Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Matewu 23:1-39

23  Kutani Yesu a vulavula ni mintshungu ni vadyondzisiwa+ vakwe, a ku:  “Vatsari+ ni Vafarisi va tiveke exitshan’weni xa Muxe.+  Hikokwalaho swilo hinkwaswo leswi va mi byelaka+ swona, swi endleni, mi swi hlayisa, kambe mi nga endli hi ku ya hi swiendlo+ swa vona, hikuva va vula, kambe a va endli.  Va bohelela mindzhwalo yo tika va yi tlhandleka emakatleni ya vanhu,+ kambe vona hi voxe a va tiyimiselanga ku yi susumeta hi ritiho+ ra vona.  Mintirho hinkwayo leyi va yi endlaka va yi endlela ku voniwa hi vanhu;+ hikuva va anamisa swibokisana+ [leswi nga ni matsalwa] va swi vehela swi va swisirhelelo, ivi va kurisa madziva+ ya tinguvu ta vona.  Va rhandza tindhawu+ leti hlawulekeke ngopfu eswilalelweni ni switshamo swa le mahlweni emasinagogeni,+  ni ku xewetiwa+ etindhawini ta ku xavisela ni ku vuriwa Rabi hi vanhu.+  Kambe n’wina, mi nga tshuki mi vuriwa Rabi, hikuva mudyondzisi+ wa n’wina i un’we, kasi n’wina hinkwenu mi vamakwavo.  Ku tlula kwalaho, mi nga tshuki mi vitana hambi ku ri mani leswaku i tata wa n’wina la misaveni, hikuva Tata+ wa n’wina i un’we, Wa le tilweni. 10  Naswona mi nga vuriwi ‘varhangeri,’+ hikuva Murhangeri wa n’wina i wun’we, i Kreste. 11  Kambe lonkulu exikarhi ka n’wina u fanele ku va mutirheli wa n’wina.+ 12  Mani na mani la titlakusaka u ta tsongahatiwa,+ naswona mani na mani la titsongahataka u ta tlakusiwa.+ 13  “Khombo eka n’wina, vatsari ni Vafarisi, vakanganyisi, hikuva mi pfalela+ vanhu mfumo wa matilo; hikuva n’wina+ a mi ngheni, hambi ku ri lava lavaka ku nghena a mi va pfumeleli ku nghena. 14  —— 15  “Khombo eka n’wina, vatsari ni Vafarisi, vakanganyisi,+ hikuva mi famba-famba elwandle ni le ndhawini yo oma ku endla muproselita un’we, naswona loko a hundzuka mi n’wi endla munhu wa Gehena ku hundza n’wina hi mpimo lowu andzisiweke kambirhi. 16  “Khombo eka n’wina, vakongomisi+ lava feke mahlo, lava nge, ‘Loko mani na mani a hlambanya hi tempele, a swi na mhaka; kambe loko mani na mani a hlambanya hi nsuku wa tempele, u tibohile.’+ 17  N’wina swiphukuphuku ni lava feke mahlo! Entiyisweni, i yini lexikulu, i nsuku kumbe i tempele leyi kwetsimiseke nsuku?+ 18  Nakambe, ‘Loko mani na mani a hlambanya hi alitari, a swi na mhaka; kambe loko mani na mani a hlambanya hi nyiko leyi nga eka yona, u tibohile.’ 19  N’wina lava feke mahlo! Entiyisweni, i yini lexi nga xikulu, xana i nyiko kumbe i alitari+ leyi kwetsimisaka nyiko? 20  Hikokwalaho loyi a hlambanyaka hi alitari u hlambanya ha yona ni hi swilo hinkwaswo leswi nga eka yona; 21  naswona loyi a hlambanyaka hi tempele u hlambanya ha yona ni hi loyi a tshamaka eka yona;+ 22  naswona loyi a hlambanyaka hi tilo u hlambanya hi xiluvelo xa Xikwembu+ ni hi loyi a tshameke eka xona. 23  “Khombo eka n’wina, vatsari ni Vafarisi, vakanganyisi, hikuva mi nyikela vukhume+ bya musuzwane ni bya aneta ni bya kumini, kambe mi honise timhaka ta ntikelo lowukulu ta Nawu, ku nga vululami,+ tintswalo+ ni vutshembeki.+ A swi boha ku endla swilo leswi, kambe ku nga ri ku honisa leswin’wana. 24  N’wina vakongomisi+ lava feke mahlo, lava ungulaka nyonyorhi+ kambe va mitaka kamela!+ 25  “Khombo eka n’wina, vatsari ni Vafarisi, vakanganyisi, hikuva mi basisa xinwelo+ ni ndyelo ehandle, kambe endzeni swi tele swilo leswi phangiweke+ ni ku pfumala ku ringanisela. 26  N’wina Vafarisi lava feke mahlo,+ sungulani hi ku basisa endzeni ka xinwelo+ ni ndyelo, leswaku swi ta basa ni le handle. 27  “Khombo eka n’wina, vatsari ni Vafarisi, vakanganyisi,+ hikuva mi fana ni masirha lama chuchutiweke,+ lawa kunene ma vonakaka ma sasekile ehandle kambe endzeni ma tele marhambu ya vanhu lava feke ni thyaka ra mixaka-xaka. 28  Hi ndlela yoleyo na n’wina, kunene, ehandle mi vonaka mi lulamile eka vanhu,+ kambe endzeni mi tele vukanganyisi ni ku kala nawu. 29  “Khombo eka n’wina, vatsari ni Vafarisi, vakanganyisi,+ hikuva mi aka masirha ya vaprofeta ni ku khavisa masirha-bako ya xitsundzuxo ya lavo lulama,+ 30  ivi mi ku, ‘Loko a hi ri emasikwini ya vatata wa hina, a hi nga ta hlanganyela na vona engatini ya vaprofeta.’+ 31  Hikokwalaho mi nyikela vumbhoni lebyi mi hehlaka leswaku hi n’wina vana va lava dlayeke vaprofeta+ hi vomu. 32  Kutani tatisani xipimo+ xa vatata va n’wina. 33  “N’wina tinyoka,+ vana va timhiri, xana mi ta swi balekela njhani ku avanyiseriwa Gehena?+ 34  Hikwalaho ka leswi, mina ndzi rhuma+ vaprofeta ni vanhu vo tlhariha ni valeteri+ va le rivaleni va ta eka n’wina. Van’wana va vona mi ta va dlaya+ mi va belela, naswona van’wana va vona mi ta va ba+ emasinagogeni ya n’wina ni ku va xanisa ku suka emutini wun’wana ku ya emutini wun’wanyana; 35  leswaku ngati hinkwayo yo lulama leyi halatiweke emisaveni+ yi ta ehenhla ka n’wina, ku sukela engatini ya Avele+ wo lulama+ ku ya engatini ya Zakariya n’wana wa Barakiya, loyi mi n’wi dlayeke hi vomu exikarhi ka vukwetsimelo ni alitari.+ 36  Ndzi tiyisile ndzi ri eka n’wina, Swilo leswi hinkwaswo swi ta wela xitukulwana lexi.+ 37  “Yerusalema, Yerusalema, mudlayi wa vaprofeta+ ni loyi a va khandleke+ hi maribye lava rhumiweke eka yena,+—i ko tala ndzi lava ku hlengeleta vana va wena, hi ndlela leyi mbhaha wu hlengeletaka ha yona swiciwana swa wona ehansi ka timpapa+ ta wona! Kambe n’wina a mi swi lavanga.+ 38  Maswivo! Yindlu+ ya n’wina yi tshikeriwa n’wina.+ 39  Hikuva ndzi ri eka n’wina, A mi nge he ndzi voni ku sukela sweswi ku fikela loko mi ku, ‘U katekile loyi a taka hi vito ra Yehovha!’”+

Tinhlamuselo ta le hansi