Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Mikiya 2:1-13

2  “Khombo eka lava va bohaka makungu ya leswo biha, ni lava va endlaka swo biha, emasangwini ya vona!+ Va swi endla eku vonakaleni ka nimixo,+ hikuva swi le matimbeni ya voko ra vona.+  Va navele masimu kutani va ma teka;+ ni tindlu, va ti teka; va dyelele munhu la tiyeke emirini ni ndyangu wakwe,+ munhu swin’we ni ndzhaka yakwe.+  “Hikokwalaho Yehovha u te, ‘Maswivo, ndyangu+ lowu ndzi wu anakanyela khombo+ leri n’wina mi nga ta ka mi nga susi tinhamu+ ta n’wina eka rona, lerova a mi nge fambi hi ku titlakusa;+ hikuva i nkarhi wa khombo.+  Esikwini rero munhu u ta mi hlekula,+ kunene u ta rila xirilo, xirilo lexikulu.+ Munhu u ta boheka ku vula a ku: “Kunene hi tekeriwile!+ Xiphemu xa vanhu va mina wa xi hundzula.+ Vona ndlela leyi a xi susaka ha yona eka mina! Loyi a nga tshembekiki u n’wi avela masimu ya hina.”  Hikokwalaho a wu nge vi na yena munhu loyi a hoxaka ntambhu, hi vuhlolotwana,+ enhlengeletanweni ya Yehovha.  N’wina mi nga tshuki mi humesa marito.+ Vona va humesa marito. A va nge ma humesi marito malunghana ni swilo leswi. Ku tsongahatiwa a ku nge suki.+  “‘Xana ka vuriwa, Wena yindlu ya Yakobe,+ va ku: “Xana moya wa Yehovha wu pfumala ku eneriseka, kumbe, xana leyi i mintirho ya yena?”+ Xana marito ya mina a ma endli leswinene+ eka loyi a fambaka hi ku lulama?+  “‘Tolo vanhu va mina va suke va yima va ri nala lonkulu.+ N’wina mi susa xin’wetsin’wetsi lexikulu emahlweni ka nguvu, eka lava va hundzaka va ri ni ntshembo, ku fana ni lava va vuyaka enyimpini.  Mi hlongola vavasati va vanhu va mina endlwini leyi wansati a yi tsakelaka swinene. Mi susa ku vangama ka mina eka vana va yena,+ hilaha ku nga riki na makumu.+ 10  Suka u yima u famba,+ hikuva leyi a hi yona ndhawu yo wisela eka yona.+ Hikwalaho ka leswi a nga tengangiki,+ ku ni ku fayetela; ntirho wa ku fayetela wa vava.+ 11  Loko munhu loyi a fambaka hi mheho ni mavunwa, a vule mavunwa, a ku:+ “Ndzi ta ma humesa ma wela eka wena malunghana ni vhinyo ni swakunwa leswi pyopyaka,” kunene na yena u ta vula marito eka vanhu lava.+ 12  “‘Kunene ndzi ta hlengeleta Yakobe, hinkwenu ka n’wina;+ kunene ndzi ta hlengeleta lava va seleke va Israyele.+ Ndzi ta va veka hi vun’we, kukota ntlhambi etshangeni, kukota ntlhambi emadyelweni ya wona;+ va ta ba huwa swin’we ni vanhu.’+ 13  “Kunene loyi a boxaka u ta humelela emahlweni ka vona:+ entiyisweni va ta boxa. Va ta hundza enyangweni, kutani va huma ha yona.+ Hosi ya vona yi ta hundza emahlweni ka vona, Yehovha a ri emahlweni ka vona.”+

Tinhlamuselo ta le hansi