Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Matewu 22:1-46

22  Nakambe Yesu a va angula hi ku va byela swifaniso, a ku:+  “Mfumo wa matilo wu fana ni munhu, loyi a nga hosi, la endleleke n’wana wa yena nkhuvo+ wa vukati.  Kutani a rhuma mahlonga ya yena ku ya vitana lava rhambiweke enkhubyeni+ wa vukati, kambe a va nga lavi ku ta.+  A tlhela a rhuma mahlonga+ man’wana, a ku, ‘Byelani lava rhambiweke mi ku: “Maswivo! Ndzi lunghiselele swakudya-nkulu+ swa mina swa siku, ndzi tlhave tinkunzi ta mina ni swifuwo swa mina leswi nonisiweke, naswona swilo hinkwaswo swi lunghile. Tanani enkhubyeni+ wa vukati.”’  Kambe va famba, va nga khathalanga ha nchumu, un’wana a ya ensin’wini yakwe, un’wana a ya ebindzwini rakwe ro xavisa;+  kambe lavan’wana hinkwavo, va khoma mahlonga yakwe, va ma xanisa kutani va ma dlaya.+  “Kambe hosi yi kariha, yi rhuma mavuthu ya yona ma ya lovisa vanhu lavo dlaya hi vomu ni ku hisa muti+ wa vona.  Kutani yi ku eka mahlonga ya yona, ‘Hakunene nkhuvo wa vukati wu lunghekile, kambe lava a va rhambiwile a va nga faneleki.+  Hikokwalaho yanani emagondzweni lama humelaka ehandle ka muti, kutani mani na mani loyi mi n’wi kumaka n’wi rhambeleni enkhubyeni+ wa vukati.’ 10  Hiloko mahlonga wolawo ma huma ma ya emagondzweni kutani ma hlengeleta hinkwavo lava ma va kumeke, vo homboloka swin’we ni lavanene;+ naswona kamara ra nkhuvo wa vukati a ri tele hi lava vurhameke+ etafuleni. 11  “Loko hosi yi nghena ku ta kambela vaendzi, yi vona munhu un’wana kwalaho loyi a a nga ambalanga nguvu+ ya nkhuvo. 12  Kutani yi ku eka yena, ‘Nandzuwe, u nghenise ku yini laha u nga ambalanga nguvu+ ya nkhuvo?’ A miyela a nga vuli nchumu. 13  Kutani hosi yi ku eka malandza ya yona, ‘N’wi boheni mavoko ni milenge mi n’wi cukumetela ehandle emunyameni. Kwalaho hi laha ku rila ni ku getsela ka meno ya yena swi nga ta va kona.’+ 14  “Hikuva va tele lava rhambiweke, kambe a hi vangani lava hlawuriweke.”+ 15  Kutani Vafarisi va khoma ndlela va ya boha makungu swin’we, leswaku va ta n’wi phasa hi ku vulavula+ kakwe. 16  Hiloko va rhuma vadyondzisiwa va vona eka yena, swin’we ni ntlawa wa valandzeri va Heroda,+ va ku: “Mudyondzisi, ha swi tiva leswaku u ni ntiyiso ni leswaku u dyondzisa ndlela ya Xikwembu hi ntiyiso, naswona a wu khathali ha munhu, hikuva a wu languti ku languteka+ ka munhu. 17  Kutani, hi byele, U swi vonisa ku yini? Xana swa pfumeleriwa ku hakela xibalo xa nhloko eka Khezari kumbe e-e?”+ 18  Kambe Yesu, hi ku tiva vuhomboloki bya vona, a ku: “Ha yini mi ndzi ringa, vakanganyisi?+ 19  Ndzi kombeni mali ya nsimbi ya xibalo xa nhloko.” Va n’wi tisela denari. 20  Kutani a ku eka vona: “Xana xifaniso ni marito lawa i swa mani?”+ 21  Va ku: “I swa Khezari.” Kutani a ku eka vona: “Hikokwalaho, tlheriselani swilo swa Khezari eka Khezari, kambe swilo swa Xikwembu eka Xikwembu.”+ 22  Kuteloko va twa sweswo, va hlamala, kutani va n’wi sukela va famba.+ 23  Hi siku rero Vasaduki, lava vulaka leswaku ku pfuka ka lava feke a ku kona, va tlhandlukela eka yena va ya n’wi vutisa:+ 24  “Mudyondzisi, Muxe u te, ‘Loko munhu a fa a nga ri na vana, makwavo u fanele a teka nsati wakwe a velekela makwavo+ vana.’ 25  Kutani a hi ri ni vanhu va nkombo lava a va ri vamakwavo; wo sungula u tekile ivi a fa, naswona, leswi a a nga ri na vana, a siyela makwavo+ nsati wakwe. 26  Nakambe swi endleka hi ndlela leyi fanaka eka wa vumbirhi ni wa vunharhu, kukondza va helela hinkwavo va ri nkombo.+ 27  Eku heteleleni wansati a fa. 28  Hikwalaho, eku pfuxiweni ka lava feke, xana u ta va nsati wa mani eka lava nkombo? Hikuva hinkwavo va n’wi tekile.”+ 29  Yesu a ku eka vona: “Mi hoxisile, hikuva a mi ma ti-vi Matsalwa hambi ku ri matimba ya Xikwembu;+ 30  hikuva eku pfuxiweni ka lava feke, vavanuna a va ha teki naswona vavasati a va ha hlomisiwi,+ kambe va fana ni tintsumi ta le tilweni. 31  Loko ti ri ta ku pfuka ka lava feke, xana a mi hlayanga leswi Xikwembu xi nga mi byela swona, xi ku,+ 32  ‘Hi mina Xikwembu xa Abrahama ni Xikwembu xa Isaka ni Xikwembu xa Yakobe’?+ A hi Xikwembu xa lava feke, kambe i xa lava hanyaka.”+ 33  Loko yi twa sweswo, mintshungu yi hlamarisiwa hi dyondzo+ yakwe. 34  Loko Vafarisi va twa leswaku u miyete Vasaduki, va hlengeletana va va ntlawa wun’we. 35  Kutani un’wana wa vona, loyi a a tiva Nawu,+ a vutisa, hi ku n’wi ringa: 36  “Mudyondzisi, hi xihi xileriso lexikulu eka hinkwaswo eNawini?”+ 37  A ku eka yena: “‘U fanele u rhandza Yehovha Xikwembu xa wena hi mbilu ya wena hinkwayo ni hi moya-xiviri wa wena hinkwawo ni hi mianakanyo+ ya wena hinkwayo.’ 38  Lexi hi xona xileriso lexikulu ni xo sungula eka hinkwaswo. 39  Xa vumbirhi, lexi fanaka na xona, xi ri, ‘U fanele u rhandza warikwenu kukota loko u tirhandza.’+ 40  Nawu hinkwawo ni Vaprofeta+ swi titshege hi swileriso leswi swimbirhi.” 41  Kutani loko Vafarisi va hlengeletanile Yesu a va vutisa a ku:+ 42  “Xana mi ehleketa yini hi Kreste? Xana i n’wana wa mani?” Va ku eka yena: “I n’wana wa Davhida.”+ 43  A ku eka vona: “Kutani ke, swi endlekisa ku yini leswaku loko Davhida a huhuteriwile+ a n’wi vitana ‘Hosi,’ a ku, 44  ‘Yehovha a ku eka Hosi ya mina: “Tshama evokweni ra mina ra xinene ku fikela loko ndzi veka valala va wena ehansi ka milenge ya wena”’?+ 45  Hikokwalaho, loko Davhida a n’wi vitana ‘Hosi,’ xana yena i n’wana wa yena hi ndlela yihi?”+ 46  A ku na munhu la nga n’wi angula hi rito, naswona ku sukela siku rero a ku na munhu la nga xinyata a n’wi vutisa nakambe.+

Tinhlamuselo ta le hansi