Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Mikiya 5:1-15

5  “Enkarhini lowu wa tixeka,+ Wena nhwanyana wa ku hlaseriwa; u hi rhendzerile.+ Va ta n’wi ba rhama hi nhonga muavanyisi wa Israyele.+  “Wena Betlehema Efurata,+ wena lontsongo ngopfu leswaku u va exikarhi ka magidi ya Yuda,+ eka wena+ ku ta huma loyi a nga ta va mufumi eIsrayele+ a ta eka mina, loyi masungulo yakwe ma sukelaka eminkarhini yo sungula, ku sukela emasikwini ya nkarhi lowu nga riki na makumu.+  “Hikokwalaho u ta va nyiketa+ ku fikela enkarhini lowu loyi a velekaka, a velekaka ha wona.+ Vamakwavo lavan’wana hinkwavo va ta tlhelela eka vana va Israyele.  “Kunene u ta yima, a risa hi ntamu wa Yehovha,+ hi ku tlakuka ka vito ra Yehovha Xikwembu+ xa yena. Kunene va ta hambeta va tshama,+ hikuva sweswi u ta va lonkulu ku ya fika emakumu ka misava.+  Loyi u fanele a va ku rhula.+ Loko ku ri Muasiriya, loko a fika etikweni ra hina,+ a pyanya swihondzo swa hina swo tshama eka swona, hi ta boheka ku veka varisi va nkombo ku lwa na yena, ina, tinghanakana ta nhungu ta vanhu.  Entiyisweni va ta risa tiko ra Asiriya hi banga,+ ni tiko ra Nimrodo+ etinyangweni ta rona. Kunene u ta hi kutsula eka Muasiriya,+ loko a fika etikweni ra hina, niloko a pyanya endhawini ya hina.  “Lava va seleke va Yakobe,+ va fanele va fana ni mberha leyi humaka eka Yehovha exikarhi ka vanhu vo tala,+ va fana ni mpfula leyikulu ehenhla ka swimila,+ leyi yi nga tshembiki munhu kumbe yi rindzela vana va munhu wa la misaveni.+  Kutani, exikarhi ka matiko, exikarhi ka vanhu vo tala, lava va seleke va Yakobe va fanele va fana ni nghala exikarhi ka swivandzana swa le khwatini, va fana ni xinghalana xa ntshiva exikarhi ka mintlhambi ya tinyimpfu, lexi, loko xi hundza, kunene xi kandziyelaka ni ku handzulela;+ kutani ku hava mukutsuri.  Voko ra wena ri ta tlakuka ehenhla ka swirha swa wena,+ ni valala va wena hinkwavo va ta dlayiwa.”+ 10  “Kutani esikwini rero,” ku vula Yehovha, “ndzi ta dlaya tihanci ta wena exikarhi ka wena, ndzi lovisa makalichi ya wena.+ 11  Ndzi ta lovisa miti ya tiko ra wena, ndzi hirimuxa tindhawu ta wena hinkwato leti tiyisiweke.+ 12  Ndzi ta dlaya valoyi evokweni ra wena, naswona a wu nge he vi na vona lava endlaka masalamusi.+ 13  Ndzi ta lovisa swifaniso swa wena leswi vatliweke ni tiphuphu ta wena exikarhi ka wena, naswona a wu nge he yi nkhinsameli mintirho ya mavoko ya wena.+ 14  Ndzi ta simula timhandzi ta wena to kwetsima+ exikarhi ka wena, ndzi lovisa miti ya wena. 15  Ndzi ta tirihisela ehenhla ka matiko lawa ma nga yingisangiki, hi ku hlundzuka ni hi vukarhi.”+

Tinhlamuselo ta le hansi