Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Mikiya 4:1-13

4  Kutani exiphen’wini xo hetelela xa masiku+ ntshava+ ya yindlu+ ya Yehovha yi ta simekiwa yi tiya ehenhla ka tintshava, kunene yi ta tlakuseriwa ehenhla ka switsunga;+ kutani vanhu va fanele va khitikanela eka yona.+  Kunene matiko yo tala ma ta ya, ma ku: “Tanani,+ a hi tlhandlukeleni entshaveni ya Yehovha ni le ndlwini ya Xikwembu xa Yakobe;+ kutani u ta hi letela tindlela ta yena,+ hi ta famba emintileni ya yena.”+ Hikuva nawu wu ta huma eSiyoni ni rito ra Yehovha ri ta huma eYerusalema.+  Kunene u ta avanyisa exikarhi ka vanhu vo tala,+ a lulamisa timhaka+ ta matiko yo tala ya le kule swinene.+ Kutani va ta fula mabanga ya vona ma va swikomu ni mafumu ya vona ma va swikhutulo.+ A va nge ri tlakusi banga, tiko rin’wana ku lwa ni tiko rin’wana, naswona a va nge he dyondzi nyimpi.+  Entiyisweni va ta tshama, un’wana ni un’wana ehansi ka murhi wakwe wa vhinya ni le hansi ka nkuwa wakwe,+ a ku nge vi na munhu loyi a va chavisaka;+ hikuva nomu wa Yehovha wa mavuthu wu swi vurile.+  Loko ku ri vanhu hinkwavo, un’wana ni un’wana u ta famba hi vito ra xikwembu xakwe;+ kambe loko ku ri hina, hi ta famba hi vito ra Yehovha Xikwembu+ xa hina hilaha ku nga riki na makumu, hi masiku.+  “Esikwini rero,” ku vula Yehovha, “loyi a a khwita+ ndzi ta n’wi hlengeleta; ni loyi a a hangalakile ndzi ta n’wi hlengeleta,+ yena loyi ndzi n’wi khomeke hi ndlela yo biha.  Kunene loyi a a khwita ndzi ta n’wi endla masalela,+ ni loyi a a yisiwe ekule u ta va tiko ra matimba;+ entiyisweni Yehovha u ta va hosi ya vona eNtshaveni ya Siyoni, ku sukela sweswi ni hilaha ku nga riki na makumu.+  “Loko ku ri wena, Wena xihondzo xa ntlhambi, tshuka ra n’wana wa Siyoni wa nhwanyana,+ byi ta ta eka wena, ina, vulawuri byo sungula byi ta ta eka wena hakunene,+ mfumo wa n’wana wa Yerusalema wa nhwanyana.+  “Kutani, ha yini u tshamela ku huwelela hi matimba?+ Xana hosi a yi kona eka wena, kumbe, xana mutsundzuxi wa wena u lovile, lerova wena u khomiwe hi switlhavi swo fana ni swa wansati loko a veleka?+ 10  Khomiwa hi switlhavi leswikulu, u handzuka, Wena n’wana wa Siyoni wa nhwanyana, ku fana ni wansati loko a veleka,+ hikuva sweswi u ta huma emutini, u fanele u ya tshama enhoveni.+ U fanele u famba u ya fika eBabilona.+ U ta kutsuriwa kona.+ Yehovha u ta ku kutsula kona, exandleni xa valala va wena.+ 11  “Kunene matiko yo tala ma ta hlengeletana ku lwa na wena, lawa ma vulaka ma ku, ‘Onge wu nga nyamisiwa, ni mahlo ya hina, onge ma nga languta Siyoni.’+ 12  Kambe loko ku ri vona, a va yi tivanga miehleketo ya Yehovha, kutani a va xi twisisanga xitsundzuxo xa yena;+ hikuva u ta va hlengeleta hakunene ku fana ni nyandza ya mavele lawa ma ha ku tsemiwaka, ma yisiwa exivuyeni.+ 13  “Suka u yima u hula ntshovelo, Wena n’wana wa Siyoni+ wa nhwanyana; hikuva nanga ya wena ndzi ta yi hundzula nsimbi, ni masondzo ya wena ndzi ta ma hundzula koporo, kunene u ta hlanhla vanhu vo tala;+ naswona mpindzulo+ wa vona lowu nga lulamangiki u ta wu nyika Yehovha hi ku wu vekela etlhelo, ni xuma xa vona u ta xi nyika Hosi ya ntiyiso ya misava hinkwayo.”+

Tinhlamuselo ta le hansi