Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Matewu 8:1-34

8  Loko a rhelerile entshaveni u landzeriwe hi mintshungu leyikulu.  Kutani, maswivo, ku fika munhu la nga ni nhlokonho+ a n’wi nkhinsamela, a ku: “Hosi, loko u swi lava, u nga ndzi basisa.”  A tshambuluta voko rakwe, a n’wi khumba, a ku: “Ndza swi lava. Basisiwa.”+ Kutani hi ku hatlisa a basisiwa, nhlokonho yakwe yi suka.+  Kutani Yesu a ku eka yena: “Tiyiseka leswaku a wu byeli munhu,+ kambe famba u ya tikombisa eka muprista,+ kutani u humesa nyiko+ leyi Muxe a yi leriseke, leswaku byi va vumbhoni eka vona.”  Loko a nghena eKapernawume,+ ndhuna ya vuthu yi ta eka yena, yi n’wi kombela  yi ku: “Nkulukumba, nandza wa mina wa xinuna u latiwile endlwini hikwalaho ka ku oma swirho, wa xaniseka swinene.”  A ku eka yena: “Loko ndzi fika ndzi ta n’wi hanyisa.”  Ndhuna ya vuthu yi angula yi ku: “Nkulukumba, a swi ndzi faneli leswaku wena u nghena ehansi ka lwangu ra mina, kambe vula rito ntsena, kutani nandza wa mina wa xinuna u ta hola.  Hikuva na mina ndzi munhu loyi a vekiweke ehansi ka vulawuri, ndzi ni masocha lama nga ehansi ka mina, naswona loko ndzi ku eka rin’wana, ‘Khoma ndlela,’+ ra yi khoma, kasi loko ndzi ku eka rin’wanyana, ‘Tana,’ ra ta, niloko ndzi ku eka hlonga ra mina, ‘Endla leswi,’ ra swi endla.” 10  Loko a twa sweswo, Yesu a hlamala kutani a ku eka lava va n’wi landzelaka: “Ndzi mi byela ntiyiso, Ku hava ni un’we eIsrayele loyi ndzi nga n’wi kuma a ri ni ripfumelo+ lerikulu swonghasi. 11  Kambe ndza mi byela leswaku vo tala lava humaka etindhawini ta le vuxeni ni le tindhawini ta le vupela-dyambu+ va ta ta kutani va vurhama etafuleni swin’we na Abrahama na Isaka na Yakobe emfun’weni+ wa matilo;+ 12  kasi loko ku ri vana va mfumo+ va ta cukumeteriwa ehandle emunyameni. Kwalaho hi laha ku rila ni ku getsela ka meno ya vona ku nga ta va kona.”+ 13  Kutani Yesu a ku eka ndhuna ya vuthu: “Famba. A swi endleke hi ku ya hi ripfumelo ra wena.”+ Hiloko nandza wa xinuna a hola hi nkarhi wolowo. 14  Kutani Yesu, loko a fika endlwini ya Petro, a vona mana+ wa nsati wakwe a etlele a karhatiwa hi ku hisa ka miri.+ 15  A khumba voko+ rakwe, ku hisa ka miri ku n’wi sukela, ivi a pfuka a sungula ku n’wi tirhela.+ 16  Loko ri perile, vanhu va n’wi tisela vanhu vo tala lava nga ni madimona; kutani a hlongola mimoya hi rito, naswona a hanyisa hinkwavo lava a va nga pfukanga kahle; 17  leswaku ku hetiseka leswi nga vuriwa hi Esaya lowa muprofeta, a ku: “Yena u teke mavabyi ya hina ni ku rhwala swifo+ swa hina.” 18  Loko Yesu a vona ntshungu wu n’wi rhendzerile, a lerisa leswaku wu ya etlhelweni lerin’wana.+ 19  Kutani ku ta mutsari un’wana a ku eka yena: “Mudyondzisi, ndzi ta ku landzela kun’wana ni kun’wana laha u lavaka ku ya kona.”+ 20  Kambe Yesu a ku eka yena: “Timhungubye ti ni micele ni tinyenyana ta tilo ti ni byetlelo, kambe N’wana wa munhu a nga na ndhawu yo veka nhloko yakwe.”+ 21  Kutani un’wana wa vadyondzisiwa a ku eka yena: “Hosi, ndzi pfumelele ndzi rhanga hi ku ya lahla tatana.” 22  Yesu a ku eka yena: “Hambeta u ndzi landzela, u tshika vafi va lahla vafi va vona.”+ 23  Kuteloko a khandziya byatso,+ vadyondzisiwa vakwe va n’wi landzela. 24  Kutani waswivo, lwandle ri sungula ku kariha ngopfu, lerova byatso byi funengetiwa hi magandlati; kambe, yena a a etlele.+ 25  Hiloko va fika va n’wi pfuxa,+ va ku: “Hosi, hi ponise, ha lova!” 26  Kambe a ku eka vona: “Ha yini mi ri ni rhumbu, n’wina lava nga ni ripfumelo leritsongo?”+ Kutani, loko a pfuka, a tshinya mheho ni lwandle, hiloko ku va ni ku rhula lokukulu.+ 27  Vanhu volavo va hlamala va ku: “Xana loyi i munhu muni,+ loyi hambi timheho ni lwandle swi n’wi yingisaka?” 28  Loko a fika etlhelweni lerin’wana, etikweni ra Vagadara,+ u hlangane ni vavanuna+ vambirhi lava nga ni madimona va huma exikarhi ka masirha-bako ya xitsundzuxo, va ri ni tihanyi letikulu, lerova a ku pfumaleka ni munhu la nga ni xivindzi xo hundza hi gondzo rero. 29  Kutani, maswivo, va huwelela, va ku: “Xana hi ni mhaka yihi na wena, N’wana wa Xikwembu?+ Xana u tele ku ta hi xanisa+ ku nga si fika nkarhi lowu vekiweke?”+ 30  Kambe ekulenyana na vona a ku ri ni ntlhambi wa tinguluve to tala ti ri eku dyeni. 31  Kutani madimona ma sungula ku n’wi kombela ma ku: “Loko u hi hlongola, hi rhumele entlhambini wa tinguluve.”+ 32  Kutani a ku eka wona: “Fambani!” Hiloko ma huma ma ya etingulubyeni; kutani waswivo, ntlhambi hinkwawo wu tsutsuma wu wela eriweni elwandle, wu fela ematini.+ 33  Kambe varisi va baleka, va ya emutini, va vika hinkwaswo, ku katsa ni mhaka ya vavanuna lava a va ri ni madimona. 34  Kutani waswivo, muti hinkwawo wu huma wu ya hlanganisa Yesu; naswona loko va n’wi vonile, va n’wi kombela hi matimba leswaku a suka emigangeni ya vona.+

Tinhlamuselo ta le hansi