Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Matewu 2:1-23

2  Endzhaku ka loko Yesu a velekiwile eBetlehema+ wa Yudiya emasikwini ya Heroda+ lowa hosi, waswivo, vangoma+ va swilo swa le mpfhukeni lava humaka etindhawini ta le vuxeni va ta eYerusalema,  va ku: “U kwihi loyi a nga velekeriwa ku va hosi+ ya Vayuda? Hikuva hi vone nyeleti+ ya yena loko hi ri evuxeni, kutani hi tele ku ta n’wi nkhinsamela.”  Loko Hosi Heroda a twa leswi, a karhateka, ni muti hinkwawo wa Yerusalema wu karhateka swin’we na yena;  loko a hlengelete hinkwavo vaprista lavakulu ni vatsari va tiko, a sungula ku va vutisisa laha Kreste a a ta velekeriwa kona.  Va ku eka yena: “EBetlehema+ wa Yudiya; hikuva swi tsariwe tano hi ku tirhisa muprofeta,  ‘Wena Betlehema+ wa tiko ra Yuda, hakunene a wu muti lowu nga nyawuriki nikatsongo exikarhi ka valawuri va Yuda; hikuva eka wena ku ta huma la lawulaka,+ la nga ta risa+ vanhu va mina, ku nga Israyele.’”  Heroda a vitanela vangoma va swilo swa le mpfhukeni exihundleni kutani a kumisisa hi vukheta eka vona nkarhi wa ku humelela ka nyeleti;  hiloko a va rhuma eBetlehema, a ku: “Fambani mi ya lava n’wana lontsongo hi vukheta, naswona mi vuya mi ta ndzi vikela loko mi n’wi kumile, leswaku na mina ndzi ta ya n’wi nkhinsamela.”+  Loko va twe leswi hosi yi swi vuleke, va khoma ndlela; kutani waswivo, va rhangeriwa hi nyeleti leyi va yi voneke loko va ri evuxeni,+ yi fika yi yima ehenhla ka laha n’wana lontsongo a a ri kona. 10  Kuteloko va vona nyeleti, va tsaka swinene. 11  Kutani loko va nghena endlwini, va vona n’wana lontsongo a ri na Mariya mana wakwe, va wela ehansi, va n’wi nkhinsamela. Va tlhela va pfula xuma xa vona kutani va n’wi ha tinyiko ta nsuku, murhi wa risuna ni mira. 12  Hambiswiritano, leswi Xikwembu a xi va lemukisile+ enorhweni leswaku va nga vuyeli eka Heroda, va tlhelela etikweni ra vona hi ndlela yin’wana. 13  Loko va tlherile, waswivo, ntsumi+ ya Yehovha yi humelela hi norho eka Yosefa, yi ku: “Pfuka, teka n’wana lontsongo ni mana wakwe u balekela aEgipta, u tshama kona kukondza ndzi humesa rito; hikuva ku nga ri khale Heroda u ta lavisisa n’wana lontsongo leswaku a n’wi dlaya.” 14  Kutani a pfuka, a teka n’wana lontsongo ni mana wakwe nivusiku, a suka a ya aEgipta, 15  a tshama kona kukondza Heroda a fa, leswaku ku hetiseka+ leswi nga vuriwa hi Yehovha hi muprofeta wakwe, a ku: “Ndzi vitane n’wana wa mina a huma aEgipta.”+ 16  Kutani Heroda, loko a vona leswaku vangoma va swilo swa le mpfhukeni va n’wi tlhariherile, a fikeriwa hi vukarhi lebyikulu, kutani a lerisa leswaku ku ya dlayiwa vana hinkwavo va vafana eBetlehema ni le migangeni hinkwayo ya wona, lava sukelaka eka malembe mambirhi hi vukhale ku ya ehansi, hi ku ya hi nkarhi lowu a nga wu kumisisa hi vukheta eka vangoma+ va swilo swa le mpfhukeni. 17  Kutani ku hetiseka leswi nga vuriwa hi Yeremiya lowa muprofeta, a ku: 18  “Ku twakale rito eRhama,+ ku rila ni ku kalakala lokukulu; a ku ri Rahele+ a rilela vana vakwe, naswona a a nga lavi ku chaveleriwa, hikuva a va ha ri kona.” 19  Loko Heroda a file, waswivo, ntsumi ya Yehovha yi humelela hi norho+ eka Yosefa aEgipta 20  kutani yi ku: “Pfuka, teka n’wana lontsongo ni mana wakwe, u khoma ndlela u ya etikweni ra Israyele, hikuva lava a va lava moya-xiviri wa n’wana lontsongo va file.” 21  Kutani a pfuka, a teka n’wana lontsongo ni mana wakwe, a ya etikweni ra Israyele. 22  Kambe loko a twa leswaku Arkelawusi i hosi ya Yudiya ematshan’weni ya tata wakwe Heroda, a chava ku ya kona. Tlhandlakambirhi, loko Xikwembu xi n’wi lemukisile enorhweni,+ a suka a ya etikweni ra Galeliya,+ 23  kutani a fika a tshama emutini lowu vuriwaka Nazareta,+ leswaku ku hetiseka leswi nga vuriwa hi ku tirhisa vaprofeta: “U ta vuriwa Munazareta.”+

Tinhlamuselo ta le hansi