Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Matewu 3:1-17

3  Emasikwini wolawo ku fika Yohane Mukhuvuri+ a chumayela emananga+ ya Yudiya,  a ku: “Hundzukani,+ hikuva mfumo wa matilo wu tshinele.”+  Entiyisweni, leswi hi leswi swi nga vuriwa hi nomu wa Esaya lowa muprofeta+ hi marito lawa: “Yingisani! Ku ni loyi a huwelelaka emananga, ‘Lunghiselelani+ ndlela ya Yehovha! Endlani magondzo yakwe ma lulama.’”  Kambe yena Yohane loyi, a a ri ni swiambalo leswi endliweke hi voya+ bya kamela ni vamba+ ra dzovo emasengeni; swakudya swakwe a ku ri tinjiya+ ni vulombe+ bya nhova.  Kutani Yerusalema ni tiko hinkwaro ra Yudiya ni tiko hinkwaro ra le kusuhi na Yordani ri huma ri ya eka yena,  a a khuvula vanhu eNambyeni+ wa Yordani, va vula swidyoho swa vona erivaleni.  Loko a vona vo tala va Vafarisi ni Vasaduki+ va ta enkhuvulweni, a ku eka vona: “N’wina vana va timhiri,+ i mani loyi a nga mi lemukisa leswaku mi balekela vukarhi+ lebyi taka?  Xisweswo, humesani mbhandzu lowu kombisaka ku hundzuka;+  naswona mi nga vi na ntiya-nhlana wa ku tibyela mi ku, ‘Tata wa hina i Abrahama.’+ Hikuva ndza mi byela leswaku Xikwembu xi nga vumbela Abrahama+ vana hi maribye lawa. 10  Ana xihloka+ xi le timitswini ta mirhi; kutani, murhi wun’wana ni wun’wana lowu nga humesiki mbhandzu lowunene wu fanele ku tsemiwa+ wu wa, wu hoxiwa endzilweni.+ 11  Loko ku ri mina, ndzi mi khuvula hi mati+ hileswi mi hundzukeke;+ kambe loyi a taka+ endzhaku ka mina wa ndzi tlula hi matimba, loyi maphaxani ya yena swi nga ndzi faneriki ku ma hluvula.+ Yena u ta mi khuvula hi moya lowo kwetsima+ ni hi ndzilo.+ 12  U khome rihlelo rakwe ro peperha, naswona u ta basisa xivuya xakwe hilaha ku heleleke, nakambe u ta hlengeletela koroni yakwe exitlatini,+ kambe mungu u ta wu hisa+ hi ndzilo lowu nga ta ka wu nga timeki.” 13  Hiloko Yesu a suka eGaleliya+ a ya eYordani eka Yohane, leswaku a ta khuvuriwa+ hi yena. 14  Kambe yena a ringeta ku n’wi sivela, a ku: “Hi mina ndzi fanelaka ku khuvuriwa hi wena, ha yini wena u ta eka mina?” 15  Yesu a n’wi angula a ku: “Ndzi khuvule sweswi, hikuva hi ndlela yoleyo swa hi fanela ku hetisisa hinkwaswo leswi lulameke.”+ Hiloko a tshika ku n’wi sivela. 16  Loko Yesu a khuvuriwile, a huma hi ku hatlisa ematini; kutani waswivo, matilo ma pfuleka,+ a vona moya wa Xikwembu wu xika ku fana ni tuva+ wu ta ehenhla ka yena.+ 17  Waswivo! Nakambe, ku huma rito+ ematilweni, ri ku: “Loyi i N’wananga,+ la rhandzekaka,+ loyi ndzi n’wi amukeleke.”+

Tinhlamuselo ta le hansi