Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Matewu 9:1-38

9  Kutani a khandziya byatso, a tsemakanya a nghena emutini wa ka vona.+  Kutani waswivo, va n’wi tisela munhu la omeke swirho a etlele esangwini.+ Loko a vona ripfumelo ra vona, Yesu a ku eka munhu la omeke swirho: “Tiya mbilu, n’wananga; swidyoho swa wena swi rivaleriwile.”+  Kutani waswivo, van’wana va vatsari va tibyela va ku: “Munhu loyi wa sandza.”+  Kutani Yesu, hi ku tiva miehleketo+ ya vona, a ku: “Ha yini mi ehleketa swilo swo homboloka etimbilwini+ ta n’wina?  Hi xikombiso, i yini lexi olovaka swinene, i ku vula u ku, Swidyoho swa wena swi rivaleriwile, kumbe i ku vula u ku, Pfuka u famba?+  Hambiswiritano, ku endlela leswaku mi swi tiva leswaku N’wana wa munhu u ni mfanelo yo rivalela swidyoho+ emisaveni—” kutani a byela munhu la omeke swirho a ku: “Pfuka, teka sangu ra wena u muka.”+  Kutani a pfuka a muka.  Kuteloko mintshungu yi vona leswi, yi khomiwa hi ku chava, kutani yi vangamisa Xikwembu,+ lexi nyikeke vanhu matimba+ yo tano.  Endzhaku ka sweswo, loko a ri karhi a hundza kwalaho, Yesu a vona wanuna la vuriwaka Matewu a tshame ehofisini ya xibalo, hiloko a ku eka yena: “Vana mulandzeri wa mina.”+ Hi nkarhi wolowo a suka a yima a n’wi landzela.+ 10  Endzhaku, loko a ha vurhame etafuleni endlwini,+ waswivo, valuvisi vo tala ni vadyohi va ta kutani va sungula ku vurhama na Yesu ni vadyondzisiwa vakwe. 11  Kambe loko Vafarisi va vona sweswo, va byela vadyondzisiwa vakwe va ku: “Ha yini mudyondzisi wa n’wina a dya ni valuvisi ni vadyohi?”+ 12  Loko a twa leswi a va swi vula, a ku: “Vanhu lava hanyeke a va lavi n’anga,+ kambe yi laviwa hi lava va vabyaka. 13  Kutani, fambani, mi ya dyondza nhlamuselo ya marito lawa, ‘Ndzi lava tintswalo, ku nga ri xitlhavelo.’+ Hikuva ndzi tele ku ta vitana vadyohi, ku nga ri vanhu lava lulameke.” 14  Kutani vadyondzisiwa va Yohane va ta eka yena ivi va vutisa: “Ha yini hina ni Vafarisi hi hanya hi ku titsona swakudya kambe vadyondzisiwa va wena a va titsoni swakudya?”+ 15  Hiloko Yesu a ku eka vona: “Vanakulobye va muteki a va na xivangelo xa ku kolola ntsena loko muteki+ a ri na vona, a hi swona ke? Kambe masiku ma ta lawa muteki+ a nga ta susiwa eka vona, kutani va ta titsona swakudya.+ 16  A ku na munhu la rhungelelaka xitiva xa lapi lexi nga khwanyanangiki engubyeni ya le handle ya khale; hikuva ntamu wa xona lowu teleke wu ta koka nguvu ya le handle naswona ku handzuka ku ta nyanya.+ 17  Naswona vanhu a va cheli vhinyo leyintshwa emaguleni ya khale ya vhinyo; kambe loko vo chela, endzhakunyana ka sweswo magula ya vhinyo ma ta boxeka kutani vhinyo yi halaka ni magula ya vhinyo ma onhaka.+ Kambe vanhu va chela vhinyo leyintshwa emaguleni lamantshwa ya vhinyo, kutani haswimbirhi swa hlayiseka.”+ 18  Loko a ha va byela swilo leswi, waswivo, mufumi+ un’wana loyi a a ri kusuhi a n’wi nkhinsamela,+ a ku: “Sweswi n’wana wa mina wa nhwanyana u fanele a file;+ kambe tana u ta n’wi tlhandleka voko kutani u ta hanya.”+ 19  Kuteloko Yesu a tlakukile, a n’wi landzela; ni vadyondzisiwa vakwe va n’wi landzela. 20  Kutani waswivo, wansati loyi a a karhatiwa hi vuvabyi byo khuluka ngati+ ku ringana malembe ya 12 a ta hi le ndzhaku a fika a khumba dziva ra nguvu+ yakwe ya le handle; 21  hikuva a a hamba a tibyela a ku: “Loko ntsena ndzo khumba nguvu yakwe ya le handle, ndzi ta hola.”+ 22  Yesu a hundzuluka, loko a n’wi vona, a ku: “Tiya mbilu, n’wananga; ripfumelo ra wena ri ku hanyisile.”+ Ku sukela hi nkarhi wolowo wansati a va a hanyile.+ 23  Kutani, loko a fika endlwini+ ya mufumi ivi a vona vachayi va switiringo ni ntshungu lowu endlaka hasahasa ya huwa,+ 24  Yesu a ku: “Sukani endhawini leyi, hikuva nhwanyana loyi lontsongo a nga fanga, kambe u etlele.”+ Hiloko va sungula ku n’wi hleka hi ku hlekula.+ 25  Endzhakunyana ka loko ntshungu wu humeseriwe ehandle, a nghena a khoma voko rakwe,+ kutani nhwanyana lontsongo a pfuka.+ 26  Ina, mhaka leyi yi hangalake exifundzheni xexo hinkwaxo. 27  Loko Yesu a ri karhi a famba hi ndlela, vanhu+ vambirhi lava feke mahlo va n’wi landzela, va huwelela va ku: “Vana ni tintswalo eka hina,+ N’wana wa Davhida.” 28  Loko a nghene endlwini, vanhu lava feke mahlo va ta eka yena, kutani Yesu a va vutisa a ku: “Xana ma pfumela+ leswaku ndzi nga swi endla leswi?” Va n’wi hlamula va ku: “Ina, Hosi.” 29  Kutani a khumba mahlo+ ya vona, a ku: “A swi endleke hi ku ya hi ripfumelo ra n’wina.” 30  Hiloko mahlo ya vona ma vona. Tlhandlakambirhi, Yesu a va lerisa hi ku kongoma, a ku: “Tiyisekani leswaku swi nga tiviwi hi munhu.”+ 31  Kambe, loko vona va humele ehandle, va twarise hi ta yena erivaleni exifundzheni xexo hinkwaxo.+ 32  Kutani loko va suka, waswivo, vanhu va n’wi tisela mbheveve leyi nga ni dimona;+ 33  kambe loko dimona ri hlongoriwile munhu loyi wa mbheveve a vulavula.+ Xisweswo, mintshungu yi hlamala+ ivi yi ku: “A ku si tshama ku voniwa nchumu wo fana ni lowu eIsrayele.” 34  Kambe Vafarisi va sungula ku vula va ku: “U hlongola madimona hi mufumi wa madimona.”+ 35  Kutani Yesu a teka pfhumba ra ku famba hi miti ni swimitana hinkwaswo, a dyondzisa emasinagogeni ya vona ni ku chumayela mahungu lamanene ya mfumo ni ku horisa swifo swa mixaka hinkwayo ni vulema+ bya mixaka hinkwayo. 36  Loko a vona mintshungu a yi twela vusiwana,+ hikuva a yi vavisiwile ni ku tsalangana ku fana ni tinyimpfu leti nga riki na murisi.+ 37  Kutani a ku eka vadyondzisiwa vakwe: “Ina, ntshovelo i wukulu, kambe vatirhi a hi vangani.+ 38  Hikokwalaho, kombelani N’wini wa ntshovelo leswaku a rhumela vatirhi entshovelweni wakwe.”+

Tinhlamuselo ta le hansi