Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Mikiya 7:1-20

7  Khombo eka mina,+ hikuva ndzi kotisa ku hlengeletiwa ka mihandzu ya ximumu, ndzi fana ni nhlengeleto wa madiriva lama khwajiweke!+ Ku hava xichocho xa madiriva lexi xi nga dyiwaka, ku hava kuwa ro rhanga, leri moya-xiviri wa mina wu nga ri navelaka!+  Lowo tshembeka u lovile emisaveni, naswona ku hava lowo tshembeka exikarhi ka vanhu.+ Hinkwavo ka vona, va rindzele ku halata ngati.+ Un’wana ni un’wana u hlota makwavo, hi rikoka.+  Mavoko ya vona ma le henhla ka leswo biha, leswaku va swi endla kahle;+ hosana yi kombela swo karhi, ni loyi a avanyisaka u swi endlela ku kuma hakelo,+ lonkulu u vulavula leswi swi naveriwaka hi moya-xiviri wakwe,+ wa yena n’wini; va wu tsondzela.  Lonene ngopfu eka vona u fana ni xigatlu, lowo tshembeka swinene eka vona u tlula rihlampfu ra mitwa.+ Siku ra varindzi va wena, ra ku nyikiwa ka wena nyingiso, ri fanele ri fika.+ Kutani va ta pfilunganyiwa.+  U nga veki ripfumelo ra wena eka nakuloni. U nga tshembi munghana wa le xihundleni.+ Eka loyi a etleleke exifuveni xa wena, rindza leswi u swi vulaka hi nomu.+  Hikuva n’wana wa jaha u n’wi langutela ehansi tata wakwe; n’wana wa nhwanyana u lwa ni mana wakwe;+ nhlomi ni n’wingi wa yona;+ valala va munhu i vandyangu wa ka vona.+  Kambe loko ku ri mina, ndzi ta tshama ndzi rindzele Yehovha.+ Ndzi ta kombisa moya wo rindza eka Xikwembu lexi xi ndzi ponisaka.+ Xikwembu xanga xi ta ndzi yingisa.+  U nga tshuki u tsaka ha mina, Wena wansati la nga nala wa mina.+ Hambileswi ndzi weke, kunene ndzi ta pfuka;+ hambiloko ndzi tshama emunyameni,+ Yehovha u ta va ku vonakala ka mina.+  Ndzi ta byarha vukarhi bya Yehovha—hikuva ndzi n’wi dyoherile+—kukondza a tenga nandzu wa mina, a ndzi avanyisa hi vululami.+ U ta ndzi humesela eku vonakaleni; ndzi ta languta ku lulama ka yena.+ 10  Kutani nala wa mina u ta languta, a funengetiwa hi tingana,+ loyi a a vula eka mina a ku: “U kwihi, Yehovha Xikwembu xa wena?”+ Mahlo ya mina ma ta n’wi languta.+ Kutani u ta va ndhawu yo kandziyeriwa, ku fana ni ndzhope wa le switarateni.+ 11  Siku ra ku aka marhangu ya wena ya maribye, esikwini rero xileriso xa nawu xi ta va ekule swinene.+ 12  Esikwini rero va ta ta eka wena va huma eAsiriya ni le mitini ya Egipta, ni ku suka aEgipta ku ya fika eNambyeni;+ ku suka elwandle ku ya fika elwandle, ni ku suka entshaveni ku ya fika entshaveni.+ 13  Tiko ri fanele ri va rhumbi hikwalaho ka vaaki va rona, hikwalaho ka mbhandzu wa mintirho ya vona.+ 14  Risa vanhu va wena hi nhonga ya wena,+ ntlhambi wa ndzhaka ya wena, loyi a a tshama a ri yexe ekhwatini—exikarhi ka ntanga wa mihandzu.+ A va dye eBaxani ni le Giliyadi+ ku fana ni le masikwini ya khale swinene.+ 15  “Ku fana ni le masikwini ya ku huma ka wena etikweni ra Egipta ndzi ta n’wi komba swilo swo hlamarisa.+ 16  Matiko ma ta vona kutani ma khomiwa hi tingana hikwalaho ka matimba ya wona.+ Ma ta tipfala nomu hi voko;+ tindleve ta wona a ti nge twi. 17  Ma ta nantswa ritshuri ku fana ni tinyoka;+ ku fana ni swikokovi swa misava ma ta huma hi ku chava emakhokholweni ya wona.+ Ma ta ta eka Yehovha Xikwembu xa hina ma ri karhi ma rhurhumela, ma ta ku chava.”+ 18  Hi xihi Xikwembu lexi fanaka na wena,+ lexi xi rivalelaka xihoxo, lexi honisaka ku tlula nawu+ ka masalela ya ndzhaka ya xona?+ Kunene a xi nge tshameli ku hlundzuka hi masiku, hikuva xi tsakela musa wa rirhandzu.+ 19  Xi ta tlhela xi hi komba tintswalo;+ swihoxo swa hina xi ta swi veka ehansi.+ Kutani swidyoho swa wona hinkwaswo u ta swi lahlela evuentweni bya lwandle.+ 20  U ta n’wi nyika ntiyiso lowu wu nyikiweke Yakobe, musa wa rirhandzu lowu wu nyikiweke Abrahama, lowu u wu hlambanyeleke vatatana ku sukela emasikwini ya khale swinene.+

Tinhlamuselo ta le hansi