Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Matewu 4:1-25

4  Kutani Yesu a yisiwa hi moya emananga+ leswaku a ya ringiwa+ hi Diyavulosi.  Endzhaku ka loko a titsone swakudya masiku ya 40 ni vusiku bya 40,+ a khomiwa hi ndlala.  Hiloko ku ta Muringi+ a ku eka yena: “Loko u ri n’wana wa Xikwembu,+ byela maribye lawa leswaku ma hundzuka swinkwa.”  Kambe a angula a ku: “Ku tsariwile, ‘Munhu a nga fanelanga a hanya hi xinkwa ntsena, kambe u fanele ku hanya ni hi rito rin’wana ni rin’wana leri humaka enon’wini+ wa Yehovha.’”  Hiloko Diyavulosi a n’wi teka a famba na yena emutini+ wo kwetsima, a n’wi yimisa exihlungwanini xa tempele  kutani a ku eka yena: “Loko u ri n’wana wa Xikwembu, tilahlele ehansi;+ hikuva ku tsariwile, ‘Xi ta lerisa tintsumi ta xona malunghana na wena, kutani ti ta ku khawulela hi mavoko, leswaku nenge wa wena wu nga tshuki wu hima ribye.’”+  Yesu a ku eka yena: “Nakambe ku tsariwile, ‘U nga tshuki u ringa Yehovha Xikwembu xa wena.’”+  Diyavulosi a tlhela a famba na yena entshaveni leyi tlakukeke ngopfu, a n’wi komba mimfumo hinkwayo ya misava+ ni ku vangama ka yona,  kutani a ku eka yena: “Swilo leswi hinkwaswo ndzi ta ku+ nyika swona loko wo nkhinsa-ma u ndzi gandzela.”+ 10  Kutani Yesu a ku eka yena: “Suka, Sathana! Hikuva ku tsariwile, ‘U fanele ku gandzela+ Yehovha Xikwembu xa wena, naswona u fanele ku endlela yena ntsena+ ntirho wo kwetsima.’”+ 11  Kutani Diyavulosi a n’wi siya,+ waswivo, tintsumi ti ta kutani ti n’wi tirhela.+ 12  Loko a twa leswaku Yohane u khomiwile,+ a suka a ya eGaleliya.+ 13  Ku tlula kwalaho, loko a suka eNazareta, u fike a tshama eKapernawume+ etlhelo ka lwandle, emigangeni ya Zebuloni na Neftali,+ 14  leswaku ku hetiseka leswi nga vuriwa hi nomu wa Esaya lowa muprofeta, a ku: 15  “Wena tiko ra Zebuloni ni tiko ra Neftali, ku lulama ni gondzo ra lwandle, entsungeni wa Yordani, Galeliya+ wa matiko, 16  vanhu lava tshamaka emunyameni+ va vone ku vonakala lokukulu,+ kambe loko ku ri lava tshamaka exivandleni xa ndzhuti wa rifu, ku vonakala+ ku tsuvuke+ ehenhla ka vona.” 17  Ku sukela hi nkarhi wolowo Yesu a sungula ku chumayela a ku: “Hundzukani,+ hikuva mfumo+ wa matilo wu tshinele.” 18  Loko a famba etlhelo ka lwandle ra Galeliya, a vona vanhu vambirhi lava a va ri vamakwavo, Simoni+ loyi a vuriwaka Petro+ na Andriya makwavo, va peta rikoka ra tinhlampfi elwandle, hikuva a va ri vaphasi va tinhlampfi. 19  Kutani a ku eka vona: “Ndzi landzeleni, ndzi ta mi endla vaphasi va vanhu.”+ 20  Xikan’we-kan’we va tshika tinkoka,+ va n’wi landzela. 21  Nakambe loko a suka kwalaho a vona van’wana vambirhi+ lava a va ri vamakwavo, Yakobo n’wana wa Zebediya+ na Yohane makwavo, va ri ebyatsweni swin’we na Zebediya tata wa vona, va ri karhi va lunghisa tinkoka ta vona, hiloko a va vitana. 22  Xikan’we-kan’we va siya byatso ni tata wa vona, va n’wi landzela. 23  Kutani a rhendzeleka+ ni tiko hinkwaro ra Galeliya,+ a dyondzisa emasinagogeni+ ya vona ni ku chumayela mahungu lamanene ya mfumo ni ku herisa swifo+ swa mixaka hinkwayo ni vulema bya mixaka hinkwayo evanhwini. 24  Ndhuma ya yena yi hangalaka etikweni hinkwaro ra Siriya;+ kutani va n’wi tisela hinkwavo lava nga pfukangiki+ kahle, lava karhatiwaka hi swifo swo hambana-hambana ni switlhavi, lava nga ni madimona ni va switshetshela+ ni vanhu lava omeke swirho, a va hanyisa. 25  Hikwalaho mintshungu leyikulu yi n’wi landzela ku suka eGaleliya,+ eDekapolisi, eYerusalema,+ eYudiya ni le ntsungeni wa Yordani.

Tinhlamuselo ta le hansi