowo kwetsima a xi nyika vaapostola lava a va hlawuleke.+  Ni le ka vona u tikombise hi switiyisekiso swo tala swa matimba a ri la hanyaka endzhaku ka loko a xanisekile,+ va ri karhi va n’wi vona masiku ya 40 naswona a vula swilo leswi khumbaka mfumo wa Xikwembu.+  Loko a hlangane na vona u va lerisile a ku: “Mi nga suki eYerusalema,+ kambe tshamani mi rindzele leswi Tatana a swi tshembiseke,+ leswi mi swi tweke eka mina;  hikuva Yohane, hakunene, u khuvule hi mati, kambe n’wina mi ta khuvuriwa hi moya lowo kwetsima+ emasikwini ma nga ri mangani ku sukela sweswi.”  Kuteloko va hlengeletanile, va n’wi vutisa va ku: “Hosi, xana u vuyetela mfumo+ eIsrayele hi nkarhi lowu?”  A ku eka vona: “A hi swa n’wina ku tiva minkarhi kumbe tinguva+ leswi Tatana a swi vekeke hi vulawuri+ byakwe;  kambe mi ta amukela matimba+ loko moya lowo kwetsima wu fika ehenhla ka n’wina, naswona mi ta va timbhoni+ ta mina eYerusalema+ swin’we ni le tikweni hinkwaro ra Yudiya ni le Samariya+ ni ku ya fika endhawini ya le kule swinene ya misava.”+  Endzhaku ko vula swilo leswi, va ri karhi va langutile, a tlakuseriwa+ ehenhla kutani papa ri n’wi tela ri n’wi funengeta va nga ha n’wi voni.+ 10  Loko va ha honolele exibakabakeni loko a famba,+ nakambe, waswivo, vavanuna vambirhi lava ambaleke tinguvu to basa+ a va yime etlhelo ka vona, 11  kutani va ku: “Vavanuna va Galeliya, ha yini mi yima mi languta exibakabakeni? Yesu loyi a amukeriweke le xibakabakeni ehenhla a suka eka n’wina u ta ta hi mukhuva+ lowu fanaka ni lowu mi n’wi voneke a ya ha wona exibakabakeni.” 12  Hiloko va vuyela+ eYerusalema va suka entshaveni leyi vuriwaka Ntshava ya Mitlhwari, leyi nga ekusuhi na Yerusalema, yi ri empfhukeni wa riendzo ra siku ra savata.+ 13  Kuteloko va nghenile, va tlhandlukela ekamareni+ ra le henhla, laha a va tshama kona, Petro na Yohane na Yakobo na Andriya, Filipi na Tomasi, Bartolomi na Matewu, Yakobo n’wana wa Alfiya na Simoni muhiseki, na Yudasi n’wana wa Yakobo.+ 14  Lava hinkwavo a va phikelela exikhongelweni+ hi mianakanyo yin’we, swin’we ni vavasati+ van’wana na Mariya mana wa Yesu ni vamakwavo.+ 15  Kutani emasikwini lawa Petro a suka a yima exikarhi ka vamakwavo a ku (ntshungu hinkwawo wa vanhu a wu ri kwalomu ka 120): 16  “Vavanuna, vamakwerhu, a swi fanela leswaku tsalwa ri hetiseka,+ leri moya lowo kwetsima+ wu ri vuleke ka ha ri emahlweni hi nomu wa Davhida malunghana na Yudasi,+ loyi a veke mukongomisi wa lava khomeke Yesu,+ 17  hikuva u hlayiwe+ exikarhi ka hina naswona u kume xiavelo eka vutirheli+ lebyi. 18  (Hikokwalaho, wanuna loyi u xave+ nsimu hi hakelo ya leswi nga lulamangiki,+ kutani a wa hi nhloko+ a handzuka hi le xikarhi, ku va ni huwa, marhumbu yakwe hinkwawo ma humela ehandle. 19  Nakambe swi tiviwe hi vaaki hinkwavo va Yerusalema, lerova nsimu yoleyo hi ririmi ra vona yi vuriwe Hakeldama, hileswaku, Nsimu ya Ngati.) 20  Hikuva ebukwini ya Tipisalema ku tsariwile, ‘Ndhawu leyi a tshamaka eka yona yi fanele yi va rhumbi, naswona ku nga vi na la tshamaka eka yona,’+ kutani, ‘Ntirho wakwe wa vulanguteri a wu tekiwe+ hi un’wana.’ 21  Hikokwalaho swa fanela leswaku eka vavanuna lava hlengeletaneke na hina enkarhini hinkwawo lowu Hosi Yesu a ngheneke ni ku huma exikarhi+ ka hina ha wona, 22  ku sukela eku khuvuriweni kakwe hi Yohane+ ni ku fika esikwini leri a amukeriweke ha rona a huma eka hina,+ un’wana wa vavanuna lava u fanele ku va mbhoni swin’we na hina ya ku pfuxiwa+ kakwe eku feni.” 23  Hiloko va veka vambirhi, Yosefa la vuriwaka Barsaba, loyi a thyiweke Yusto, na Matiyasi. 24  Kutani va khongela va ku: “Wena, Yehovha, la tivaka timbilu ta hinkwavo,+ kombisa leswaku i mani eka vavanuna lava vambirhi loyi u n’wi hlawuleke, 25  leswaku a teka ndhawu ya vutirheli lebyi ni vuapostola,+ lebyi Yudasi a hambukeke eka byona a ya endhawini ya yena.” 26  Hiloko va va hoxela vuhlolotwana, kutani vuhlolotwana+ byi wela eka Matiyasi; kavaloko a hlayiwa swin’we ni vaapostola va 11.+

Tinhlamuselo ta le hansi