Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Mikiya 6:1-16

6  Ndzi kombela mi yingisa leswi Yehovha a swi vulaka.+ Sukani mi yima, mi tenga nandzu ni tintshava, onge switsunga swi nga twa rito ra n’wina.+  N’wina tintshava, yingisani nandzu lowu vuriwaka hi Yehovha, na n’wina swilo leswi tshamaka nkarhi wo leha, n’wina masungulo ya misava;+ hikuva Yehovha u vona vanhu vakwe nandzu, u ta tengisa Israyele:+  “N’wina vanhu vanga,+ xana ndzi mi endle yini? Xana ndzi mi karharise hi ndlela yihi?+ Humesani vumbhoni lebyi byi ndzi kanetaka.+  Hikuva ndzi mi humese etikweni ra Egipta,+ naswona ndzi mi kutsurile endlwini ya mahlonga;+ emahlweni ka n’wina ndzi rhume Muxe, Aroni na Meriyamu.+  N’wina vanhu vanga,+ ndzi kombela mi tsundzuka leswi swi bohiweke hi Balaka hosi ya Mowabu,+ ni leswi Balama n’wana wa Beyori a n’wi hlamuleke swona.+ A ku ri ku suka eXitimi,+ ku ya fika eGiligala,+ hi xikongomelo xa leswaku swiendlo swo lulama swa Yehovha swi tiviwa.”+  Xana ndzi ta langutana+ na Yehovha ndzi ri na yini? Xana ndzi ta nkhinsama eka Xikwembu xa le henhla ndzi ri na yini?+ Xana ndzi fanele ndzi langutana na xona ndzi ri ni magandzelo yo hisiwa lama heleleke,+ ndzi ri ni marhole ya lembe rin’we hi vukhale?  Xana Yehovha u ta tsakisiwa hi magidi ya makhuna, hi makume ya magidi ya swinambyana swa mafurha?+ Xana ndzi fanele ndzi nyikela n’wana wa mina wa mativula hikwalaho ka swiendlo swa mina swa ku pfukela, mbhandzu wa khwiri ra mina hikwalaho ka xidyoho xa moya-xiviri wa mina?+  Wena munhu wa la misaveni, u ku byerile leswi swi nga swinene.+ Xana Yehovha u kombela leswaku u n’wi tlherisela yini, loko ku nga ri ku kombisa vululami+ ni ku rhandza musa+ ni ku titsongahata+ loko u famba ni Xikwembu xa wena?+  Rito ra Yehovha+ ra huwelela emutini, kutani munhu wa vutlhari lebyi pfunaka u ta chava vito ra wena.+ Yingisani nhonga ni loyi a yi vekeke.+ 10  Xana endlwini ya lowo homboloka xa ha ri kona xuma xa vuhomboloki,+ ni mpimo wa efa wa vuxisi lowu wu soriwaka? 11  Xana ndzi nga basa emahanyelweni loko ndzi ri ni swikalo swo homboloka ni nkwama wa mimpimo ya maribye ya vuxisi?+ 12  Hikuva vanhu va wona lava fuweke va tele madzolonga, ni vaaki va wona va vulavule mavunwa,+ ririmi ra vona ri ni mano.+ 13  “Loko ku ri mina, kunene ndzi ta ku vabyisa hi ku ku ba;+ u ta lovisiwa, hikwalaho ka swidyoho swa wena.+ 14  Loko ku ri wena, u ta dya u nga xurhi, ku pfumala ka wena ku ta va exikarhi ka wena.+ U ta susa swilo, kambe a wu nge swi rhwali swi sirhelelekile; leswi u nga ta swi rhwala swi sirhelelekile, ndzi ta swi nyiketa ebangeni.+ 15  Loko ku ri wena, u ta byala mbewu, kambe a wu nge tshoveli. Loko ku ri wena, u ta pyanya mihandzu ya mitlhwari, kambe a wu nge toli mafurha; ni vhinyo yo tsokombela, kambe a wu nge yi nwi vhinyo yoleyo.+ 16  Kutani milawu ya Omri+ ni ntirho hinkwawo wa yindlu ya Akabu swa hlayisiwa,+ n’wina mi famba hi switsundzuxo swa vona;+ leswaku ndzi mi endla xihlamariso, vaaki va wona va va nchumu wo beriwa noti;+ kutani n’wina mi ta byarha ndzhukano wa vanhu.”+

Tinhlamuselo ta le hansi