Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Matewu 17:1-27

17  Endzhaku ka masiku ya tsevu Yesu a teka Petro na Yakobo na Yohane makwavo a tlhandlukela na vona entshaveni leyi tlakukeke va ri voxe.+  Hiloko a hundzuriwa emahlweni ka vona, kutani xikandza xakwe xi vangama kukota dyambu,+ ni tinguvu takwe ta le handle ti vangama kukota ku vonakala.+  Kutani waswivo, Muxe na Eliya va humelela eka vona, va bula na yena.+  Petro a angula Yesu a ku: “Hosi, i swinene leswaku hi va laha. Loko u swi rhandza, ndzi ta dzima mintsonga yinharhu laha, wun’wana wu va wa wena, wun’wana wu va wa Muxe, wun’wana wu va wa Eliya.”+  Loko a ha vulavula, waswivo, papa leri vangamaka ri va funengeta, kutani waswivo, rito ri huma epapeni ri ku: “Loyi i N’wananga, la rhandzekaka, loyi ndzi n’wi amukeleke;+ n’wi yingiseni.”+  Loko vadyondzisiwa va twa sweswo va wa hi swikandza swa vona va chava ngopfu swinene.+  Kutani Yesu a tshinela, a va khumba, a ku: “Pfukani, mi nga chavi.”+  Loko va tlakusa mahlo, a va vonanga munhu loko ku nga ri Yesu ntsena.+  Kuteloko va rhelela hi le ntshaveni, Yesu a va lerisa, a ku: “Mi nga byeli munhu xivono lexi ku fikela loko N’wana wa munhu a pfuxiwa eka lava feke.”+ 10  Hambiswiritano, vadyondzisiwa va n’wi tlhandleka xivutiso: “Kutani, ha yini vatsari va vula leswaku ku fanele ku rhanga Eliya a ta?”+ 11  A va angula a ku: “Hakunene Eliya wa ta naswona u ta vuyetela swilo hinkwaswo.+ 12  Hambiswiritano, ndzi ri eka n’wina Eliya ana se u tile naswona a va n’wi xiyanga kambe va n’wi endle swilo leswi va swi lavaka. Hi ndlela leyi na yena N’wana wa munhu wa ha ta xanisiwa hi vona.”+ 13  Kutani vadyondzisiwa va xiya leswaku a a vulavula na vona hi ta Yohane Mukhuvuri.+ 14  Naswona loko va fika entshungwini,+ munhu un’wana a n’wi tshinelela, a nkhinsama ehansi ivi a ku: 15  “Hosi, vana ni tintswalo eka n’wana wa mina, hikuva u ni switshetshela naswona wa vabya, u tala ku wela endzilweni ni le matini;+ 16  naswona ndzi n’wi tise eka vadyondzisiwa va wena, kambe va tsandzekile ku n’wi hanyisa.”+ 17  Yesu a angula a ku: “N’wina xitukulwana+ xo pfumala ripfumelo ni xo homboloka, xana ndzi fanele ndzi ya emahlweni na n’wina ku fikela rini? Xana ndzi fanele ku mi lehisela mbilu ku fikela rini? N’wi tise laha ka mina.” 18  Kutani Yesu a tshinya dimona, ivi ri huma eka yena;+ mufana a hanyisiwa hi wona nkarhi wolowo.+ 19  Endzhaku ka sweswo vadyondzisiwa va ta eka Yesu exihundleni va ku: “Ha yini hina hi tsandzekile ku ri hlongola?”+ 20  A ku eka vona: “Hikwalaho ka ripfumelo ra n’wina leritsongo. Hikuva ndzi tiyisile ndzi ri eka n’wina, Loko mi ri ni ripfumelo leri ringanaka ni ndzoho ya sinapi, mi ta byela ntshava leyi mi ku, ‘Suka laha u ya lahaya,’ kutani yi ta suka, naswona ku hava lexi nga ta mi tsandza.”+ 21  —— 22  Loko va ha hlengeletane swin’we eGaleliya Yesu a va byela leswi: “N’wana wa munhu u ta nyiketiwa emavokweni ya vanhu,+ 23  naswona va ta n’wi dlaya, kutani u ta pfuxiwa hi siku ra vunharhu.”+ Hikwalaho va va ni gome+ lerikulu ngopfu. 24  Loko va fika eKapernawume, vavanuna lava hlengeletaka tidrakma timbirhi [ta xibalo] va tshinelela Petro ivi va ku: “Xana mudyondzisi wa n’wina a nga hakeli tidrakma timbirhi [ta xibalo]?”+ 25  A ku: “Ina.” Hambiswiritano, loko va nghena endlwini Yesu a n’wi rhangela a ku: “U swi vonisa ku yini, Simoni? Xana u ehleketa leswaku tihosi ta misava ti yi kuma eka vamani mindzuvo kumbe xibalo xa nhloko? Xana ti swi kuma eka vana va tona kumbe ti swi kuma eka vafambi?” 26  Loko a ku: “Eka vafambi,” Yesu a ku eka yena: “Kutani, kahle-kahle vana va tona a va hakeli xibalo. 27  Kambe leswaku hi nga va khunguvanyisi,+ yana elwandle, u hoxa xinjovo, ivi u teka nhlampfi yo sungula leyi nga ta huma, naswona loko u pfula nomu wa yona, u ta kuma mali ya nsimbi ya statera. Yi teke u ya hakelela mina na wena.”+

Tinhlamuselo ta le hansi